هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الأربعاء، 8 ديسمبر، 2010

.,؛×~طلاطيش حكي


السلام عليكم ورحمة الله وبركاااته 
شخباااااااااركوووم يا جماعة الخير ..أنا بخير للي يسأل (6_6") 

تحذير!>>هذه التدوينة تحمل الكثير من التحرطم وكلام غير خاضع للرقابة ..فإذا كنت محب للمغامرة ..أقولك استمتع ..وإذا ناوي تخبر الرقابة عني ..أقول قلعتك واااه  قصيت عليك ماشي رقابة خخخخ 
..اسمحولي برمس وايد اليوم ..حابه جذي أسولف بزيادة في حد عنده مانع ..>>لا لا محد يمانع مدونتج وكيفج :)

نقول باسم الله 
\
\
*** 

ياناس ياعالم ..يبطون جبدي هذول اليابانيين ..اأاااه شلون يسوون شعورهم ..ذاك اليوم وأنا أتمشى بالسوق الصيني اليديد اللي بعيمان..إلا وأشوف وحده منهم قاصه قصتها(قذلتها) بزاوية 45 ْ ..والمصيبة شكله حلو ..مرتب ..أبد ما تحسون إنها قاصتنه غلط ...لمااااااااااذا ؟؟
وأنا اللي لي قصيته بخط مستقيم مع الأخذ بالإعتبار ترك 5 سم تحت العين تحسبا للإنكماش والتقلص بعد جفاف الشعر ..إلا وتلاقي القصة
طايرة فوق ولا تضربلك سلام بعد !!
***
في أحد الأيام ..كانت أم حروبي <<يعني أنا
في حوالي الساعة 11 ليلا ..يالسة أحل واجبي على اللاب بتاعي والكل رقود  ...وعطشت وخذت لي سفن أب من الثلاااجة ..أنا قاعدة على اللاب أقصد اللاب على ريولي خخخ شلون أقعد عاللاب شلون أشتغل عيل ..المهم مشوا ^.*
وشغلت الطابعة عشان أطبع ورقة ..وكنت حاطة القلاص حذال الطابعة ..ويمب الطابعة كان لابتوب أخوي المصدّي ..المهم وقفت أنطر الورقة تطلع ..وأنا يالسة أصب السفن أب في القلاص ..فجأة يطلع صوت من الطابعة (تعرفون صوت الطابعة المزعج جنه سيارة تنشحف)..وأنا من أسمع الصوت أفز وإيدي تعطي ردة فعل عكسية وترتد فيطير السفن أب من العلبة وتطيح قطرتين على لاب أخوي المصدي ..بس قطرتين ونص (حاسبتها)..على طول أمسحه ..وأتلفت يمنة ويسرة <<في حد شاف الجريمة خخخ
ماشي كملت شغلي ولا كنه شي صار مأملة إن ماصاب لابتوبه شي ..ثاني يوم ييلي أخوي يبي يتسلف لابتوبي
وأنا أسأل ببراءة :ليش شفيه لابتوبك (6,6")؟؟
اخوي :مادري بلاه الشاشه تطلع سوده
وصرت طيبه ذاك اليوم وعطيته لابتوبي <<الله عالطيبة ..قولي تعذيب الضمير خخخ
المهم بعدها أرمس روحي "أم حروبي تخبرينه ولا ما تخبرينه ..امممم لا تخبرينه تعرفين بعدين بيمسكها عليج ..وكل شويتين يبي لابتوبج ..تعرفين بعد هذول الأولاد متوحشين بيسوي فلابتوبج مثل ما عذب لابتوبه وطلع مصارينه ..امممم .."
طبعا هاكله مانفع ..لازم أعترف ..جذي أبري ذمتي ..وبعد كم يوم خبرته ..وصار اللي خفت منه ..
أخوي:أبي اللابتوب (بأسلوب أمر )
أنا أعطيه ..وأنا مستحيل أخليه يمسكها علي طول العمر ..اوكي بحس بالذنب يوم ولا يومين مو العمر كله !!..وجذي لما خلص مفعول تعذيب الضمير معني ماحسيت فيه وايد كون إني أعتبر نفسي أسديت خدمة حق لابتوبه المسكين وطبقت عليه مبدأ القتل الرحيم ..لأنه كسر خاطري مع شاشته المفصوله عن الكيبورد ..
*العبرة من القصة : لا تشربون حذال اللابتوب...ولا تخلون حد يستغل ضميركم الحي ...لازم الإحساس بالذنب يكون له تاريخ إنتهاء ^^
***
شكلي بعد خمس سنوات بدمن على الضمغ (طالعوا يمين يسار ..في مراقبة خخخ)..أخاف يوم من الأيام يزخوني وأنا أشتري 6 حبات صمغ من الحجم الكبير ويزخوني 
يستجوبني الشرطي .. :من وين لج هالصمغ...وحق شو ..جاوبي(آخر كلمة بصوت عالي وصوب الإذن مع شوية تفال ولعاب متطاير ..<<ييععع )
..وأنا أقول وأنا تقلصت مثل السيدة ملعقة :حق مشروعي ..والله حق مشروعي ..
يقولي الشرطي:مشروعج شو ..كيف تدمن صمغ مثلا !!..
يبه كيفك لا تصدق ..أكيد مايصدقون ..دام عندي سوابق بريئة وهي إني أحب ريحة ضبغ الأظافر وزيت المكاين والبترول ..فمحد يستبعد الصمغ..ذاك اليوم يالسة الساعة 3 الفير أشتغل على مشروعي ..من كثر ما أستخدم الصمغ يازتلي ريحته   ..قمت أخاف على روحي ..صدق لي قالوا العلم سلاح ذوحدين ..
***
تذكرون مشروع الملمس اللي راويتكم إياه قبل ..ذاك اليوم شفنا مشروع وحده فارينه بالكلاس ..المس حطتلها سي ..والبنت عصبت وعبرت عن اللي بقلبها خخخ

***
...في شي ينرفزني ..
لاحظته يتكرر في مدونات أعزائي المدونين<<مايخص المدونين ..أشير إلى رواد المدونة
الموضوع أو التدوينة  مثلا تتكلم عن مستحضر ما ..أو كتاب ما ..أو أي موضوع
المهم في اللي يعلقون ويعقبون على التدوينة ..تقرا التعليقات وتبتسم ..وتشوف أراء الغير فجأة يطلع لك تعليق أبدا ما يخصه بالموضوع

"حدث هكذا وهكذا ..في المكان الفلاني..وفلان يتحدث ويقول ..." لمزيد من التفاصيل ومواصلة الحوار يرجى زيارة الرابط ..

وبس..
يعني بخصوص مو خروجك عن موضوع التدوينة لأنك أصلا ماقريت التدوينة ..ولكن بخصوص دخولك عرض وكتابة شي أبد ما يتعلق بالمدونة ..
تعتبر نفسك طفيلي مثلا ..!!
الشي اللي يقهرني مو هذا ..يعني أخوي\أختي العزييز\ة (ياللي تدخلون عرض)..موضوعكم وحواركم وخبركم هذا على العين والراس ..ولكن إذا تبوني أدخل على موقعكم وأقرا الموضوع اللي أنتوا حاطينه ومسوين عليه زوبعة ..بيكون شي حلو إن تقرا التدوينة اللي حاطتنها وتعقب عليها لو بكلمتين ..إحتراما لمدونتي يعني...عشان أحس إنك تهتم برايي وهذا سبب أخر يدفعني إني أزور الرابط ..شخص عطاني من وقته وقرا موضوعي ما ببخل عليه بوقتي عشان أقرا موضوعك ..حلو الذوق يعني !!
***
يابوي مالنا غير نقول على الدنيا الدمااااااااااااااار خخخخخخخخخخ
ليش أقول جذي !!
اليهال ..الأطفال ..رمز الحب اللامشروط ..والبراءة ..يساومون عالحب !!
لا حول ولا قوة إلا بالله
الخبر >>
تقول الضحية أم حروبي :أن الجانية إبنة أخيها ذات ال3 سنوات ونصف ..اقتحمت غرفتها يوما ..وجعلت تتدلع ببراءة ..وتنظر بخبث طفولي ..وتبتسم ابتسامة ملؤها اللواتة *..
وتقول بصوت طفولي :عمو إذا عطتييني كريم بحبج<<مع التشديد على حرف الجيم
طبعا لبرائتي (^^")..وحسن نيتي ..وزيدوا عليه فيوزاتي الضاربة نتيجة استنشاق الصمغ بسبب المشروع ..فأعتقدت أني أهلوس !!
فتحت عيني على وسعهما ..فركتهم عدل <<يمكن أحلم
عدت كلامها :إذا عطيتج كريم بتحبيني ؟
أجابت بالإيجاب ..زادت عيناي اتساعا ..ولأتأكد لمرة أخيرة
أسألها :وإذا ما عطيتج ما بتحبيني
تجيب بسرعة وثقة وابتسامة :لا
ياللهول !!...ماذا حدث في الدنيا ...
أكيد تسألوني عطيتها ولا لا ..اممم في حد يقدر يرد اليهال ...حتى لو إنهم لوتيين بس يبقون يهال ..عطيتها الكريم ..
للعلم..بنت أخوي تموت في شي اسمه مرطبات وكريمات ..من تشوف كريم تحطه على إيدها وتفرك ويهها ..وما تيي حجرتي إلا عشان تلعب بالكريمات وتعرف مكان كل كريم بالبيت ..وتستخدم أي شي ..لدرجة ذاك اليوم ..كنت بالغرفة أطالع المراية (مرآتي مرآتي ..من أجمل أم حروبي فالكون!!)..فجآة ألمحها تحط على إيدها شي ..ألف إلا حاطه (زيت الحية للشعر )..ويالسة تفرك إيدها ..
أقولها أمسحيه هذا مو حق الإيد ..بسرعة !!
*نظرة اللواتة :كلمة بالعامية تعني المصلحة ..تشبه نظرة الفتاة في هذه الصورة
مشكلة (-.-")

***
فووووونييييييش 

هناك 23 تعليقًا:

  1. خخخخخخخ ضحكتني سالفة القذله خخ اهم شعورهم ناعمه وضد لعوامل الجويه والتعريه ماشاءالله..

    سالفة لاب توب خفت يكون نكت ع لاب توبج او ع واجب بس اشوه ع لاب توب اخوج وعليه عليه خخخ..

    الحين تعطينه جهازج او لا ؟

    يعني تحبين اروايح القويه؟

    انا حسبالي الدكتوره اللي كاتبه التعليق ع اللوحة ..

    اي عادي وايد تصير فني بس اكبر طاف :\

    انا اللي يبطون جبدي اللي المدونين اللي اذا بينتقدونج مايدشون بكاونته لا بغير معرف !!

    احس جبانه ..

    بسم الله عليها الله يحفظها يارب تشوق ابي بنوته جذي واخليها تدهني خخخ..

    خوش بوست ماشاءلله اسمتعت فيه..

    الله يعطيج العافيه يارب :*

    ردحذف
  2. السلام عليكم
    حكاويك كتير حلوة
    بس مش كل مرة هتيجى فى لاب توب لاخيك ممكن المرة الجاية لاقدر الله تكون فى حد تانى برضه
    http://www.ourlife-accountant.blogspot.com/

    ردحذف
  3. أهلا بالعزيزة الغالية

    =)

    أما عن اليابانيات -- طويل أسمهم =/

    صدقتي .. ما ادري ليش !!


    ههههههه وسالفة الإستقلال ’ جد ما تسوى عليك , مع انه تلاقين مالها قطرات السفن آب دخل في الشاشة , بس خلاص فرصة وجات من السماء ؛)


    أما عن الصمغ .. أنا ما مريت جنبك , ولا أعرفك -- خافت على عمرها ؛)

    أي والله ,, جبتــيييها على الجرح ,,
    هذا شيء ما أحبه أبداً أبداً , ويتكرر كثير , توني من يومين جاي لي تعليق من هذا النوع , وطبعاً لأني أحسه مثل ما قلتي مو من الذوق , يعني بما أنك داخل داخل على مدونتي , على الأقل عبَر التدوينه اللي أنا كاتبتها عشان أعبَر تدوينتك ..
    بس لأنه حسسني أني في الهامش .. ومدونتي مجرد دعاية له , طبعاً مستحيل أفكر أدخل .. مو بس أعلق ..
    وأنا إذا جات لي مثل هذه التعليقات ما أنشرها , أرفضها , " بكيــفي صح ؛) "


    يا فديت قلبها بنت أخوك , تدرين عاد البنات لازم يحبون الأناقة من وأهما صغار ..

    =)

    الله يحفظها يارب , ويحفظ عمتها الحلوة ؛)

    أمتعتينا بسوالفك أوي أوي =)

    ردحذف
  4. استمتعت بقراءة الموضوع من أول مادخلت مدونتك
    وبالنسبة للي يدخلون المدونة علشان بس زيارة رابط مدونتهم بدون مايقرون الموضوع هذا برأيي عدم احترام للمجهود الذي بذله صاحب التدوينة في كتابة ذلك الموضوع او المقال

    :) استمري ...

    ردحذف
  5. ههههههههه تجنن بنت اخوج ،،، ولدي العكس كل شي يشوفه يحطه على شعره كريم زبده اي شي سيده على شعره ،،، يعطيج العافيه على هالبوست الفني

    ردحذف
  6. كتبت كومنت وما طلع ،،، الغاليه مشكوره وايد على البوست الفني صراحه ونستينا على الصبح وعن بنت اخوج انا ولدي جذيه بس اي شي يشوفه يحطه على شعره مادري الاخ هندي صاير

    ردحذف
  7. السلام عليكم ورحمة الله ...
    وحليلج يا ام حروبي
    أقولج الغاليه نطي شرات الغزاله أقرب كارفور وبتلاقين أشكال وأرناق من إلي يسمونهم سيراميك حق الشعر خذي أب آيونات وبيصير شعرج شراتهم بدال ما تحنين وتحت شعورهم :)
    ....
    حلوه تأنيب الضمر له تاريخ صلاحيه ونااسه
    ..
    بسم الله عليج
    بس الأوهو عجيب الصراحه في التلزيق
    ..
    وحليلها النونو الله يحفظها يارب
    نحن عندنا العكس بنوتتنا تدهن راسها بفازلين:)
    ...
    موفقه أم حروبي
    وإستانست بسوالفج
    الله يسعدج
    في أمان الله

    ردحذف
  8. صح والله اليابانييين غير شكل يقهرووون :( ...

    يمي يمي لذيييذه ريحة الصمغ ...

    ذكرتييني ب بنت اختي كلهم جييه يا حلييلهم والله ...

    ردحذف
  9. فعلاً أحس اللي يدش عرض بالمواضيع متعجرف ..
    -
    وترا الصمغ يسبب ادمان مو زين لا تشمينه وايد =q
    -
    Happy Weekend ^^

    ردحذف
  10. مرحبااا رورو ^^

    عساها دووم الضحكة ...ههههه شكلهم جي

    لا تاريخ صلاحية الإحساس بالذنب خلص ..يحلم أعطيه خخخخ

    ..الظاهر جذي

    هههههه حلوه تخلينها تدهنج ^_*

    ربي يعافيج ..حياج ~

    ردحذف
  11. هلا رحلة حياة ..منورة :)

    هههه على قولتهم مو كل مرة تسلم الجرة <<شيخصه !!
    عادي عادي يوم لك ويوم عليك ..

    مشكوره الغالية:)

    ردحذف
  12. ياهلا ويا مرحبا بحيبتي فوفو ^^

    هههه هيه اسمهم طويل قسمي الاسم وشوفي شو يطلع (يابا نيات ) بالمصري حلوه خخخخ

    اصلا لابتوبه حليان ..وتعبان يعني السفن اب ما سوى شي

    هيه بكيفج ترفضينها ..لازم يعطون مدونتج حقها ^^

    شنسوي بناتت!!

    امتعني وجودج غاليتي ^^

    ردحذف
  13. White Freedom
    مرحبا منورة المدونة ^^
    صدقتي ...مايعطون المدون حقه :)

    وانت استمري بزيارتي ..خلينا نشوفج ..حياج الله ~

    ردحذف
  14. Mrs. Purple

    هلا والله ^^
    ههههه حلوه ..شكلهم اليهال كلهم جذي ..الله يعين

    مشكوره حبيبتي عالتواجد الحلو ^^

    ردحذف
  15. وعليكم السلام ورحمة الله
    هلا بنهار ^^
    لا لا مابدي ..ريحته تلوع ..بخلي اختي تجربه خخخخ
    اذا نفع بفكر
    ---
    صح لازم يكون في تاريخ انتهاء مايصير تدفعين الثمن طول عمرج على شي ما يسوى !!


    عجيب وبس ..هذا الصمغ المفضل عندي <<في التلزيق طبعا خخخخ

    ياويلي بفازلين عاااد ..وشو له فايده يمكن ينفع خخخ

    ربي يسعدج أكثر ..وجودج امتعني ^^

    ربي يحفظج :)

    ردحذف
  16. هلا والله بدلوعه
    يعني شراتي تنقهرين منهم :)

    احم احم ..شميتي ريحته ولا كلتيه !!

    هههههه

    مشكوره ..حياج دوووم~

    ردحذف
  17. مرحبا صفحات

    يبتيها ..متعجرف ^^

    هو بيدي ..مجبورة أستخدم الصمغ ..ألصا من كثر ما أستخدمه ريحتي صايرة صمغ خخخخخخ


    haappy weekend 2 u 2 ^^

    ردحذف
  18. هاليابانيات رغم ان عيونهم ماتأهل الا ان كل شيء حلو عليهم البشره والبياض والشعر والنعومه

    بس ماينلامون ماعاشوا في صحراء وجو حار شديد الحراراه صيفا وشديد البرودة شتاء

    يعني شعورنا وبشراتنا معها عذر خخخخ



    ياناسو على بنت اخوك تجنن قمة البراءه اول مره اشوف صغيره تحب الكريمات لها مستقبل انثوي زاهر

    ردحذف
  19. هههههههههههههه ..
    صراحه ..
    انا خايفه عليكي من الصمغ .. بس ما عندي مانع توردي عندي P:

    اما عن نظرة اللواته و الكريم .. عندي منها 2 مب وحده ..

    كلام جميل .. و اسلووب رائع .. ذكرني بأعز صديقاتي نفس الطريقه P:

    ردحذف
  20. مبدعه
    "هاليابانيات رغم ان عيونهم ماتأهل"

    ههههههه حبيت بس صدقتي لهم عذر
    شكلها بتستوي دلاعه رقم واحد ...خربت علي كنت انا الدلوعه خخخ

    تسلمين عالمررور ياحلوه :)

    ردحذف
  21. Brown Sugar
    وينج من زماااان ...نورتي المدونة ^^

    وييي 2 عيل الله يكون بالعون خخخخ

    شوووكرا شوكرا الله يحفظلج صديقتج ^^

    خلينا نشوفج ^^

    ردحذف
  22. حللللوه الي تناظر نظرة المصلحة (اللواته )

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25