.,،؛×~عودة للحياة:)

السلاااااااااااااااااااااااااااااااااااااااام عليكم ورحمة الله وبركاااااااااااته 

جيف حالكم ...شووو أخبااااااااااااااااااااااكوووم ..علومكم ..

حلوين طيبين ..مثل ما أحبكم ....

وأخيييييييييييييييييييييييييرا ..انتهى الكابووووس 

للي سأل عن امتحاني الثاني في هذيج المادة فالنتيجة أحسن عن الأولى ولكن ماترضي غروري 

أحس في شي مو طبيعي في توزيع الدرجات بشهادة الجميع ...من ناحية ثانيه 

بعد صدمة هذاك الإمتحان يت الصدمة الثانيه اللي كأبتني ألا وهي إن المادتين اللي خذتهم بالصيفي هي وحدة في الفيزياء 

والثانية في الرياضيات يعني المادتين فيهم معادلات ومسااائل ...وأنا ما دري شو للي ضربني على راسي 

وخلاني اخذهم بالصيفي مع بعض ..كنت أحسب نفسي "سوبربنت" وأقدر عليهم...مالقيتني غير أكره شي اسمه صيفي ><

وأخيرا من سالفة الرسوب "I'm still recovering"

للحين فيني حرة ...بس الحمدلله رغم كل شي ...في انتظار نتايج الإمتحانات النهائية 

بعد هالمقدمة الكئيبة ...اليوم يايتلكم بشوية أخبار وأحداث عشتها بالفترة الأخيرة ...أحداث حلوه :)

هم ثلاث أحداث ....نبدا بسم الله ...

أول حدث هو "حق الليلة "...طبعا تقولوله قرقيعان 

وخبرتكم ان نحن عندنا بنص شعبان ...

يلسنا أنا وخواتي وخواني نسوي توزيعات :)

خخخخ نصهم لحفلة أختي اللي كانت لتخرجها من الجامعة :)

أثناء العمل ...بعترف إني ما سويت شي خخخخ بس كنت شاردة من المذاكرة وأشوفهم يسوون

هذا بسكوت المووووز أختي تحبه بس الحين طعمه تغير موشرات قبل 

شكلهم الحلويات يغري وهم جذي خخخخ 

 التوزيعاااااات ...من يبي ..خخخخ خلصوا راحت عليكم هع 

وهذي سلة توزيعات أختي لدوامها ...بعد ما خلصت كل واحد منا يصور على أساس هو مسونه هههه <<مقصة ^^"

هذي كانت بعض الصور عن الاستعداد حق هذي المناسبة ^^

ننتقل للحدث الثاني وللي هو يتبع له ...

--------------------------------

شاركت بفعالية حق الليلة مال هذي السنة كانوا مسوينها بمكانين سوق العرصة والمربى المائي ..بما إني السنة اللي طافت رحت سوق العرصة قلت هالمرة خل أسير المربى ..

هذي شرطة الشارجة مشاركة بالفعالية ... يسوون مسابقات ويسألون أسئلة عن شرطة الشارجة 

هني جانب من المسابقات 

لعبة منو يحافظ على بالونته للنهاية ..البنت للي لابسة أزرق فازت ^^...وحليها كانت شادة حيلها

كنت أصور اليهال ...بعدين اكتشفت انه في بنوته كانت تطالعني ....خخخ جكتني ..حبيتها كيوووت

"حق الليلة "...من شرطة الشارجة :)

صورة جماااعيه :)

 سبونج بوب ...لحد يسألني هذا شيابه ...ما أدانيه ><....رزة بكل مكان <<شكله وايد يقهر 

مهرجييين ....ترى ما يخصه بالتراث هههههه بس جي 

 ورشة الرسم والتلوووين ...

 ورشة الأشغال اليدوية 

 عبووود زخووووه ....وأم خمااااس من رسوم فرييج ...أحلى شي يتمشووون ووراهم اليهال بكل مكان ...أحب اليهال يوم يكفخونهم تحسهم أشرار ...وهذولا كل واحد ماسك راسه ليطيح هههه>>أبد مو مقطعتنهم 

 وهذوووولا اليهاااالو البنات ....تشوفون البنت اللي لابسه مخور بوتيلة ..ثالث وحدة من اليسار ..أنا كنت أقول بصوركم ..أقصد الكل ..وهي عبالها أبي أصورها هي بس ...وتيبست مكانها ...وتطالعني بحقد مادري ليش ههههه ...ماتضحك ^^"

 جانب من الحضور ....

 وهذولا مركز براعم الرقة ....مسوين فقرة أغاني شعبية ...ماشالله عليهم 

 تشوفون هذي البنت اللي لابسة برقع ...هههه شفتها بعدين تتمشى بدون الرقع جان اقولها تعالي تعالي البسي البرقع خل اصورج جان تقولي "والله "...هههه كانت اكبر من البنات وزعيمتهم هههه 

وهذي كانت الفعالية ...امم استمتعت بالفعالية لمن كانت بسوق العرصة أكثر ...هالسنة كان ناقصنها الترتيب شوي :)

أهم شي شاركت خخخ

ننتقل للحدث الثالث 

-----------------------------------------------------------------

 وصلتني دعوة لورشة "عبّر عن تراث الإمارات"...لجمعية التراث العمراني ...حقيقة ماكنت أعرف شو بالضبط راح أسوي بالورشة ...وأذكر وأنا كنت رادة من الجامعة على أساس أرد البيت أجهز عمري وأروح الورشة ...أسأل روحي أروح ولا ما أروح خصوصا وإنه ربيعاتي ماقدروا ييون بعضهم مشغول بالامتحانات واللي مايقدر ...هذا يعني إني لازم أسير بروحي ...وأنا كل الفعاليات اللي رحتها كانت مع خواني وخواتي ..فكان شي يديد إني أروح بروحي وغيرها كنت مابين أروح الورشة أو أقعد بالبيت أذاكر ...قلت لروحي المذاكرة لاحقين عليها ..لكن هذي الفرص قليل ما تي في الحياة ...هذي من امتحانات الحياة (أحازل اقنع روحي هع )..يعني أنا دوم أذاكر مافي شي يديد بالموضوع أما الورشة فيعني بكتسب خبرة ..تجربة ...وبضيف شي لشخصيتي ...وبجذي قررت أروح الورشة :)

شفت هناك زملائي بالجاامعة ...كانت الورشة عبارة عن مجموعات ..كل مجموعة لها سيناريو تشتغل عليه ...يعني موقف يمر علينا شلون في هالموقف نعبر عن تراثنا للغير ..

أنا في مجموعتي كان معاي زميل لي بالجامعة و واحد من إدارة التراث بدبي ...

هذا السيناريو مالنا واللي هو عبارة عن "مهندس معماري \اختصاصي ترميم من دولة مجاورة ...يزور الإمارات ..كيف توصل تراثك وتعبر عنه لهالمهندس ..بحيث تزيد اهتمامه ...والمطلوب إنه نسوي برنامج مدته ساعة على هالأساس ....

وهذا كان بوسترنا ....اخترنا منطقة البستكية لتكون نقطة الإنطلاق ...بحيث إنه المهندس المعماري يعيش الأجواء التراثية ..ومنها ننتقل للسوق الكبير في بر دبي ...مرورا بالشندغة لزيادرة بيت الشيخ سعيد ...

والمجموعة الثانية كان السيناريو عن رجل أعمال يبغي يسوي مشروع ...وكيف تحاول تقنعه يسوي مشروع يخدم التراث 

وهم اقترحوا يسوي منتجع  كل شي فيه تراثي يعني لمن تسكن فيه  تحس إنك تعيش أيام أول ...

 والسيناريو الأخير ..كان عن صحفي يبغي يكتب عن تراث الإمارات فكيف تساعده في تقريره ..هم اختاروا يودونه منطقة المريجة اللي فيها سوق العرصة والمنطقة التراثية ..و يخبرونه عن التراث :)

 وطبعا ماكانت السناريوهات جذي بس ...لكن كان شي لجنة تحكيم ...تمر علينا وتشوف شلون نتفاهم كمجموعة وأفكارنا وتقيمنا على هالأساس ...وكانت اللجنة مكون من أربع أشخاص هم من اليمين (محمد بن جرش مدير عام لمجموعة مسارح الشارقة , سهيل  الكعبي عضو في منتدى الشارقة للتطوير , وأخيرا ناصر هاشم مدير متحف اللآثار في الشارجة )

 جاااااانب من الورشة ...أنا هنااااااك أخر شي هع ..أتحدااكم تشوفوني :)

 بعد ماخلصنا شغلنا وخلصنا بوستراتنا ...سوينا بريسنتيشن عن شغلنا ...عشان يقيمونها تقييم نهائي ...,وصارت مناقشة حلوة بين المشاركين ولجنة التحكيم ...بالنسبة لي استمتعت فيها أكثر شي....حلو يوم تاخذ الخبرة من ناس أكبر وأخبر منك :)

بعدها تم الإعلان عن النتايج وكانت كالتالي مجموعتي والمجموعة الثانية "سيناريو رجل الأعمال" يينا بالمركز الأول يعني تعادلنا وحصلنا 84 نقطة من 100 وأما المجموعة الثالثة "سيناريو الصحفي" كانوا بالمركز الثالث بس 76 نقطة ...

وبعدها تم توزيع شهادات على أعضاء لجنة التحكييم ...والمشاركين :)

وهذي كانت أخبااااااااري ...وأحداث حياتي في الاسابيع اللي طافت إن شالله استمتعتوا بالتدوينة :)

وبعد شوي بحاوط في المدونات أشوف جديدكم ^^

دمتم سالمين ~

.,،؛×~عثرة دراسية

السلام عليكم ورحمة الله  وبركاته ...

كيفكم ..وأخباركم...أشتقت لمدونتي وكل شي فيها ...مؤنستي ...قاطعتها 

الأيام اللي فاتت لإنشغالي بالدراسة من أجل امتحانات نصف الفصل الدراسي ..فكما تعلمون أني 

ضحيت بإجازتي الصيفية لأقضيها في ربوع الجامعة ...طوعا وليس كرها ...

لم أكن متأكدة إن كنت أريد مشاركتكم بما سأفضيه اليوم ...ولكن كما ذكرت آنفا في مذكراتي الجامعية بأني أريد تدوين كل 

ما يطرأ في حياتي الجامعية ...حتى لا أنسى أخطائي وعثراتي ...لهذا عزمت مشاركتكم به ..ولأن الكتابة هي جزء من العلاج 

عل نفسي تستكين بها ...فأصابعي تكتب وعيناي محتقنتان وتؤلمانني من بكائي ودموعي التي أعاندها ولكن تأبى إلا أن تفر من خدرها 

وصداع يقتلني نتيجة حالة البكاء الهستيري التي أصابتني ...فاليوم ولأول مرة في تاريخي الدراسي "أرسب"...

نعم أقولها بلا فخر 

على مدى الأيام الفائتة انكببت على كتبي ...وهذه المادة بالذات صرفت عليها من وقتي ثلاث أيام بلياليها ...أقرأ وأستذكر وأحل مسائلها حتى تشربتها ..وحفظت مسائلها ...دخلت الإمتحان وأنا كلي ثقة بأن لدي ما يلزم لأحصل على درجة إن لك تكن كاملة ولكن شبه كاملة ...وخرجت بشعور جيد بأني قد قدمت جيدا ...وما إن بدأت النقاش مع زملائي حتى بدأ القلق يأكل راحتي ...لم أنم يومها وعدت و قد سرق القلق مني قيلولتي التي تمنحني بضع ساعات راحة ...وحاولت التخلي عن تلك الأفكار المسمومة لأستعد لمذاكرة الامتحان الذي يليه ...أحل المسائل وأنفاسي تتقطع ...وكأني ركضت مليون ميلا ...أنهكت نفسي ...وأتى اليوم التالي وقدمت اختباري الثاني ...بعدها حضرت محاضرتي الثانية ليزف لنا الدكتور أنباء فشلنا الذريع في الامتحان ...لم أكن متأكدة بأي صف أنا ...هل أنا من القلة القليلة التي أبلت حسنا أم أني من المغضوب عليهم ....وماهي إلا ساعة  وعلمت بأني من الفئة الثانية ....دارت علي الدنيا بعد استلام نتيجتي ...كيف لي أن أرسب ...وعدت للمنزل ..لا أدري كيف أستطعت القيادة ودموعي تهل دون توقف ...وكل ما أردده في قرارة نفسي "أين ذهبت مذاكرتي؟...مالذي كنت أفعله إذا في تلك الأيام الثلاث ؟؟..إن لم تثمر "....ما يؤلمني أكثر هو حقيقة أني قد بذلت جهدي ...و فعلت ما بوسعي ..فلو أني لم أستذكر جيدا كنت لأقول بأني استحققت رسوبي ...ولكني درست ...

عدت للمنزل والتجأت إلى سريري ودفنت وجهي في وسادتي في محاولة فاشلة لإيقاف دموعي ...وتعالى صوت أنيني وأتت أختي تخفف مصابي ...وتسألني عن درجات البقية ..لأخبرها بأن الغالبية العظمى  حالهم من حالي ...وتخبرني بأن ذلك يعني بأن العيب من الأستاذ ...لا أدري حقا ...فكون أنه وضع امتحانا مكونا من مسألتين فقط والامتحان من 100 درجة ...يعتبر ظلما وبأن أقل غلطة ستذهب كما هائلا من الدرجات ...

لا أعلم إن كنت مذنبة جل ما أعلمه بأني قد بذلت ما بوسعي ....وبالتأكيد بأن الله لن يضيع تعبي سدى ...لا زالت هناك فرصة لأعوض فهناك الاختبارات اليومية والامتحان الثاني والامتحان النهائي على أمل بأن ما حدث لن يتكرر ...ولابد لي من لقاء مع الأستاذ لأعلم موقعي من الإعراب في هذه المادة ...وسأكمل بنفس الجهد وأكثر ...والله ولي التوفيق ...

أعتقد بأني سأكتفي بهذا القدر من البوح ...

لا إله إلا أنت سبحانك إني كنت من الظالمين ...

.,،؛×~حكم فتاة جامعية -3

ومرت سنتان ...هه لا أصدق سنتان مذ فارقت  المدرسة و بدأت رحلتي الجامعية

كيف للأيام أن تمضي بسرعة هكذا !!...

مع انتهاء هذه السنة ...مر أمام عقلي شريط السنتين الفائتتين ...

تذكرت نفسي ...
دخلت الجامعة محملة بالآمال بالطموح ...
كان عندي كل ما يلزم ...
إلا شيء واحد ....
التخطيط للهدف 
...كيف ذلك ...ستعرفون ..
 لقيت أول صفعة لي من الجامعة  باضطراري لدخول برنامج مكثف لتعلم اللغة الإنجليزية ...وأنا كنت على تمام الثقة بأني لا أحتاجه ..
ولكن هي النظم المقيتة التي تزيد حياتنا صعوبة رغم سهولتها...
لم يكن هذا بالحسبان استأت  وأحبطت ولكن لم يكن بيدي سوى المضي وبذل الجهد...لتمض تلك الشهور الثلاث وأودع هذا البرنامج
 وأقنعت نفسي  بأن ذلك لصالحي فلغتي ستغدو أقوى بإذن الباري
..حقيقة مع مرور الأيام بدأت أستوعب الآية التي تقول
 { ... فعسى ان تكرهوا شيئا ويجعل الله فيه خيرا كثيرا } 
..بحق كانت لي الفرصة لأنسحب من البرنامج لأني حصلت على الشهادة التي تخولني لذلك ولكني فضلت إكمال ما بدأت .
أحببت البرنامج وزميلاتي وأساتذتي.
 حقيقة الآن أعترف أن ذاك البرنامج من أجمل ما عشته في الجامعة حتى الآن ...وهكذا في الفصل الذي يليه دخلت في دوامة تخصصي ...وخضتها وعانيت فيها من صديقات المصلحة وكانت درجاتي في تذبذب..
لماذا؟...
لأني لم أنتبه لغلطتي في الفصل السابق ..فلم أخطط لهدفي في هذا الفصل ..ولكن لم يفتني ذلك مع بدأ الفصل الثالث أو بالأصح  سنتي الثانية ...
وضعت أمامي هدف
"الدراسة ثم الدراسة ..لا وقت للعب ولا وقت للصداقات!! "

...وحقا لاقى هذا الفصل نجاحا ..مر بخفة وسلاسة ...ودرجاتي مرضية ..
ولكن دوام الحال من المحال ...
لا أدري أي نصيحة حمقاء اتبعتها!!
 ...أو
 ...لربما لم تكن حمقاء
 ...أنا من طبقتها بحمق
 ...كان أن نُصِحت بأن أريح نفسي و ألا أجهد نفسي بالعمل ..
فلنفسي علي حق ...
لازلت أذكر ردي على تلك النصيحة ...
أجبت نعم لنفسك عليك حق ولكن لربما استلذت نفسي الراحة
...وهذا ما كان ..فبت أريح نفسي أضعاف ما تعمل ...و بدأت أتهرب من الدراسة ..قيل لي بأن نوبات كهذه لابد أن تحدث في مرحلة ما من الحياة الجامعية ...
حقيقة بت أكره نفسي لأني لم أعتد منها الهوان ...
وانعكس كل ذلك علي سلبا خلال الفصل
 فمن زملاء فصلي الذين لم يتوانوا عن إطلاق عيونهم دون ذكر الله ...
ومن أستاذ بذل كل جهده ليؤرق طلابه بأسلوبه المستفز ...
ناهيك عن قولي بأني انجرفت في عالم الصداقة
 فبذلك كنت قد قمت بالنقيض تماما لكل من فعلته في الفصل الذي سبقه ..

مر هذا الفصل ثقيلا على نفسي بشكل مقيت ...
ولعلكم لاحظتوا ذلك من خلال تدويناتي في الشهرين الفائتين...

والآن أنا أدون كل تلك التجارب و الخيبات والعقبات
 حتى إذا ما نسيت أتذكر بأني قد أخطأت مرة فلا أعيد تكرار نفس الأخطاء ...
لابد أن أدع لنفسي المجال بأن تخطئ في أشياء أخرى
 لأتعلم أشياء أخرى لا أن أعيد نفس الأخطاء وأدور في حلقة مفرغة ...
ألا تتفقون معي ..
.وإن نسيت أنتم هنا لتنعشوا ذاكرتي ..أليس كذلك!! J 

  

وهذا فيديو بسيط من إعدادي

Be Optimistic J

ودمتم سالمين :)

.,،؛×~Shoot me

SomeOne Just ShoOt me

cuz This semester is killing me 

(-,-")

Mentally Exhausted <<

.,،؛×~fading

I'm fading ...

and the life is sucking all the life from me

day after day ...shrinking..vanishing

and the whole is not having mercy on me

wish to breath from the heart 

till the last drop of weakness drop out of me

want to feel free 

from all the work

 all the must

the loads

 on my back

and  just shout from the core 

of my soul

 finally this semester ,,

,finally finally is a dead meet 

*زعلانه منكم ...كلكم :"(
يعني لأني غبت عن عالم التدوين ماعاد حد يزورني ...والتعليقات اللي كنتوا تحطونها كانت بس مجرد مجاملات لأني أزور مدوناتكم والحين لأني ماعدت ادخل وايد صرتوا ما تعلقون ..زعلتوني ><

.,؛×~أم حروبي والتصميم الأساسي -الجزء الثاني

مرحبااااااااااااااااااااااااااااااااااااااا ايفري بودي 

شلونكم شخبااااااااااااااااركم

كح كح كحححححححححححح 

اخ المدونة جنها مغبره 

من زمااااااان مو طابتنها 

علومكم أخباركم 

عساكم تيبين هلوين بخيرييين 

همممم اليوم كنت بنزل بوست عن البروجكتين اللي اشتغلت عليهم هالكورس اللي هم البروجكت مال الشغل الجماعي وبروجكت البيت 

لكن تذكرت إني ما نزلت بقية البروجكتات مالوووت الكورس اللي طاف 

سوو

قلت خلي انزلهم بالترتيب احسن 

من جي فهالبوست حطيت ثلاث بروجكتات من الكورس اللي طاف

عفيتكم من وااايد تفاصيل ولو انها التفاصيل احلى شي خخخ

ان شالله تستمتعون بالبوست ...رغم إني مالي خلق ههه فيمكن ما سولف واايد >>وي أحسن اكيد جي تقولون هع 

يللا نقووول باسم الله 

قبل لا أبدا شرح البروجكتات 

بخبركم خطة الشغل اللي نتبعها 

اول شي المس تشرح لنا البروجكت 

1-نرسم سكتشات حوالي عشر لي عشرين سكتش>>هالمطلوب بس محد يرسم غير سبع ماكسموم 

2-نختار من السكتشات ثلاث اللي نحس يناسبون البروجكت ونسوي نماذج صغيرره عليهم عشان نعرف شلون بيكونون 

3-نختار نموذج واحد  ونبدا نطوره 

اوقققي كاببيييش 

نسيت شي بعد :هالكورس كل الشغل عبارة عن شغل تجريدي مجرد دزاينات مانقول بيت ولا ممر ولا شي 

اوقييي

يللا نبدا بالمشروع الأول

\

\

الله يسلمكم المشروع الأول هو 

linear organization

التنظيم الخطي 

وهو انه دزاين طولي نحاول نطبق اللي فهمناه من بروجكت المكعب 

والكلام والشرح يطول 

هني السكتشات

 واخترت ثلاث دزاينات اول فكره يتني هي فكرة الدواير وواايد حبيتها بس لازم نسوي ثلاث نماذج 

فاخترت فكرتين عشوائيا وسويتهم قبل الكلاس على السريع هع

واخترت هذا ...معظم البنات كان شغلهم مربعات ومثلثات محد يتجرأ يشتغل على الدواير لأنه شغلها أصعب .وفي كذا بنت كانت عندها فكرة دواير وهونت عنها لانه صعب تسويها الا أنا عندت وقلت بسويها يعني بسويها ^^

     

وكان إن بديت الشغل عليها ...شوفوا مليون دائرو ودائرة ..ايدي عورتني من كثر القص ..والمشكله لازم اقصها مليون مره لين تطلع لي وحده نظيفة ومضبوطه تميت يومها لين الساعه ثلاث الفير وانا اقصقص فيهم 

 والنتيجة كاننننت ...

 

اذكر المس قالت اليوم لفلاني شيلوا شغلكم ..واللي ما بيحصل شغله برى مكتبي هذا يعني حصل Aوراح يتم بروجكته عندي 

فاذكر يوم اني رحت عشان اخذ بروجكتي ادعي بقلبي "يارب ماحصل بروجكتي يارب ماحصل بروجكتي "

جان اشوف البنات في الدرب سالتهم شافوا بروجكتي قالوا 

هيه ..هني انحبطت هذا يعني ماحصلت اي ..رحت وشفته ويلست اواسي روحي  واواسي بروجكتي اقوله "اذا المس ما حبتك انا احبك لاتزعل انته اي بالنسبه لي "

خخخخ وسبحانا لطاقه شكلها طاقه الجذب اشتغلت عندي ..رديت البيت جيكت ايميلي الا المس مطرشه لي ايميل تقول انها نست تاخذ البروجكت مالي ...استانست ماهديت حد في البيت الا وخبرته ^^

وااايد حبو بروجكتي رغم انه بسيط ..فديته ^^

__________________________________________________________________

 ننتقل للبروجكت الثاني 

واللي يسمونه 

 central Organization

نفس فكرة اللي قبل بس هني يكون عندنا شكل مركزي ومنها تطل اشكال ثانيه 

السكتشاات

وهذي النماذج الثلاث 

اذكر اني كنت مفكرة باثنين بس ...واشتغلت عليهم 

والصبح ماعرفت الثالث شو اسويه يلست اخبص يمين يسار احط هذا على هذا 

وطلع لي الشكل الي على اليسار

وسبحان الله طلع هذا اضبط شي واشتغلت عليه 

هني سكتش حق طريقة العمل بس موانا راسمته وحده من المساعدات يلست تفهمني شلون اخطط

هذا لنموذج بشكل أقرب..كلهم عيبتهم فكرة المربع اللي فوق ..فكرته انه سقف وينكسر اول يلف 

على قولتهم يعطي احساس بالحركة

وهذا الشغل النهائي 

تدرون شو قصته ..

الله يسلمكم كان تسليم هالبروجكت بعد إجازة عيد الأضحى على طول ..

والمشكله انه انا بالعيد سافرت تركيا ..فما سويت شي ورديت سويم السبت بالليل وكنت تعبانه حيل 

واليوم الثاني كان التسليم وانا مو مسويه شي 

واذكر طول السفرو انا احاتي بروجكتي شلون بخلصه 

يوم الاحد الصبح يلس اشتغل وماحضرت كلاساتي 

وكنت متوترة والشغل شوي اخترب بسبه مسدس الشمع اللعين خخخ 

بسرعه كان ينشف والمربعات كانت طايره

بالأخير سلمته ولله الحمد

 وذكرت شي بعد ..تشوفون حركه السقف ...اذكر في مس ممالت دزاين مال سكشن ثاني يعني هي ما تدرسني شافتني شايلته وعيبها 

ماتتخيلون شو صار اليوم الثاني ..كنت في كلاسي اشتغل على دزايني وفي بنتموجوده بعد ..جان النبت تي تشوف شغل وسالتني انتي ماخذه عند المس الفلانيه (هي نفسها المس اللي سالتني )قلتها لا ..جان تقول لاني اخذ عندها وقالت لي اسوي هالحركه ...انقهههههههرت شو المقصد تاخذ فكرتي وتخلي وحده غيري تسويها !!><

________________________________________________________________

 والبروجكت الثالث ...

radial Organization 

يشبه اللي قبل مع شويه اختلاف ...

السكتشات

عاد على هذا لبروجكت حسييت موووول ما عندي افكاااااااااااااااار لين قبل الكلاس وانا ماعندي شي اسويه مخي مقفل 

اقول للبنات قولولي افكار 

لانه كان وقتها لازم اسوي النماذج الثلاث وانا ما سويت شي 

وكالعادة البنات ماعندهم شي يقولونه خبصت يمين يسار اي كلام بس عشان لا تنقصني وتقول ما شتغلت 

هذا النموذج كان اللي اشتغلت عليه اول كلاس 

ححط هذا على هذا يصير هذاك هع 

تفلسفت حبتين لاجل عيون المس خخخخ

وهذا حدث ولا حرج ..اصلا المس تعرف انه شغل اخر دقيقه بس تمشي هع 

 جنه الا اخطبوط خخخ

هذا الوحيد المحترم بينهم هع

 وهني طلع لي هالشي ماذكر كيف طلعت الفكره ...المهم هالبدايه ...بعدين قالوا يباله تعديل وايد

 وهني بعد التعديل ...قالوا يباله اكثر

وهذي النتيجة النهائية ماحبيته هالبروجكت تعقدت منه وااايد 

موراضي يصير كل ما اسوي شي يقول غلط ...وحتى المادة اللي اشتغلت عليها كانت غبيه 

بصعوبه تصطلب ..هي ماده لينه تتشكل على كيفج بس لين تثبت تطلعلج قرون ><

..

وهذي هي بروجكتاتي باقي البروجكت النهائي بخليه في بوست منفصل ..لانه سالفته سالفه 

وبعدها بحط بروجكتات هالكورس ...

ان شالله عيبكم البوست 

وماطولت عليكم 

عاد اعذروني هالايام روحي اوضاعي الدراسيه مش ولابد 

مو ملحقة مادري شصار علي ..جدولي متعب كل يوم ارد متاخره عالخمس والست 

واكون هلكانه وماذاكر...وفوقها خبصت في امتحانات نص الفصل لدرجة انه في امتحان دخلته وانا مو مذاكره ابد 

والسبب هو الارهاق لاني ما كنت راقده اسبوع بسبة بروجكت البيت وكانت نفسيتي حزتها في الحضيض 

دعواتكم الله يصلح الحال ...مو حابه وضعي هالكورس ابد 

الله ييسر ...

بس في شي حابه اقوله للكل 

شي استشعرته مع اللي قاعد يصير فيني 

الله يسلمكم كان عندي امتحان في مادة 

فيلست اذاكرها وانا اعاند النوم ...وفي اشيا وايد مو فاهمتنها في المادة ...صج صج مو فاهمة 

كنت اذاكر بفهمي المتواضع وخايفة موت من الامتحان ماعرف شو بيكون فيه خصوصا انها مادة يديده علي وماعرف شلون 

طريقة الاسئلة 

المهم بالليل ...كنت تعبانه وماقدرت اكمل مذاكره 

فشفت صورة في فوني مكتوب عليها "في زمانك ..محد يشيل همك..لا صديقك لا رفيقك لا أخوك..لو بغيت تعيش صح !..صل فرضك واقضب ارضك ونام..وخلها للي عيونه ما تنام "

هالكلام عطاني احساس عجيب ...وثلت في خاطري الله معاي وكل شي بيصير اوكي ..ورقدت وخليتها للي ما ينام 

ثاني يوم كنت خايفه مانكر لكن مع هذا ادري انه الله ما راح ينساني ..دخلت وامتحنت 

والحمدلله الامتحان كان سهل وفي الكمية اللي ذاكرتها عدل ...حمدت الله وصج الله ما ينسى عبده حتى عيوني دمعت وانا افكر في الموضوع ..

فاقول للكل الله معانا وماراح يتركنا ^^

يللا سي يو كوووم

(في تنقيعات وايد بهالبوست ..طنشوا لانه البلوق مشفر واذيه لين اعدل ^^")