هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الجمعة، 5 فبراير 2010

.,؛×~عالم غريب




دخلت بعالم مدري كيف بعيش فيه
عالم غريب وكل من حوليه يعرفه
عالم حلاته منه وفيه
وكل من فيه مجنونٍ أوصفه
أمشي تايهة ومالي طريق ٍأحتريه

وفجأة يجيني من يدلني وأرتجيه
"طلبتك..رح بي لغير هالمكان ..ماهو المكان اللي أبيه ..
..طحت فيه وهذا اللي خفت إني أجيه "

وقال"أنا مثلك أسير بين إيديه..وماعرف غيرك رفيق أرشده..
لا أعرفك ولا تعرفيني وهذي حال الأغربة
بس رجيتج حطي إيدج بيديني ..
ونعيش بهالعالم أحبة "

مانطقت والسكوت هو الشي اللي ماغاب فيني
ومشيت معه في الطريج اللي يعجبه
ولا لحظة ايديني فارقت ايدينه
ويزيد نبض قلبي لي التقت عيني بعينه

مشيت أبكي ..مدري ليه ..فلا هو ضرني ..ولاني خفت منه
ولكن خفت لي مر الوقت ..
يزيد الود ويموت فيني
وبعدها صعب علي أفارقه

وأنا سارحة بفكري ..صد صوبي ومسح من عيني الدمعه
"لا تبكي أنا لا يمكن أضر شخص أحبه "

فكرت هذا للي يزيد الحزن فيني ..
أخاف أطيح بشباك الحب
بعدها لا يمكن أهده
وناظرت عينه..ولقيت الحنان اللي حسيت إنه ناقص فيني

وفجأه ..
إعتلت صاحبي ونه ..وحسيت إنه قلبي اللي أطلق الونه
وطاح قدامي..بجرح دامي ..وزاد البكا والخوف فيني

مدري ليه كلما صرخ موجوع ..وتألم..أحس بوخز بقليبي وودي لو أضمه
وأضحيت أتالم لي تألم ..وإن بكا زاد البكا فيني
وقال بصوته الدافي
"إبقي قربي..إنتي الشخص الوحيد اللي يهمني أمره
لاتتركيني بهالغابة وحيد..وخلي إيدينك ممسكة بيدي"

تأملته وهو ممدود ومتوجع ..ليه دخلت هالعالم وشو السبه
والحين وهو مجروح شلون أتركه
بكون شخص بليا قلب ..إن تركته ونكرت حبه

هناك 9 تعليقات:

  1. انا مريت على المدونة وتركت تعليق بس مادري وين راح؟!

    ردحذف
  2. حلوة الكلمات ..

    ماشاءالله عليـج : )

    استمري ,, وأتحفينا بالمزيد ..

    دمتِ بخيـر ~

    ردحذف
  3. Engineer Aمادري وين راح التعليق مو هو اللي فوق ..حصل خير وشكرا على المرور ^^

    ألوان التفاؤل ..مشكورة وان شالله استمر ^^

    مع التحية

    ردحذف
  4. " كلما صرخ موجوع ..وتألم..أحس بوخز بقليبي وودي لو أضمه
    وأضحيت أتالم لي تألم ..وإن بكا زاد البكا فيني
    وقال بصوته الدافي
    "إبقي قربي..إنتي الشخص الوحيد اللي يهمني أمره
    لاتتركيني بهالغابة وحيد..وخلي إيدينك ممسكة بيدي"


    جميلة كلماااتج :)


    دمتِ ومن تحبين بألف خير :)

    ردحذف
  5. أصدق الشعر أكذبه ^_*

    تسلمين يالأميرة ^^

    ردحذف
  6. حقاً ادخلتني إلى عالم غريب ..!

    إلى عالم لا أحبذ الدخول إليه ..

    ربما ( قلت ربما :) ) كي لا يحصل معي ما قد حصل لكِ ...

    :)

    ردحذف
  7. كلنا نعيش بعالم خاص فينا ..عالم لا يعلمه الآخرون
    عالم نخلق فيه مانحب ومن نحب ..وعالم يحمينا من قسوة الواقع ..
    لك مني اجمل تحية ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25