هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الجمعة، 28 سبتمبر، 2012

.,~xقلبي لا يحدثني :(


صمت موحش لم أعتده يغتال كياني
هدوء مريع ,,

قلبي !!
قلبي العزيز ماذا جرى لك ؟

مالي لا أسمع نبضك ..!
لا أسمع همسك..!
حدثني ,,
يرعبني صمتك ,,
يقتلني ..
أشعر بأني ميتة بسكونك 

أهناك من ضايقك ؟..
أسببت لك حزنا أخبرني !

لا ِأشعر بوجودي وأنت في داخلي هادئ 
حدثني ..
وبخني,,
نبهني ,,
لا تصمت أرجوك ..
أنت من بقي لي لأحدثه ,,,فلا تصمت
من لي أبوح له بما في إن سكتت 
أشعر بالوحدة دونك ..
لا أعرف بم أفكر ..بماذا أشعر ,,!!
وأنت جامد هكذا 

قلبي ..هل أنت مريض ؟؟
أتشكو علة ولا تريد أن تخبرني بها ..!
بالله إن حملت في داخلك كثيرا بسببي ..
أتركها !!!
أترك همومي تضيع ,,تموت ,,
ولكن لا تمت أنت بسببها


أريدك أن تعود إلي ..فإني لم أعد أشعر بمن حولي وماحولي
سأترط التفكير به ..
أعدك بأني لن أفكر به إطلاقا
 لكن أرجوك تحدث إلي,,

هل أنا ميت يا قلبي؟ 
ألهذا لا أِشعر بك..!!
هل لازلت مختبأ في ثنايا أضلعي؟
 أم أنك هجرتني ورحلت ؟

هل رحلت ,,؟؟

هل تسكن جسد آخر غيري ,,!!

عد هنا 

لا أحد يستحقك..لقد أتعبك ذاك 


هل أنت في غيبوبة ما ..
تسمعني ولكن لا تستطيع التحدث إلي ؟؟

قلبي ..أرجوك حدثني ..
اشتقت لبوحك ,,أرهقني سكوتك ..
بالله أجبني ..

قلبي :(

الجمعة، 14 سبتمبر، 2012

.,ْ~x مقتطفات من أشعار سالم السيار



السلام عليكم ..كيف حالكم يا جماعة الخير ...قبل البارحة حطيت أبيات للشاعر المتألق "سالم السيار" في تويتر..وبطلب من حبيبة ألبي نهار ...رتبتهم وحطيتهم بتويتر عشان الكل يستمتع بها :)


يفوح العود من جمره 
وستر أجسادنا من إبره 
ومن ذرة رمل هذا الجبل يا صاحبي كبره 
إذا ما صرت إنت الورد خلك دايم عطره 
مثل شاعر يكون النحل وتكون الناس كل الناس هي زهره
يجيب من الكلام أشكال ..لا صار الحب هو قدره 
وحياتك إنت تبديها وتنهيها ترى بفكره 

***

حنا تأذينا كثير ...حنا القلوب الطيبة 
نمشي بأحاسيس ونسير ...كل شي نشوفه نجذبه 
والمشكله إن الزمان ثابت... وحنا به ندور 
نجرح بعضنا و نعتذر 
نجرح بعضنا ثم نقول...
" هذا الزمن مابه شعور "
كل شي حولك للأسف ...أشياءه كلها مؤلمة 
وحنا القلوب الطيبة.. كل شيء نشوفه نجذبه 
الله يعين الطيبين ..
أهل القلوب المفعمة (بالرحمة والحب الكبير) 
بس ما بقى إلا سؤال..
هذي البشر هل هي فعلا مسلمة ؟؟!!!

***

إذا إنت عالي باحساسك ...
وكل إنسان من حولك بليد شعور !!
لا تقعد تفكر أو تلف وتدور 
بمعنى أجمل الأشياء هو (الإحساس) 
وإذا الإحساس مو موجود في ناسك
 يعين الله 

اشعل فكرك وسافر ...عن الواقع لكراسك 
ومن الأوراق اصنع لك ( جناحين)
وقبل لا تروح لا تنسى...
" تغمض بالخيال وطير" 

***

ولا تحزن بعد هذا المسا ياخوك ...
تهندم
تعلم تمشي فوق الجرح 
ورى كل ليل ياخي...( صبح) 
حزين وليش كل هذا؟!!

تلفت شوف في بالك
" منو اللي فكر يجيلك ؟..
ويسأل وش هي أحوالك!!"
ولا حد ..
إذاً مافي  أحد يستاهل  أحزانك
 أو تكرم حياته بدمعة أجفانك
ولا واحد أكيد يحس
خلك دوم...

خلك دوم فوق النفس

***

ياطيب وين رايح وين ؟؟
تمهل قبل هذا الوقت يجرحك بسكاكينه
إخذ مني... ترى كذب الكلام يبان
ولا تصدق كثير من الكلام بذوق يحلونه
وأعرفك طيب وحساس..
تصدق كل شي...أدري
 تحب الناس عالنية...  معاهم وين ما راحوا.. (عالنية )
ولكن التفت لحظة ...
وخذ مني...
" ترى الطيب في هذا الوقت لو تدري.. 
برمشة  عين ..
برمشة  عين يبيعونه!!"

***

أكبر شتيمة بهالزمن.... كلمة "هلا"
يا كبرها بهالوقت.... ويا قل الفعل 
أدري أنا لسانك يرحب بالملا ..
 وقلبك يشتم كل من عندك وصل!! 
ترحيبتك دايم تجي ....
"هلا وغلا"
ومفارقك كل الغلا يابن الأصل 
لانته كبر هذي الهلا و أيضا ولا ...
كبر الغلا و أثر الحكي عندك سهل !!!

***

صاحبت فالدنيا كثير...
منهو صفالك منهم ؟!!!
لا ينشغل بالك أبد...و لا تجيهم كلهم 
لا تلتفت للي مضى..عينك على باكر
قو العزيمة وانتفض
واصرخ..
" أنا قادر"
 واصنع حياتك بالقرار
وبدل ظلامك بالنهار
وإن كان ودك في أخو ..
صاحب يعينك بالطريق..
 لاتلتفت للناس أبد... خلك مع نفسك أخو 
(النفس هي صاحب )

***

ارقى على جروحك غصب
لاتشتكي للناس أبد..
الناس مشغولة... واللي تبي تقوله أصلا مهو الناس
مثلك ومجروحة!!
كلِِ لثم بوحه..
ماراح تلقى لك أحد
العز هو شمعك ..ارفع عيونك فوق واوقد أمل عمرك 
قلبك وصبرك ..
بالك تطفي العزز..كل ما انتثر دمعك
ولا تشتت أفكارك....( إنت كثير أشياء )
بس فكر بجمعك..
وكمل حياتك ( صح ) 

***

تصدق عاد؟!!!
 طلعت تلعب على الحبلين
أنا من اثنين "دنيا ودين"
يعني الذاكرة نصفين!!
صلاة وأدعية في صوب...
 وشعر وأغنيات بصوب؟!!!
تصدق عاد؟!!!
أنا انسان مرضي ربي و خايف  
ولا أدري ليش؟
ولا أدري شلون أنا أتكيف مع الدنيا عشان أعيش ؟!!
يارب ..وحدني في راسي..
عشان أسمو ...
عشان أعيش !

***

ماتفهمين!!
كم قلت لك : لا تكتبين ؟
البعض يبحث عن صور..يبي يغذي ناظره 
يا مسافرة لدار الأدب 
البعض الآخر وإن قرا..يقرا سطر أو نص سطر
انقلبت الأوضاع ثم صار الأدب .."قلة أدب"
أو قلة الأدب .."أدب"
وإنت (( ذهب ))
أدري بخيالك متعبة ..وتفكرين وتنزفين 
من فكرة لفكرة يسافر بك قلم..."ألم"
محد يمر وينتبه ...وشكثر إنت مرهقة
وكم تتألمين !!!
لا تسألين ...الحل!!
الحل بس قولي معي ..."الله يعين"

***

هذا الوضع الراهن صعب..
كل شي صادق أصبح كذب!!
وكل شي كاذب أصبح صدق!!
(محروقة هالدنيا حرق)
وأكبر كذبة بعالمنا..." لما نصدق كذبتنا"
وخصوصا لما يقولون ..في شاشات التلفزيون
 " كل أموال الشعب تكون ......لهذا الشعب!!!"

كمل يا المسؤول تمون ..
ياراعي البشت المصيون ..
قلبك عايش بس للحب .....
تحب كل شي إلا...( الشعب)!!!

***

الدنيا فيها شيئين ..
شيئين يكونوا بالناس..
"سلبي والآخر ايجابي"
السلبي ...
لو قلت الصدق كل الصدق بقلب ودين ..
محد صدقني بيصدق !!
لو تحلف لو شنهو تسوي ...
مليون خاين وكذاب..مروا أشكال وألوان
خانوا أمة في أكملها..
يعني تبغي الناس الحين... تصدق بس إنت الصادق !!!
 لو الناس تصير لسان ..
صوت لسان الناس يقول"
 "فارق فــــــــارق "


والإيجابي لاشك إنه ..
إن للحين الناس بخير ...
ومصدقة في هذا الشي ...
لا زالت في خير وتؤمن ..
إن الله الحق المؤمن ..
وإن رسول الله محمد هو رسول الله الصادق 

***

أذيت نفسك ليه ؟؟
ومن هو عليه أذيتها؟؟
 للي تركك وراح؟!!..
للي نساك وراح؟!!

شوفه مع أحبابه مستانس ومبسوط!!!
و إنت تعيش الأسئلة ...
"يمكن يجي ؟..أو ما يجي!!".....

والعمر ولى ورااح !

***


مبروك إلى كل رؤساء العرب..
مبروك للأقصى الشريف
من بعد ما ذقنا القهر..
والموت بأنواع اللهب..
اليوم اجتمعوا الرجال..
مشايخ الدين العظام ..
وأهل الثقافة والكتب..
مع كل رؤساء العرب!
طبعا وتم الإتفاق ..على اختراع
 "القائد الصعب الهمام"!!!
اللي اكتشف ..
شي يداري ذلنا ..
شي يخلينا نموت....... أحياء لكن (في سلام)!!!
تم اكتشاف القنبلة ...هو مصطلح ....
"نـــــــــاشط سلام"!!!

الأحد، 9 سبتمبر، 2012

.,؛x~خربطيشن ^^


مرحبااااااا كيفكوووووون ...أخبااااااركون عساااااكون بخير ^^


آآآآآآآآه أحس صارلي دهر ما كتبت في المدونة ...يممكن أكثر عن شهر ..وهااااايأطول مدة أحس قطعت عنها :(
مادري ليش أحس صرت ماحب أقعد على اللابتوب ...يمكن لأني مجابلة اللابتوب طووول الكورس بسبة شغل الأوتوكاد والرسم فصار عندي اكتفاااااء ذاتي ههههه بس والله صج موضوع اللابتوبات والانهايارات العصبية اللي نواجهها بس بسبتها وتعليقها الفظيع خصوصا مع البرامج اللي نشتغل عليها يصير اللابتوب بطططططططططئ بشكل ينفرزز و...ولا أقول خخخخخخ أاذا بديت التحرطم ما بخلص ..جاسني ضيق تنفس بس من ذكرت أيااااااام الشقا والأزمات ههههههههه ..., وخصوصا لابتوب المااااك التعيس اللي عندي يرفع الضغط ..احيانا ودي اكسره 

اشتقت حق ال hp اهئ اهئ لابتوبي العزيز الله يرحمه ...مات في سبيل مشروع الدزاين :"""(

كان لابتوب طيب ..الله يذكره بالخير :"(



ما عندي موضوع أكتبه او عندي موضوع عن رواية توني خلصت قرايتها يمكن اللي معاي بتويتر يعرفونها اسمها Dead Rules بس قلت أخليها لبعدين ..خلني اتفلفلس عليكم هههههه حبيت الكلمة ...بتفلفلس وبدي افش خلئي الكووون شوي ازا بدكووون يعني ...


يعني راح أحكي شوية خربطيشن من هنا ومن هني وهناك واللي عند اللفة ....لاني أحس من زمان كتييير ما فضفضت و ما امتعتكم بتحرطمي وهذرتي اللي ما تستغنون عنها << يا واثق انته خخخخخخ
ـــــــــــــــــــــــــــــــــــــــــــــــــــــ

شو بدي اووول ولا شو بدي اوووول ...اممممم احس كرهت تويتر ...صج مالي خلقه صاير يضيق الخلق :(

احس بسبته صرت وااااااايد جديه ...كله من السياسة والناس اللي ترمس بالسياسة
انا اللي طلقت الجرايد بالثلاث بس عشان ما اضيق خلقي من السياسة واخبار العالم اللي تغث ..وتويتر يابها لعندي ...احس الواحد مايقدر الا ما يتاثر والله من جذي احاول مما ادخله وايد ولو اني ادمنته فترة بس الحين خبيت ...واضطريت اسوي انفولوو لاكاونتات وايد مو لاسباب شخصيه لكن تويتاتهم السياسية الزايدة كانت السبب ...حتى راح يكون هالشي هو موضوعي لبروجكت مادة الكتابة التقنية ...والاستاذ عجبته فكرة البروجكت وحتى هو يقول انه من كثر ضيقه الخلق يقول ودي اغلق حساباتي في فيسبوك وتويتر ...يقول الواحد يدخل يبي يقرا شي يفتح نفسه على اليوم شي يشجع ...يدخل ما يلقى غير ضيقه الخلق ...صدقه والله ...وانا بعد صايره تراودني فكرة غلق الاكاونت بتويتر ...هذا بصوب واليهال "الشباب اللي ما عندهم سالفه" اللي ما عندهم غير سالفه "نتعرف على بعض أكثر" ولااااا تصطفل انتاااا مين بدوووو يتعرف عليييك...والله يضحكووون احسهم من زمن الجاهليه ...بس ما ينقرضون !!!


وهيكااا يعني ...
ــــــــــــــــــــــــــــــــــــــــــــــــــــــــــــــــــــــــــ

هاي الرسمه عجيييبه ...يقولون  بنت من الجامعه رسمتها وصج تشبه السكيوريتي صج..وايد طيب هالسكيوريتي هههه يوم اساله يكلمني ويقولي "انزين بابا " يحليله الله يحفظه 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبعا تعرفون اني بدديت الجامعه صارلي اسبوووع ....


كانت البدايه حالها حال اي بداية كورس بجامعة بس مادري ليش كنت احس بشعور غريب ...كنت احس كأني مستجدة بأول كورس بالجامعة ماعرف ليش ...شعور جدا غريب ...ههههه اذكر ثاني يوم بالجامعة صارلي مووووقف جدا غبي
ههههههههه حسيت ويههي احترقق ...
الله يسلمكم ...كان الصبح وكالعادة في مهمة البحث عن باركن ...




هذي الصورة من قلب الحدث من السيارة ..شوفوا المعاناة اللي لازم نعيشها كل يوم خخخخخ


وهاي صورة اخرى للدمار اللي حل بالجامعه هههه 

المهم لفيت مره ومرتين وثلاث ..الين حصلت لي باركن ونزلت مت السيارة ...وانا ماشية طلع بويهي واحد ...جان يقول "شو ماشي مكان " قالها بصوت عالي وانا عبالي يسألني عن الباركنات ...جان اتجدم واقول " لا مافي " الا أشوفه يمر حذالي ولا كأني رمسته "ويقول أنا رحت لهم وقالولي ما شي عندهم مكان "
!!!!!!Oـــــo


كان مركب سماعات ويرمس بالفون ....أنا وييهي صاااار جي



حسيت ابي الارض تنشق و تبلعني :\\\\\\\
ااااااااخ موقف مو حلوووو T_____________T

بس لسااا عايشين والحياة حلوه ^^ ههههههههه

ـــــــــــــــــــــــــــــــــــــــــــــــــــ
في رحلة الذهاب الى الكلاس ...متمتعه بالتان الطبيعي المجاني :\


ــــــــــــــــــــــــــــــــــــــــــــــــــــــــــــــــــــــــ

وشي ثاني هههههههههههه اليوم حضرت اول كلاس لاب .....رحت وقالولي الكلاس فغرفه ٢١٩ ...فأنا كنت رايحة هالصوب مع انه مكتوب بجدولي انه بغرفه ٢١٨ ...المهم وانا ماشية بنتت قالت لي لا الكلاس ب٢١٨ وراحت وقعدت ..انا شفت غرفه ٢١٨ فيها بنات وطلعوا بكلاسي وكانوا قاعدين ينطرون الاستاذ وقعدت انطر معاهم ..مرت ربع ساعه جان تي مسؤوولة المختبرات وتقول انتو فزكس ٢ سكشن ٥١ ...كلنا قلنا هيه ...جان تبتسم وتقول "ما شالله ...ياحلوين الكلاس ٢١٩ والاستاذ بدا يشرح " هههههههههههههههههههه والبنات قاعدات بكل ثقه والاستاذ يشرح فالكلاس اللي حذالنا هههه جان نروح الكلاس ...جان زين ما سمعت كلام البنت هذيج هههه



الزبدة ... لاتسمعون كلام اي حد خخخخخخ


ـــــــــــــــــــــــــــــــــــــــــــــــــ

هالكورس مشروع الدزاين راح يكون عبارة عن "تصميم مركز تجاري" ^^
راح يكون شغل قروبات والحمدالله انا سبقت الكل واخترت مجموعتي وان شالله نتفق ونبيض الويه ...دعواتكم ما تصير عندنا حروب هههههه

ــــــــــــــــــــــــــــــــــــــــــــــــ

في ايقونات غريبة فبلوغيير ...لعوزتتني وانا اكتب البوست ...هاللي تحط ارقام ونقاط :\

وبعد ايش بدي اوووول ...امممم اظن بس يكفي هذره ههههههه ان شالله بس ما قرقت وااايد على روسكم ^^


ودمتم سالمين ...ولأم حروبي متابعين ^^