.,؛×~اللعنة -2

تمت إزالة المحتوى لأسباب خاصة 
:)

.,؛×~اللعنة

تمت إزالة المحتوى لأسباب خاصة 
:)

.,؛×~أم حّروبي والرسم المعماري-الجزء الأول والثاني-الأخيرة

السلام عليكم جميعا ..كيف حالكم عساكم طيبين ..صرت مو محصلة وقت للمدونة وماقعد عليها مثل اول ...أحس البلوغير مو شرات قبل نشاط المدونات مو مثل ما تعودت عليه خصوصا وانه كثير من المدونين وقفوا صرت أشتاق لهم وااايد 

قلم ومساحة والبطة وفدوووك وغيرهم اللي مو مبينين 

كنت فاتحة ببوست وحطيت فيه صور 

هالبوست المفروض انزله من زماااااااااااااااااااااااااااااااااااااااااااااااااااااااااااااااااااااااااااااااااااااااااااااان 

يعني عليه كومة غبرة كح كحححححححح ..لأنه من السنة اللي طافت 

واللي هو المشروع النهائي لمساق الرسم المعماري1

وكان المطلوب إنه نرسم 

مخطط الدور الأرضي+مقطع جانبي +الواجهة الأمامية +مخطط الموقع 

لمبنى الهندسة المعمارية 

كنت بصور المبنى بس كله انسى

وقلت شكلي ما بصوره فخل احط الموضوع  

المهم 

كاااااااااااااااااااااانت أزمتنا الوحيدة هي إنه ما عندنا قياسات 

فلازم نحن نروح نقااايس كل شيء ><"

فبس تخيلوا الوضع ..نحن البنات ماسكين شريط القياس 

ونقايس العمدان واليدران والبيبان والبلوى إنا نقايس مبنى الأولاد !!!

كان الوضع جدا غريب  

وغير مريح ..

أنا من أول يوم رسمت مخطط المبنى سكيتش يعني بس مرتب 

وكل القياسات حطيتها عليها 

فتخيلوا كانت هذي بمثابةالورقة المقدسة كنت أنا الوحيدة اللي أمسكها 

والبنات يخافون على الورقة تضيع أكثر ما يخافون علي -.-"

هذي هي الورقة ..تراها تخرع في الحقيقة من القياسات اللي عليها

بعد أسبوعين من شغل العمال ههههههه 

بدينا نرسم ..فعليكم انكم تتخيلون نحن أستاذنا كان يعتبرنا عباقرة 

فيتوقع منا إنا نحن نعرف كل شي

ونحن ما نعرف شلون نرسم مخطط 

شو أهم الأشيا اللي لازم تكون موجوده فيه 

فكنا نرسم على البركة 

وهذي أثناء رسم المخطط

بدء التحبير..

عاد التحبير كان كارثة أخرى 

تخيلوا تسوون دوائر بالحبر 

من نغلط ايدنا على قلوبنا شلون نمسح الحبر 

وحده من البنات كانت شبه مخلصة الرسمه بالرصاص ويوم بدت تحبر شخطت بالغلط 

جان تعيد الرسمة !!

الييين أخوي علمني امسح الحبر بالكتر ..بعدين ما صدقت ما خليت غلطة ما مسحتها ^^

وجذي خلصت المخطط ...

نظرة أقرب (0.0)

بعد ما خلصنا المخطط كان المفروض نبدا نرسم الواجهة للمبنى اللي هي هالصورة 

شوفوا شلون ملعون خيرها خخخخ هذا الأستاذ الله يسلمه اللي كنت متعقدة منه مافي شي ما يشخبط عليه 

شرح وجذي أخر شي لغوها الرسمه لأن ما شي وقت

..ونحن يااااااااااااااااااي طرنا من الفرح لين طحنا على الأرض باقي رسمتين بعد نرسمهم -.-"

فشرعنا نرسم المقطع الجانبي ...وهذا سوينا فيها تحقيقات لأنه ما كنا فاهمين أصلا شلون نرسمه 

بعض سلسلة مخابرات يمين ويسار نسأل هذا ونحقق مع ذاك رسمنا السكيتش بعدين حصلنا سكتش جاااهز لوووول

اللي هو هذا

وبدينا نرسمه طبعا ...كان رسمه وايد ممتع ..بس حط المخطط ومد منه خطوط طولية وبعدين بس احسب الأطوال وحدد التفاصيل ..وايد سهل ^^..

وهني خطوات الرسم الأول اللرسم بالرصاص طبعا ..الشي اللي واجهنا فيه إشكالية كانت القبة شلون نرسمها لأنها مش نص دائرة شوي مسحوبة ..سألنا الأستاذ وكل شي صار تمام

بعدين واجهنا مشكلة في المدخل كيف شكله لأنه فيه مليون خط وخط ..وبعد استفسارات لقطناه

وهني الرسمة كاملة مكملة ..

close up shot ^^

وأخيرا وليس آخرا مخطط الموقع ...هذي سوينا فيها جريمة خخخخ

كنا بدينا نرسم سكيتش وناخذ القياسات ..

الين يووو ربيعاتي عندي وبهمس يقولون لي "حصلنا سكيتش حق السايت بكل القياسات طايحين بغرفة "

أنا كنت (0.0)

وكملوا"صورنا كل الأوراق بالكاميرا ورديناهم بمكانهم "

هههههههههههه بعد البروجكت سمعنا ناس تقول  انه قياساتهم انصرقت ونحن صخينا الحقيقة نحن ما صرقنا القياسات بس صورناهم 

بس في حد ثاني خذهم يعني نحن براءة خخخخ

هذا السكيتش الملهوف

وهذا سكيتشنا الفقير خخخ

وبديناالرسم ...وكان مافيه شي يذكر بس أصعب شي هو رسم الظلال ..لأن لازم نحط باعتبارنا زاوية سقوط  أشعة الشمس

لاحظوا الصور وكل خطوة بخطوة بتلاحظون الظلال أخر شي عطت بعد حلو حق الرسمة ^^

تحسون كأنه تطالعون المبنى صج وهو مرفوع عن الأرض :)

نظرة أقرب ..

وجذي خلصنا البروجكت ..أحلى شي رحت أسلم البروجكت وبعد ما سلمته نزلت طالعت قبة المبنى من فوق إلا اكتشفت اني ناسية أرسم الدرايش (-_-")بس يلا المهم سلمته ^^

_____________________________________________________________

الحين ننتقل المساق الرسم المعماري 2

كان المساق وايد ممتع وحلو لأنه فيه تلوين وايد كشخة وحتى يوم نرسم نرسمهم 

3D

كنت براويكم الشغل الي اشتغلته طول الكورس لكن للأسف اخر الكورس المس خذتهم كلهم عشان التقييم وما ردوا ><

فبس عندي صورالمشروع النهائي 

المشروع النهائي كان عبارة عن رسم لبيت مشهور واللي هو casa malapart 

سبب شهرة الفيلا هي موقعه الغريب والإستثنائي ..اللي هو جزيرة كابري في إيطاليا صممه المهندس الإيطاليAdalberto libera سنة 

1937

هذي صورة الفيلا

أذكر اول ما شرحولنا الرسمة أنا بلمت ...أطالع المس اقولها شقد دريات فيه شوفو بس كم درية كيف بنرسمهم ..المس قالت أدري بس مو أنا حطيت البروجكت ..اللي حاط البروجكت كان استاذي اللي درسني الرسم 1 ..هو معقد ويحب يعقد غيره خخخخ

وهذي الأوراق اللي حطونا ياها مساعدة كل شي كان جاهز ووايد مسهلين علينا بعكس اللي خذوه هالمساق الكورس اللي طاف هههه كانوا حاقدين علينا نحن وايد أشيا شالوها عنا لانه ماشي وقت

كانت عقدتنا الدرج ...فيلسنا أول كلاس بس نحاول نبدا نرسمه وكل شوي يطلع غلط ..جان ننادي الأستاذ العبقري ..لأن الدرجات في الرسم وايد صغيرة ..وصارت مناقشة حادة بين الأستاذ ومستنا وطالب من عنده ..يمين يسار وجذي جذاك والعبقري مو طايع يكبر السكيل عشان توضح الرسمة ..قال بتتدبر بلغته طبعا خخخ..وجذي توكلنا

 

وبعد ما بدينا واجهنا مشاكل أكثر في الدرج ..طلع عدد الدرجات في الصورة الجانبية غير عن صورة الفيلا من فوق فتأزمنا ورحنا للمس ..والمشكله هم عقدونا ونحن بغيناها بسيطة يعني انا كنت بادية أرسم صح لكن هم راونا طريقة يديدة معقدة 

أخر شي رسيت على الطريقة القديمة وضبطت ^^

وهني وأنا أرسمها

 

وهذي الرسمة بعد ما خلصتها طلعت ضابطتنها ^^ فديتني
والخطوة الثانية كانت ..تلوين الفيلا وهني الجزء الممتع المس عطتنا اوراق في نماذج لتلوين الطبيعة وقالت جربوا واللي تحسون انكم اوكي فيه سووه ..وهاللي صار ^^

هني تجاربي

هاي الطريقة حبتها المس وايد فرسيت عليها :)

وبعد مارسيت على طريقة التلوين بديت ألون وألون ونااااااااسه ..وهذي النتيجة النهائية

...حبيتها والمس بعد يوم سلمته وااايد مدحته 

وهالكورس يوم شفتها قالت لي رسمتج كانت التوب من بين كل السكشنات ..أنا طرت من الفرحة ^^

وجذي أدري البوست طويل ..بس زين مني حطيته من متى وأنا أقول بعدين بعدين ..

حاليا أنا بصدد تصميم بيت عائلة مكونة من خمس أفراد على مساحة 260 متر مربع 

دعواتكم ^^

وفي البوستات اليايه راح أحط بروجكت القروب اللي تحرطمت عليه من كم بوست ..ترقبوا

.,؛×~ذات صباح

استيقظت ذاك الصباح 

وروحها تتراقص في زوايا الدار 

سرور مثير طوق صباحها 

حيّت يومها بإبتسامة 

استعدت وتزينت 

ولكن ..ليس ككل يوم 

وفي أثناء إنشغالها 

بالبحث عم مكملات أناقتها 

نظرت إليها في المرآة ..

رأت شخصا غير الذي تعرفه 

إنسانة جميلة فيها ..

لم تعرفها من قبل 

سألت تلك التي في المرآة

"لماذا عدتِ؟"

أجابتها 

"لأخبركِ بأنك اليوم يجب أن تكونِ أجمل من أي يوم "

وتلاشت روحها قبل أن تسألها 

"لماذا اليوم ؟"

تنكّس رأسها ..تحادث نفسها 

"اليوم؟...مالذي يميزه ..يوم كباقي الأيام.."

ابتسمت "ولكن شعوري يخبرني بأن شيئا جميلا سيحدث ..وستكون ذكرى لا تنسى "

أكملت زينتها ..

ولونت شفاتها بلون وردي كأحلامها 

وهجرت تساؤلاتها ..ليجيب عنها الوقت 

ومرنصف النهار كما إعتادته ..لاجديد 

ولكن سرورها لازال يدغدغ قلبها البرئ 

تساعد هذا 

ترشد تلك 

وتحي ذاك

لاشك بأن بهجتها أثارت تساؤل الأخرين

ولكن جلّ ما قالته 

"بأن شيئا جميلا سيحدث"

وهي منشغلة بالعمل 

لوهلة ..

بدأ قلبها يخفق بقوة ..

مصدرا ألحانا شجية 

يحثها على النظر إلى تلك الزاوية 

نعم ..هناك

هناك خيال شخص يناظرها بحب

نعم شيء جميل حدث ..

شيء الجمها عن الكلام 

فكان أن زاد ثغرها تبسما 

وتسمرت ...تنظر إلى ذاك الخيال 

ولكن ..

أهو خيال ؟!

يتسارع نبض قلبها ..مع إقتراب رائحة عطره 

أدرينالين العالم كله 

أمسى يضخ نفسه في مضغتها ..ليعيده للحياة 

بعد سنتين من الموت ..

تقدم إليها ..

حيّاها ..

                 صمت

سكون      

تحادث نفسها "ردّي عليه ..أجيبي يا مجنونة "

شل كل نبض في جوفها 

من سماع صوته ..

ذلك الصوت الحنون 

ياااه كم اشتاقته 

كم كان وقع صوته مؤلما ..بفرح 

لقد عاد ..

                            هاهو أمامها 

لم يكن خيالا   

                  لم يكن وهما 

ولا حلما 

وإنما الحقيقة في أجمل صورها 

أعاد على مسامعها 

"كيف حالك؟...مابالك صامتة ؟!"

تلعثمت 

                   

ضحكت ..

ضحك هو على ارتباكها 

كان الجو مشحونا 

بالحب 

بالشوق

وبنشوة اللقاء 

رفعت ناظريها إليه 

ابتسم لها 

"ماذا بكِ؟"

نظرت في عينيه بحب 

بادلها النظرات 

وبجرأة فرضها الحب والشوق المميت عليها 

ردّت 

"أشتقت لك"

ودمعة لم تتحمل كل ذاك الشوق وانتحرت

تلاحقها .."وأنا مت شوقا"

وضمها إلى قلبه بقوة ..

بقوة ..

حتى لا تفلت منه مرة أخرى ..

همسة~ إبدأ يومك مؤمنا بأن شيئا جميلا سيحدث ...وسيحدث :)