هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الأحد، 19 سبتمبر، 2010

.,؛×~وانتهت الإجازة


Heeey University ....we are back ><

Back to studying..

Back to homeworks
Back to
nerve breaking projects
tiredness
and back to the hard work
wish you all A happy ..easy .. none pressure year<
---------------------------
سكيتشااااااااات سريعة
ذلك اليوم كنت طفشانة ملانة وضايق خلقي..ويا على بالي أرسم وأشخبط..
فرسمت هالرسمة عالسريع ..جي مال خمس دقايق يعني...لايغركم ترى الرسمة صغيرة مال ربع صفحة مو كبيرة ..استغربت إن خواني عيبتهم الرسمة ^^
تذكرت صورة مالت Engineer A مالت سويسرا حسب ماذكر :)
وهاي رسمتها أمس ..بمناسبة العودة للجامعة (-_-")...جذي تجربة حق رسم الكاركتير ..حتى هاي صغيرة ومال خمس دقايق ^^
---------------------------------------
في البوست اللي طااف واايدين منكم سألني عن الرواية <<أصلح أسوي دعايات كتب صح خخخخخ ^^
الرواية هذي كانت من ضمن مجلد كامل للكاتب مصطفى المنفلوطي ..
أذكر على أيام ثالث إعدادي يوم إنفتح معرض الكتاب اشتريت كتاب صغير عبارة مجموعة قصص قصيرة للمنفلوطي..وحبيت أسلوبه وقصصه فطلبت من أخوي ييب الإصدارات الباجية لكنها خلصت فأشترى المجلد الكامل لكل كتابات المنفلوطي ..
وهي مقسمة ..ترى الكتبا كبير ومتين ^^

أقسامه هي
- النظرات -الجزء الأول-والثاني-والثالث >>وهي عبارة عن مقالات المنفلوطي مجمعة واللي كان يكتبها في عموده الخاص بإحدى في صحيفة (المؤيد)..وكانت باسم "أسبوعيات" ..وهم هذي واايد حلوة مواضيع متنوعة وتتناول قضايا مختلفة ..يشرحها المنفلوطي بأسلوبه الحلو ..وايد كنت أستمتع بقرايتها :)
كنت مفكرة من فترة أحط شي من كتاباته وأناقشها ..إن شالله راح أحاول أنزل بوستات عنه قريب
وبعدها شي مجموعة روايات المنفلوطي وهي ..

- في سبيل التاج ..<<تأليف فرانسوا كوبيه وترجمها المنفلوطي

- ماجدولين أو تحت ظلال الزيزفون <<رواية فرنسية للأديب الفرنسي ألفونس كارل عربها وأعاد صياغتها المنفلوطي

- الفضيلة أو بول وفرجيني >>أيضا رواية فرنسية للأديب الفرنسي برناردان دي سان بيار ..اطلع المنفلوطي على ترجمتها وأعاد صياغتها بأسلوبه الحلو :)

- الشاعر أو سيرانو دي برجراك <<للأديب الفرنسي إدمون روستان ترجمها حرفيا الدكتور محمد الجندي وأعاد المنفلوطي ترجمتها بالمعنى وصياغتها دون الإخلال بأي حدث في القصة وهي روااااايتي المفضلة وللحين ما في رواية يت تنافسها بالنسبة لي على الأقل :)

-العبرات<<هذي المجموعة القصصية اللي قريتها وضع بعضها المنفلوطي وترجم بعضها الآخر صديقه عن الفرنسية ..وبالأخير ترجمها المنفلوطي بأسلوبه وأعاد صياغتها وجمعها في كتاب واحد باسم العبرات

أسلوب المنفلوطي وايد حلو وخفيف وسلس ..حتى لو بعض المواضيع اللي يتكلم فيها ممكن تكون سياسية لكنها بسيطة في الطرح..والقصص اللي ترجمها عرف شلون يعيد صياغة القصة بأسلوب يخيل للقارئ بأنه هو نفسه مألف القصة..من ناحية أسلوب وتسلسل الأحداث
هذا المجلد هو الأول في قائمة مفضلتي ..وايد حلو :)

*** للي حابين يشترون الكتاب بس مترددين ..راح تحصلون أقسام الكتاب منفصلة ..يعني بتحصلون مثلا رواية الفضيلة في كتاب بروحها والنظرات جذي ..اشتروا جزء وإذا عيبكم اشتروا المجموعة كاملة :)

هناك 27 تعليقًا:

  1. اجل بدأت الدراسه عندكم وفي البحرين بعد

    الحمدلله حنا ما تبدا الا بعد اسبوعين<<تبي تقهركم

    خخخخ

    الكتاب كبيــــــر كان عندي بس ما استمتعت فيه لانه ثقيل وحجمه كبير وهذي الكتب ما تستهويني

    المنفلوطي كتاباته حلوه وندرسه في المدرسه في كتب الادب

    ردحذف
  2. ماشالله بعد أسبوعين ..خلاص بنتقل عندكم خخخخ

    شو صح عباله لان الكتاب كبير لكن ..تقدرين تحصلين اقسام الكتاب في كتب منفصلة ^^

    حياج الله ^^

    ردحذف
  3. الله يعينكم ويووووفقكم ان شاء الله

    احنا تبدا الدراسة بعد اسبوع :(

    المنفلوطي يذكرني بالعربي دايما ناخذ عنه في تاريخ الادب العربي :/ ذكريات وحشة لوول

    يعطيج العافية

    ردحذف
  4. الأخت الفاضلة :: أم حرووبي ::
    عودًا حميدًا ..)
    رسماتك ممتازة .. الخمس دقايق :)
    أغبطك على ممارستك هواية الرسم ..
    كانت عندي هذه الهواية لكن يبدو بأنها توفيت لني لم أمارسها منذ ست سنوات ..(
    وبالنسبة لكتاب المنفلوطي " المجموعة كاملة "
    قرأتها واستمتعت في قراءتها .. فهو في بعض مقالاته يجعلك تضحكين .. وفي رواياته يجعل الدمع يزحف على الخدين ..

    بوست ورسومات واختيار موفق :)
    أحلى الأماني

    ردحذف
  5. يالله بسكم إجازة لي متى تنامون واحنا نداوم p;

    أعتقد حتى في سبيل التاج رواية فرنسية؟!
    مو متأكدة بس هذا الي أذكره،
    وأسلوب المنفلوطي جدًا رائع :)

    ردحذف
  6. الله يعينا صج خلصت العطله جنه امس بدت :(

    ابيي بعد راحه ما كتفييت

    الله يعينا ويسهل وادعييلي بليييز اخلص ثنوي وادخل طب

    والرسمات حلوييين واهم شي الجامعه في يمها شجره عنكبووت لوووووول

    والكتاب شكله حلو مثل ماقلتي والله فكرت فيه يمكن اشتريه _^

    تسلم ايدج ويعطييج الف الف عافيه ويعينج يارب على دراستج

    ردحذف
  7. السلام عليكم..
    مبارك العوده للدراسه وعام سعيد على الجمييييع ...
    وشدي حيلج يا باش مهندسه هههه
    .........
    من احب الروايات إلي وأكثر روايه تفقع مرارتي بنفس الوقت بسبب البطله طبعا تحت ظلال الزيزفون
    أنصح الجميع فيها
    والفضيله او كما يسميها البعض بول وفرجيني رائعه وخصوصا الشعر الذي في نهاية القصه من شعر المنفلوطي ...
    ...
    مشكوره عالطرح وحلو الإسكتشات تسلم إيدج ..
    ...
    في أمان الله

    ردحذف
  8. عسى الله يوفقكم ان شاءلله ... حلوووه العوده لدراسه صح :p
    الرسمات حلوووين وهم الكتاب شكلا بعد حلووو :)

    ووو لكم باك لدراسه والجد ... وبالتوفيق *_^

    ردحذف
  9. مسااء الوورد شدي حيلج في الدراسه وبالتووفيج
    شكل الكتااب ما يشجع انج تقريين
    بس اذا حصلت كتبه بحااول اقرا حمستيني
    يسلمووو

    ردحذف
  10. موفقة انشالله

    عاد انا مشتاقة حق المدرسة

    احس العطلة طولت وايد و صار فرااغ

    الرسماات حلويين حييل

    شدي حييلج

    ردحذف
  11. مرحبا هديل
    آمييييييييين
    وي بعد اسبوع اجازة عيل ليش زعلانه !!
    انا اذكر بس درس واحد عن المنفلوطي ..حبيته ^^
    ربي يعافيج ~

    ردحذف
  12. مرحبا أخوي محمد
    لازم الممارسة..دام عندك الحس الفني موجود أكيد بتبدع بس لازم متا تهمله :)


    " فهو في بعض مقالاته يجعلك تضحكين .. وفي رواياته يجعل الدمع يزحف على الخدين .."

    أتفق معاك بهذي تماما ^^

    مشكور ..وحياك الله :)

    ردحذف
  13. هلا BookMark
    هههههه مشكلة اللي يداومون خخخ

    صح كلامج الظاهر فاتني اسم الكاتب توني عدلته <<شكرا للتنبيه :)

    مشكوره ~

    ردحذف
  14. مرحباUnique Girl

    الاجازة تمر ولا نحس فيها ..خلاص ماشي راحة شدي الهمة:)
    يالله يارب تنجحين وتتخرجين من الثانويه بمعدل عالي وتدخلين طب وتصيرين احلى دكتوره ^^
    مشكوره ..هههه هي اهم شي العنكبوت بعد هالاجازة الطويلة

    تسلمين ربي يعافيج ..آمين ~
    الكتاب وايد حلو..جربي اشتري جز منفصل من اجزاء الكتاب اذا عيبج اشتري المجلد كامل :)

    ردحذف
  15. وعليكم السلالم والرحمة أنهار
    إن شالله بشد حيلي ولا تنسيني في الدعاء :)

    أذواقنا تختلف ..انا من بين رواياته حبيت الشاعر
    الفضيلة في شي قهرني فيها بس من زمان قارتنه فماذكر شو

    سلم قلبج ..مشكوره ~

    ردحذف
  16. هلا أسومه
    هيه حلوه مو وايد هههه

    آمين يارب ..مشكوره تسلمين لي ^^

    ردحذف
  17. مسا النور cutemum
    إن شالله ..
    حتى أنا ..لو شفت هالكتاب ما توقع اخذه ..لكن بما اني قريت جز منه في كتاب منفصل شريته وما ندمت عليه حلال عليه اللي دفعته ^^

    نصيحتي : اشتري جزء من الكتاب يكون منفصل بتحصلين الرواية منفصلة ولا النظرات اذا عيبتج خذي المجلد ^^

    ربي يسلمج ^^

    ردحذف
  18. هلا كتكوته
    انت صايره شراتي ..مع ان ردة الجامعه ثقيله عالقلب لكن مع هذا احس شبعت من الاجازة خلاص هههه
    مشكوره انت الحلوه ^^

    ردحذف
  19. تصدقين ام حروبي ..

    توني متخرجة .. بس احس ولهت ع الدراااااااااسة ..

    بيني وبين اشتقت للثنوية والمتوسط اكثر ..

    طبعا اول ماشفت الكتاب استانست قلت يمكن في كتب حلوة

    اروح اشتريها .. بس من قريت رواية .. :(

    الصراحة ما قريت باجي البوست ...

    ان شاء الله بعد جم يوم راح يصير عندنا معرض الكتاب بشتري كتب ببالي

    وبعرضها .. بس نو روايات :(

    ^_^

    ردحذف
  20. ام حروبي كتبت رد طووويل

    ما وصل لج او لا :(

    ردحذف
  21. هيه وصل فدك ^^
    انا بعد اشتقت للمدرسة والثانوي ..المدرسة جوها غير وناسه مو شرات الجامعه :"(

    الكتاب اللي حاطتنه مو بس روايات فيه مقالات واايد حلوه ..اذا ما تبين روايات خذي اسم الكاتب ودوري على كتاب باسم النظرات هي مجموعة مقالات واايد حلوه :)

    احاول اقرى روايات بين الفترة والثانية عشان ما أمل :)

    ردحذف
  22. رسومات جميلة ولها أفكار .. أما كتاب المنفلوطي فهم من أروع الكتب التي قرأتها .. تحياتي لك وتقبلي مروري

    ردحذف
  23. موفقه يارب..

    وخوش رسمات ماشاءالله..

    انا كنت متشوقه اقرالها مجدولين بس حسيت اسلوبه غلج اام يعني صعب وايد بليغ :\

    بس الحين بجرب اشتريلي شي له من معرض الكتاب ان شاءالله..

    ومشكوره..

    ردحذف
  24. اعجبتني الرسسسومات مرررررره
    مااشاءالله عليك فنانه
    شوقتيني للرسسم زمان ماررسمت


    .. الله يعينكم ويوفقكم وان شاءالله تكون سنه دراسيه حلوه عليكم

    ردحذف
  25. مرحبا جنون عبقري
    نورت مدونتي بحضورك الأول :)
    المنفلوطي ماعليه كلام ..مشكووور ^^
    وحياك الله~

    ردحذف
  26. هلا رورو ..
    مشكوووره ^^
    بالعكس أسلوبه وايد حلو :)
    حياج الله ~

    ردحذف
  27. هلا أحلام منورتني :)
    شوووكرا ..ارسمي ليش ما ترسمين ^^
    آمييييييييييين
    مشكوره حبيبتي ..حياج الله ~

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25