هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الجمعة، 11 مارس 2011

.,؛×~أم حّروبي والرسم المعماري-الجزء الأول والثاني-الأخيرة


السلام عليكم جميعا ..كيف حالكم عساكم طيبين ..صرت مو محصلة وقت للمدونة وماقعد عليها مثل اول ...أحس البلوغير مو شرات قبل نشاط المدونات مو مثل ما تعودت عليه خصوصا وانه كثير من المدونين وقفوا صرت أشتاق لهم وااايد 
قلم ومساحة والبطة وفدوووك وغيرهم اللي مو مبينين 
كنت فاتحة ببوست وحطيت فيه صور 
هالبوست المفروض انزله من زماااااااااااااااااااااااااااااااااااااااااااااااااااااااااااااااااااااااااااااااااااااااااااااان 
يعني عليه كومة غبرة كح كحححححححح ..لأنه من السنة اللي طافت 
واللي هو المشروع النهائي لمساق الرسم المعماري1
وكان المطلوب إنه نرسم 
مخطط الدور الأرضي+مقطع جانبي +الواجهة الأمامية +مخطط الموقع 
لمبنى الهندسة المعمارية 
كنت بصور المبنى بس كله انسى
وقلت شكلي ما بصوره فخل احط الموضوع  
المهم 
كاااااااااااااااااااااانت أزمتنا الوحيدة هي إنه ما عندنا قياسات 
فلازم نحن نروح نقااايس كل شيء ><"
فبس تخيلوا الوضع ..نحن البنات ماسكين شريط القياس 
ونقايس العمدان واليدران والبيبان والبلوى إنا نقايس مبنى الأولاد !!!
كان الوضع جدا غريب  
وغير مريح ..

أنا من أول يوم رسمت مخطط المبنى سكيتش يعني بس مرتب 
وكل القياسات حطيتها عليها 
فتخيلوا كانت هذي بمثابةالورقة المقدسة كنت أنا الوحيدة اللي أمسكها 
والبنات يخافون على الورقة تضيع أكثر ما يخافون علي -.-"

هذي هي الورقة ..تراها تخرع في الحقيقة من القياسات اللي عليها

بعد أسبوعين من شغل العمال ههههههه 
بدينا نرسم ..فعليكم انكم تتخيلون نحن أستاذنا كان يعتبرنا عباقرة 
فيتوقع منا إنا نحن نعرف كل شي
ونحن ما نعرف شلون نرسم مخطط 
شو أهم الأشيا اللي لازم تكون موجوده فيه 
فكنا نرسم على البركة 
وهذي أثناء رسم المخطط
بدء التحبير..
عاد التحبير كان كارثة أخرى 
تخيلوا تسوون دوائر بالحبر 
من نغلط ايدنا على قلوبنا شلون نمسح الحبر 
وحده من البنات كانت شبه مخلصة الرسمه بالرصاص ويوم بدت تحبر شخطت بالغلط 
جان تعيد الرسمة !!
الييين أخوي علمني امسح الحبر بالكتر ..بعدين ما صدقت ما خليت غلطة ما مسحتها ^^
وجذي خلصت المخطط ...
نظرة أقرب (0.0)

بعد ما خلصنا المخطط كان المفروض نبدا نرسم الواجهة للمبنى اللي هي هالصورة 
شوفوا شلون ملعون خيرها خخخخ هذا الأستاذ الله يسلمه اللي كنت متعقدة منه مافي شي ما يشخبط عليه 

شرح وجذي أخر شي لغوها الرسمه لأن ما شي وقت
..ونحن يااااااااااااااااااي طرنا من الفرح لين طحنا على الأرض باقي رسمتين بعد نرسمهم -.-"

فشرعنا نرسم المقطع الجانبي ...وهذا سوينا فيها تحقيقات لأنه ما كنا فاهمين أصلا شلون نرسمه 
بعض سلسلة مخابرات يمين ويسار نسأل هذا ونحقق مع ذاك رسمنا السكيتش بعدين حصلنا سكتش جاااهز لوووول
اللي هو هذا

وبدينا نرسمه طبعا ...كان رسمه وايد ممتع ..بس حط المخطط ومد منه خطوط طولية وبعدين بس احسب الأطوال وحدد التفاصيل ..وايد سهل ^^..
وهني خطوات الرسم الأول اللرسم بالرصاص طبعا ..الشي اللي واجهنا فيه إشكالية كانت القبة شلون نرسمها لأنها مش نص دائرة شوي مسحوبة ..سألنا الأستاذ وكل شي صار تمام
بعدين واجهنا مشكلة في المدخل كيف شكله لأنه فيه مليون خط وخط ..وبعد استفسارات لقطناه
وهني الرسمة كاملة مكملة ..
close up shot ^^

وأخيرا وليس آخرا مخطط الموقع ...هذي سوينا فيها جريمة خخخخ
كنا بدينا نرسم سكيتش وناخذ القياسات ..
الين يووو ربيعاتي عندي وبهمس يقولون لي "حصلنا سكيتش حق السايت بكل القياسات طايحين بغرفة "
أنا كنت (0.0)
وكملوا"صورنا كل الأوراق بالكاميرا ورديناهم بمكانهم "
هههههههههههه بعد البروجكت سمعنا ناس تقول  انه قياساتهم انصرقت ونحن صخينا الحقيقة نحن ما صرقنا القياسات بس صورناهم 
بس في حد ثاني خذهم يعني نحن براءة خخخخ
هذا السكيتش الملهوف
وهذا سكيتشنا الفقير خخخ

وبديناالرسم ...وكان مافيه شي يذكر بس أصعب شي هو رسم الظلال ..لأن لازم نحط باعتبارنا زاوية سقوط  أشعة الشمس
لاحظوا الصور وكل خطوة بخطوة بتلاحظون الظلال أخر شي عطت بعد حلو حق الرسمة ^^

تحسون كأنه تطالعون المبنى صج وهو مرفوع عن الأرض :)
نظرة أقرب ..

وجذي خلصنا البروجكت ..أحلى شي رحت أسلم البروجكت وبعد ما سلمته نزلت طالعت قبة المبنى من فوق إلا اكتشفت اني ناسية أرسم الدرايش (-_-")بس يلا المهم سلمته ^^

_____________________________________________________________

الحين ننتقل المساق الرسم المعماري 2
كان المساق وايد ممتع وحلو لأنه فيه تلوين وايد كشخة وحتى يوم نرسم نرسمهم 
3D
كنت براويكم الشغل الي اشتغلته طول الكورس لكن للأسف اخر الكورس المس خذتهم كلهم عشان التقييم وما ردوا ><
فبس عندي صورالمشروع النهائي 
المشروع النهائي كان عبارة عن رسم لبيت مشهور واللي هو casa malapart 

سبب شهرة الفيلا هي موقعه الغريب والإستثنائي ..اللي هو جزيرة كابري في إيطاليا صممه المهندس الإيطاليAdalberto libera سنة 
1937
هذي صورة الفيلا

أذكر اول ما شرحولنا الرسمة أنا بلمت ...أطالع المس اقولها شقد دريات فيه شوفو بس كم درية كيف بنرسمهم ..المس قالت أدري بس مو أنا حطيت البروجكت ..اللي حاط البروجكت كان استاذي اللي درسني الرسم 1 ..هو معقد ويحب يعقد غيره خخخخ

وهذي الأوراق اللي حطونا ياها مساعدة كل شي كان جاهز ووايد مسهلين علينا بعكس اللي خذوه هالمساق الكورس اللي طاف هههه كانوا حاقدين علينا نحن وايد أشيا شالوها عنا لانه ماشي وقت

كانت عقدتنا الدرج ...فيلسنا أول كلاس بس نحاول نبدا نرسمه وكل شوي يطلع غلط ..جان ننادي الأستاذ العبقري ..لأن الدرجات في الرسم وايد صغيرة ..وصارت مناقشة حادة بين الأستاذ ومستنا وطالب من عنده ..يمين يسار وجذي جذاك والعبقري مو طايع يكبر السكيل عشان توضح الرسمة ..قال بتتدبر بلغته طبعا خخخ..وجذي توكلنا
وبعد ما بدينا واجهنا مشاكل أكثر في الدرج ..طلع عدد الدرجات في الصورة الجانبية غير عن صورة الفيلا من فوق فتأزمنا ورحنا للمس ..والمشكله هم عقدونا ونحن بغيناها بسيطة يعني انا كنت بادية أرسم صح لكن هم راونا طريقة يديدة معقدة 
أخر شي رسيت على الطريقة القديمة وضبطت ^^
وهني وأنا أرسمها

وهذي الرسمة بعد ما خلصتها طلعت ضابطتنها ^^ فديتني
والخطوة الثانية كانت ..تلوين الفيلا وهني الجزء الممتع المس عطتنا اوراق في نماذج لتلوين الطبيعة وقالت جربوا واللي تحسون انكم اوكي فيه سووه ..وهاللي صار ^^
هني تجاربي

هاي الطريقة حبتها المس وايد فرسيت عليها :)
وبعد مارسيت على طريقة التلوين بديت ألون وألون ونااااااااسه ..وهذي النتيجة النهائية

...حبيتها والمس بعد يوم سلمته وااايد مدحته 
وهالكورس يوم شفتها قالت لي رسمتج كانت التوب من بين كل السكشنات ..أنا طرت من الفرحة ^^
وجذي أدري البوست طويل ..بس زين مني حطيته من متى وأنا أقول بعدين بعدين ..
حاليا أنا بصدد تصميم بيت عائلة مكونة من خمس أفراد على مساحة 260 متر مربع 
دعواتكم ^^
وفي البوستات اليايه راح أحط بروجكت القروب اللي تحرطمت عليه من كم بوست ..ترقبوا

هناك 19 تعليقًا:

  1. وناااسه

    روعة ماشاءالله

    صج عجيب

    موفقة يارب

    و انشاءالله دوم تكونين التوب

    ردحذف
  2. الله يعيينكم

    انا اشوف اختي جيه كله بروجكتات
    يعني انا بس ادرس ديزاين اهووون

    بس حلووو احسه ^^

    موفقه ان شاء الله =)

    ردحذف
  3. ماشالله عليج فنانه!
    وايد وايد حبيت شغلج وحبيت التلوين فالبارت الثاني يجنن :)

    يعطيج العافيه

    ردحذف
  4. السلام عليكم ...
    ماشاء الله عليج الغاليه تسلم إيدج والله يوفقج
    ألحين بديت استوعب ليش الإستشاري يهبش هبشه عوده من المسيكين إلي يبي يبني هههههه>>>>محتاسه هاليومين بهالسالفه إعذريني
    موفقه الغاليه وأسأل الله ان يبارك لكِ في علمك
    ..
    في حفظ الله

    ردحذف
  5. الأخت الفاضلة :: أم حروبي ::
    صباحك ورد
    ودرس رائع وجميل
    أعجبتني الرسمة الأخيرة
    ممتازة جدًا
    دمت بالمسرات

    ردحذف
  6. يا عيني عليك يا مهندستنا الحرَوبية

    ؛)

    بصراحة كل الرسمات رائعة جداً جداً

    والأخيرة لا يعلا عليها ..

    زين أنك نزلتي هالبوست .. وما خليتيه لين
    يتراكم عليه الغبار وينسي ..

    أمتعتينا برسماتكِ

    وبأنتظار أعمال أخرى لكِ

    بالتوفيق يارب , ومن أبداع إلى أبداع

    أكيد أنتِ قدها

    =)

    أرق تحية لكِ ..

    ردحذف
  7. موفقه يارب .. يلا شدي حيلج محد بيصمم لي بيتي الا انتي بإذن الله :)

    بوست ممتع .. كوني بخير

    ردحذف
  8. الله !
    ولهت على رسوماتج ومخططاتج
    وسوالفج الحلوة ;))

    تسلم إيدج ويعطيج العافية .. نشوفج أكبر مهندسة ;*

    ردحذف
  9. ماشاءالله حلوين ..

    موفقه يارب..

    ردحذف
  10. كتكوته
    هلا بج ^^
    مشكوره ...آميين يارب

    ردحذف
  11. مرحبا دلوعه
    هيه الشغل متعب ...بس تستانسين عليه :)
    حياج الله ^^

    ردحذف
  12. مرحبا ليل
    شوووووووووووكران هذا من ذوقج يا حلوه

    ربي يعافيج يا رب :)

    ردحذف
  13. مرحبا نهار
    شفتي عاد شلون ..نحن والمبنى موجود تعبنا فما بالج انج تسوين شي من الصفر ...ترى الحين انا يالسه اصمم اسمي وهقه )x

    الله يسلمج حياج الله

    ردحذف
  14. مرحبا أخ محمد
    ومساك فرح وابتسام :)
    شكرا ^^
    نورنا دايما ..
    حياك الله

    ردحذف
  15. ياهلا بالغاليه ^^
    فوفو
    احم احم اكيد لاني انا رسمتها خخخخ

    وييه هذا غيض من فيض وايد بوستات عن الهندسة ما نزلتها ...تاخذ وقت لين احط الصور واسولف D:
    نورتي حبيبتي
    مشكووووره

    ردحذف
  16. هلا مهندستنا
    ان شالله من عيوني بس لي انهد انا ما يخصني خخخخخخخخخخ ..افا عليج

    شكرا لمرورج :)

    ردحذف
  17. حبيبتي بوك مارك
    اخجلتي غروري المتواضع خخخخخ
    ياااااااااااااااااارب ويحطوني في برنامج مشاريع عملاقة ^^

    نورتي ^^

    ردحذف
  18. هلا برورو
    حمدلله عالسلامة

    مشكوره :)

    ردحذف
  19. موفقه حبوبه و إن شاء الله يطلع تصميم البيت حلو و سهل ما شاء الله عليج شطورة تبارك الرحمن وما ينخاف عليج

    موفقه :)

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25