مممممم
اهلا وسهلا
كيف حاااااااالكم آل التدوين الكراااام
شلونكم ...ابيض أحمر بنفسجي خخخخ
ولا كراميلي شراتي ^^
همممم تدوينة اليوم ..ما هي تدوينة اليوم ...
قاعدة اكتب التدوينة واشرب "حليب ساخن"
شفتوا كيف الدنيا دوارة ..
أناااا أم حروبي!!! ..آخرتها أشرب شو ؟!!
أشرب "حليب ساخن"
راحت أيام العز ..راحت أيام الكرك ...ههههه
الا على طاري الكرك ..ذاك اليوم اخوي يتمصخر علي
اونه "بخصوص انج تتغزلين فالكرك فتويتر "
هههههه هالكلام كان تعقيبا على تغريدة كتبها ردا على
أستاذ قويري لما سألني " شو هو الكرك"
خخخخخ حسيت وقتها ان ردي كان قمة فالتحشيش استغفر الله
خلاص من اليوم ورايح ما راح اتغزل فالكرك ..بتغزل في الحليب االساخن : \
ننتقل للموضوع للمهم ..تدوينة اليوم ..بصراحة ماشي تدوينة قصيت عليكم خخخخ
يعني شوية هذره زايدة ..حبيت أشارككم فيها ..
يعني جي حسيت أني طولت فالمووود الرومانننصيي حبتين حلوه رومانصي هاي ههه
مادري شبلاني مشاعري فياضة ...يبالي أدور على سمكري يصلح التسرب اللي صار فقلبي هع
كنت بنزل شي عن الهندسه بس قلت خليها للتدوينة اليايه اما اليوم فبريك
كنت بنزل شي عن الهندسه بس قلت خليها للتدوينة اليايه اما اليوم فبريك
يعني تدوينة اليوم كوكتيل ..مشكل ..من هني وهني وهناك ...
********************
عيني عينك oO
اتذكر موقف صارلي الكورس اللي طاف (هاللي خلص من اسبوعين)...مع استاذ الدزاين ..قبل لا أقولكم الموقف خل اوصف لكم هالاستاذ...بصراحه يعني استاذ يفوقني فالنذالة بمرااااحل كثيرة ...ااخ ااخ منه تعبني هالكورس ...ينرفز بشكل ..يعني لما اراويه شغلي يتمصخر علي ويضحك ضحكة ههههه والله بس اسال اي طالب منو هالاستاذ بيقلد ضحكته وبتعرفه على طووول ....
فكلاس الدزاين الطلاب شو يسوون كل طالب يدخل الكلاس يكتب اسمه عالسبورة بالدور عشان الاستاذ يشوفهم يعني يكتبون ١ ،٢ ،٣.....
بصراحه ما كانت تعجبني هالططريقة لان في طلاب يكتبون اساميهم بالبدايه ويختفون من الكلاس وييون بعد ساعتين ويتوقعون ان على طول الاستاذ يششوفهم ..ولا كلاسنا يبدا ١ ونص وييون يكتتبون اساميهم الساعه ١١ - ــ -
المهم في مره انا ييت مبجر وبما اني دوووم يفروني بالاخير فالاستاذ يشوفني الساعه ٥ ولا ٥ ونص : \
قلت بكتب اسمي اول وبعدها يا ولد كتب اسمه ويت بنت كتبت اسمها وربيعاتها ><
فيت بنت معروف عنها ملسوننه خخخخ وعصبت اونه من ساعه كم تكتبون اساميكم وما يصير هالوضع جان تمسح كل الاسامي وكتبت " تسجيل الاسامي يبدا الساعه ١ ونص " ههههههه ضحكتني انا شفتها مسحت اسمي بس ما بغيت اصغر عقلي واجادل ...وييون شلة البنات واقدر اقول صارت مشادة كلامية بين البنات وانا اطالع مستمتعة بالاكشن هههههه واضحك ..المهم بعدها يا الاستاذ وشكوه السالفة وتضاربوا جدامه هههه تعرفون شو سوا هالاستاذ خخخخ
مسك الاوراق اللي جدامه وتم يضرب عالطاولة ويضحك ويقول "Fight Fight Fight "
ههههه والله مو صاحي ...يعني شراتي مستمتع بالاكشن ..وبعدها قال ما يخصني بالللي عالسبورة الللي يي عندي بشوفه
المهم هذي مو سالفتنا <<<لا والله حلفي انت بس <<ها كله مقدمة
ههههه
انزين
الموقف اللي صارلي مع
هالاستاذ اخر اسابيع من
الكورس كلاسات الدزاين كانت تتكنسل لان
فاينال ويعني خلاص المفروض
ما نسال وايد ..فمره انا كنت ماره صوب مكتبه وشفته شال شنطته الخضرا السحرية للي يشيلها اما انه ياي الكلاس او مروح ومخلص دوامه ..جان اساله اذا في كلاس ولا لا ..فرد علي "yeeh I want to see what eveybody is doing "
المهم وبعدين يت بنت وتمت تسال وانا واقفة حذاله واسمع شو يقول ..ركززوا معاي "واقفه حذاله" وبعد شوي يت بنت من كلاسنا وشافتني جان تسالني اذا في كلاس قلتها هي في كلاس ...ماصدقتني جان اقولها وانا اقلد الاستاذ
هههه مثل ما قال ""yeeh I want to see what eveybody is doing " وهزيت جتفي مثل ما يسوي وضحكت ضحكته ههه انتو تتخيلون انه حذالي وانا سويت ها كله !!! هههههه لا عجب انه يكرهني ><
وبعدين لما استوعبت اني قلدته واهو حذالي قلت لربيعتي "اويه انا قلدته ...وهو حذالي "Oo
وهي تقول "ولا بعد بالانجليزي مو بالعربي عشان ما يفهم " خخخخخخ يا ويل حالي بس اشوى انه كان منهمك في الشرح مع البنت هههه بس يمكن سمعني وحس
وهي تقول "ولا بعد بالانجليزي مو بالعربي عشان ما يفهم " خخخخخخ يا ويل حالي بس اشوى انه كان منهمك في الشرح مع البنت هههه بس يمكن سمعني وحس
******
ابا انتحر !!
هذا شي ...وسالفه ثانيه صارت باول كورس لي فالجامعه لما كنت ادرس انجليزي ..تذكرون الاستاذ اللي صارت معاه سالفه الجنني هههههه اللي مايذكر او ما قرا يدخل على تدوينة (أم حروبي المشاغبة) ويقرا جزئية "جني فالكلاس" خخخخ
المهم في مره كنا ننتظر الاستاذ يي الكلاس ،كلاسنا فالدور الاول ...انا وربيعتي كنا ننطر برا ومادري ليش حاشني اكتئاب مفاجى وانا اقول وقاعدة "اتأرجح" على الدرابزين من الدور الاول واقولها
" انتحر ..
شرايج انتحر
وامثل اني بفر عمري من فوق
وانا ما لاحظت ان الاستاذ وصل وقاعد يطالعني وانا مندمجة في الموقف وعايشة جو
جان اطالع الاستاذ وهو مصدوم ويأشر لي بايده ويقولي " شو قاعدة تسوين انزلي "
هههه افتشلت ونزلت خخخخخخ مادري شو من فكرة ماخذ عني هالاستاذ : \
********
العطسه الصاروخيه ><
امممممم و هاي سالفه صارت بالسعودية لما كنت بالعمره ...هي سالفه تخص ابوي بس كلما اذكرها انقع من الضحك خخخخخخخخخ نفس الحين وانا قاعدة اكتب ...
الله يسلمكم ..مره وانا وابوي طالعين من الفندق وراحين مشي للحرم وابوي الله يحفظه كان مزجم وقتها والله لا يراويكم عطسته هههههههه عطسه ابوي تطيح لطير من السما ...عطسته لها دوي مخيف والله ..صوتها عااااااالي بشكل ..يعني لو انا فغرفتي وابوي بالصالة وعطس اانا اخترع زين ما يوقف قلبي
هههههه...المهم ونحن ماشين للحرم ...الا وشوي يي صوبنا ياهل من اللي يتسولون حوالين الحرم ..هههههههههههههههه والله موقف ما ينسي ...يا الياهل صوبنا يستعطفنا عشان نعطيه بيزات الا شوي ابوي يعطس وويهه الياهل المسكين قلب من الخرعه وشرد ههههههههههههههههه والله لو تشوفون الياهل كيف نقز من مكانه وتعبير الخرعه على ويهه هههههه وكيف ركض
شي خيالي تميت اضحك وابوي يضحك هههه والله غمضني الياهل احسه حرم يشحت مره ثانيه هههه
شي خيالي تميت اضحك وابوي يضحك هههه والله غمضني الياهل احسه حرم يشحت مره ثانيه هههه
******
حركة حركة ستوب !
ههههههه انا السالفة هذي هههه تعبر عن مدى نذالتي ههههههه
الله يسلمكم كنت طالعه مع اخوي ههههه وانا لما اطلع مع اخوي نشاغب وااايد ..فدخلنا فشارع ايبااااه الله لا يوريكم كمية الهنود والاسيويين اللي يعبرون الشارع بلا سابق انذار ..المهم كنا ماشين والشارع كان شبه مزدحم ..فلما تحرك الشارع الا انثين هنود يبون يعبرون وقفت ..وقفوا مشيت مشوا ..قهروني يعني مو ناويين يطوفون ..جان اوقف وهم الحين بيعبرون مشيت شوي جان يردون بعدين رديت وقفت ويبون يمشون جان احرك السياره وانا ميته ضحك عليهم خخخخخ
اخر شي ما خليتهم يعبرون ومشيت عنهم هههههههه اخوي يقولي "تراج وايد نذله " ..قلت يستاهلون وانا مو قادره اوقف ضحك ههههههه استغفر الله يارب سامحني : \
اتوقع التدوينة صارت طويلة ما بصدع راسكم اكثر ماصدعته هههههههه ااخخ مو قادره اوقف تثاؤب تصبحون على خير واحلام سعيدة واصاله تعبانه ومحمد عبده بعده يغني خخخخ
ودمتم سالمين ^^
و لأم حروبي متابعين :)
