هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

السبت، 2 أبريل 2011

.,؛×~أم حروبي والتصميم الأساسي -الجزء الثاني

مرحبااااااااااااااااااااااااااااااااااااااا ايفري بودي 
شلونكم شخبااااااااااااااااركم
كح كح كحححححححححححح 
اخ المدونة جنها مغبره 
من زمااااااان مو طابتنها 
علومكم أخباركم 
عساكم تيبين هلوين بخيرييين 
همممم اليوم كنت بنزل بوست عن البروجكتين اللي اشتغلت عليهم هالكورس اللي هم البروجكت مال الشغل الجماعي وبروجكت البيت 
لكن تذكرت إني ما نزلت بقية البروجكتات مالوووت الكورس اللي طاف 
سوو
قلت خلي انزلهم بالترتيب احسن 
من جي فهالبوست حطيت ثلاث بروجكتات من الكورس اللي طاف
عفيتكم من وااايد تفاصيل ولو انها التفاصيل احلى شي خخخ
ان شالله تستمتعون بالبوست ...رغم إني مالي خلق ههه فيمكن ما سولف واايد >>وي أحسن اكيد جي تقولون هع 
يللا نقووول باسم الله 

قبل لا أبدا شرح البروجكتات 
بخبركم خطة الشغل اللي نتبعها 
اول شي المس تشرح لنا البروجكت 
1-نرسم سكتشات حوالي عشر لي عشرين سكتش>>هالمطلوب بس محد يرسم غير سبع ماكسموم 
2-نختار من السكتشات ثلاث اللي نحس يناسبون البروجكت ونسوي نماذج صغيرره عليهم عشان نعرف شلون بيكونون 
3-نختار نموذج واحد  ونبدا نطوره 
اوقققي كاببيييش 
نسيت شي بعد :هالكورس كل الشغل عبارة عن شغل تجريدي مجرد دزاينات مانقول بيت ولا ممر ولا شي 
اوقييي
يللا نبدا بالمشروع الأول
\
\
الله يسلمكم المشروع الأول هو 
linear organization
التنظيم الخطي 
وهو انه دزاين طولي نحاول نطبق اللي فهمناه من بروجكت المكعب 
والكلام والشرح يطول 
هني السكتشات


 واخترت ثلاث دزاينات اول فكره يتني هي فكرة الدواير وواايد حبيتها بس لازم نسوي ثلاث نماذج 
فاخترت فكرتين عشوائيا وسويتهم قبل الكلاس على السريع هع
واخترت هذا ...معظم البنات كان شغلهم مربعات ومثلثات محد يتجرأ يشتغل على الدواير لأنه شغلها أصعب .وفي كذا بنت كانت عندها فكرة دواير وهونت عنها لانه صعب تسويها الا أنا عندت وقلت بسويها يعني بسويها ^^
وكان إن بديت الشغل عليها ...شوفوا مليون دائرو ودائرة ..ايدي عورتني من كثر القص ..والمشكله لازم اقصها مليون مره لين تطلع لي وحده نظيفة ومضبوطه تميت يومها لين الساعه ثلاث الفير وانا اقصقص فيهم 


 والنتيجة كاننننت ...



اذكر المس قالت اليوم لفلاني شيلوا شغلكم ..واللي ما بيحصل شغله برى مكتبي هذا يعني حصل Aوراح يتم بروجكته عندي 
فاذكر يوم اني رحت عشان اخذ بروجكتي ادعي بقلبي "يارب ماحصل بروجكتي يارب ماحصل بروجكتي "
جان اشوف البنات في الدرب سالتهم شافوا بروجكتي قالوا 
هيه ..هني انحبطت هذا يعني ماحصلت اي ..رحت وشفته ويلست اواسي روحي  واواسي بروجكتي اقوله "اذا المس ما حبتك انا احبك لاتزعل انته اي بالنسبه لي "
خخخخ وسبحانا لطاقه شكلها طاقه الجذب اشتغلت عندي ..رديت البيت جيكت ايميلي الا المس مطرشه لي ايميل تقول انها نست تاخذ البروجكت مالي ...استانست ماهديت حد في البيت الا وخبرته ^^
وااايد حبو بروجكتي رغم انه بسيط ..فديته ^^
__________________________________________________________________

 ننتقل للبروجكت الثاني 
واللي يسمونه 
 central Organization
نفس فكرة اللي قبل بس هني يكون عندنا شكل مركزي ومنها تطل اشكال ثانيه 
السكتشاات
اذكر اني كنت مفكرة باثنين بس ...واشتغلت عليهم 
والصبح ماعرفت الثالث شو اسويه يلست اخبص يمين يسار احط هذا على هذا 
وطلع لي الشكل الي على اليسار

هني سكتش حق طريقة العمل بس موانا راسمته وحده من المساعدات يلست تفهمني شلون اخطط
هذا لنموذج بشكل أقرب..كلهم عيبتهم فكرة المربع اللي فوق ..فكرته انه سقف وينكسر اول يلف 
على قولتهم يعطي احساس بالحركة
تدرون شو قصته ..
الله يسلمكم كان تسليم هالبروجكت بعد إجازة عيد الأضحى على طول ..
والمشكله انه انا بالعيد سافرت تركيا ..فما سويت شي ورديت سويم السبت بالليل وكنت تعبانه حيل 
واليوم الثاني كان التسليم وانا مو مسويه شي 
واذكر طول السفرو انا احاتي بروجكتي شلون بخلصه 
يوم الاحد الصبح يلس اشتغل وماحضرت كلاساتي 
وكنت متوترة والشغل شوي اخترب بسبه مسدس الشمع اللعين خخخ 
بسرعه كان ينشف والمربعات كانت طايره
بالأخير سلمته ولله الحمد



 وذكرت شي بعد ..تشوفون حركه السقف ...اذكر في مس ممالت دزاين مال سكشن ثاني يعني هي ما تدرسني شافتني شايلته وعيبها 
ماتتخيلون شو صار اليوم الثاني ..كنت في كلاسي اشتغل على دزايني وفي بنتموجوده بعد ..جان النبت تي تشوف شغل وسالتني انتي ماخذه عند المس الفلانيه (هي نفسها المس اللي سالتني )قلتها لا ..جان تقول لاني اخذ عندها وقالت لي اسوي هالحركه ...انقهههههههرت شو المقصد تاخذ فكرتي وتخلي وحده غيري تسويها !!><
________________________________________________________________

 والبروجكت الثالث ...
radial Organization 

يشبه اللي قبل مع شويه اختلاف ...
السكتشات

عاد على هذا لبروجكت حسييت موووول ما عندي افكاااااااااااااااار لين قبل الكلاس وانا ماعندي شي اسويه مخي مقفل 
اقول للبنات قولولي افكار 
لانه كان وقتها لازم اسوي النماذج الثلاث وانا ما سويت شي 
وكالعادة البنات ماعندهم شي يقولونه خبصت يمين يسار اي كلام بس عشان لا تنقصني وتقول ما شتغلت 
هذا النموذج كان اللي اشتغلت عليه اول كلاس 
ححط هذا على هذا يصير هذاك هع 
تفلسفت حبتين لاجل عيون المس خخخخ

وهذا حدث ولا حرج ..اصلا المس تعرف انه شغل اخر دقيقه بس تمشي هع 

 جنه الا اخطبوط خخخ


هذا الوحيد المحترم بينهم هع
 وهني طلع لي هالشي ماذكر كيف طلعت الفكره ...المهم هالبدايه ...بعدين قالوا يباله تعديل وايد
 وهني بعد التعديل ...قالوا يباله اكثر

وهذي النتيجة النهائية ماحبيته هالبروجكت تعقدت منه وااايد 
موراضي يصير كل ما اسوي شي يقول غلط ...وحتى المادة اللي اشتغلت عليها كانت غبيه 
بصعوبه تصطلب ..هي ماده لينه تتشكل على كيفج بس لين تثبت تطلعلج قرون ><



وهذي هي بروجكتاتي باقي البروجكت النهائي بخليه في بوست منفصل ..لانه سالفته سالفه 
وبعدها بحط بروجكتات هالكورس ...
ان شالله عيبكم البوست 
وماطولت عليكم 
عاد اعذروني هالايام روحي اوضاعي الدراسيه مش ولابد 
مو ملحقة مادري شصار علي ..جدولي متعب كل يوم ارد متاخره عالخمس والست 
واكون هلكانه وماذاكر...وفوقها خبصت في امتحانات نص الفصل لدرجة انه في امتحان دخلته وانا مو مذاكره ابد 
والسبب هو الارهاق لاني ما كنت راقده اسبوع بسبة بروجكت البيت وكانت نفسيتي حزتها في الحضيض 
دعواتكم الله يصلح الحال ...مو حابه وضعي هالكورس ابد 
الله ييسر ...
بس في شي حابه اقوله للكل 


شي استشعرته مع اللي قاعد يصير فيني 
الله يسلمكم كان عندي امتحان في مادة 
فيلست اذاكرها وانا اعاند النوم ...وفي اشيا وايد مو فاهمتنها في المادة ...صج صج مو فاهمة 
كنت اذاكر بفهمي المتواضع وخايفة موت من الامتحان ماعرف شو بيكون فيه خصوصا انها مادة يديده علي وماعرف شلون 
طريقة الاسئلة 
المهم بالليل ...كنت تعبانه وماقدرت اكمل مذاكره 
فشفت صورة في فوني مكتوب عليها "في زمانك ..محد يشيل همك..لا صديقك لا رفيقك لا أخوك..لو بغيت تعيش صح !..صل فرضك واقضب ارضك ونام..وخلها للي عيونه ما تنام "
هالكلام عطاني احساس عجيب ...وثلت في خاطري الله معاي وكل شي بيصير اوكي ..ورقدت وخليتها للي ما ينام 
ثاني يوم كنت خايفه مانكر لكن مع هذا ادري انه الله ما راح ينساني ..دخلت وامتحنت 
والحمدلله الامتحان كان سهل وفي الكمية اللي ذاكرتها عدل ...حمدت الله وصج الله ما ينسى عبده حتى عيوني دمعت وانا افكر في الموضوع ..
فاقول للكل الله معانا وماراح يتركنا ^^

يللا سي يو كوووم
(في تنقيعات وايد بهالبوست ..طنشوا لانه البلوق مشفر واذيه لين اعدل ^^")

هناك 13 تعليقًا:

  1. السلاام عليكم ورحمة الله وبركاته
    اممم شحالج ؟؟
    حبيت البروجكتات كلها
    طبعا كله شغل آخر لحظه
    ما حب أخلي شغلي لآخر لحظه انا ماحب هالشي بس دايما يصير عندي هالشي كيف ماعرف هههه

    يلاا موفقه ان شاء الله

    ردحذف
  2. حبيت شغلج ماشاءالله..

    والله يعينج كراف مو طبيعي ..

    موفقه يارب..

    ردحذف
  3. مبين من التدوينة انج وايد لاهية ومشغولة بدراستج ..

    الله يوفقج يارب .. وشغلج وايد حلو حبيت البروجكتات .. وان شاءالله نشوفج معماريه قد الدنيا ..

    موفقه

    ردحذف
  4. سبحانه الي عينه ما تنام
    ربج ماينسى عبده دام بذل الأسباب وتوكل عليه ..
    وانتي اهم شي صحتج لا ترهقين نفسج كله يروح ويعدي بس نفسج وصحتج أهم شي ;)

    ومايبيله كلام شغلج عجييب ماشاءالله

    و
    ولهانة علييج ;*

    ردحذف
  5. مشاريعك حلوة
    حبيت الفكرة بالصورة بالثالثة
    موهوبة بالديزاين

    ردحذف
  6. الأخت الفاضلة :: أم حروبي ::
    أسعد الله مساءك بكب خير
    واضح يا أختي إنك تقدمين هذا التخصص بأسلوبك الطريف واللطيف والذي يجعل من هذا التخصص محبب ،، تصلحين تكونين أستاذة ،،)
    متمنيًا لك المزيد والمزيد من التوفيق :)

    ردحذف
  7. ما شاء الله تبارك الرحمن

    شغلج يونس و دراستج كلها شكلها ممتع

    ربي يوفقج و اتخرجين على خير :)

    ردحذف
  8. هلا دلوعه
    مشكوره ..هو شغل اخر لحظة لانه كلما تسوينه تطلع لج عله ولازم ساعه لين تصلحينها
    ^^ حياج

    هلا بارونتنا
    هي والله مليون شي براسي ...مشكوره وامييين ^^

    ردحذف
  9. هلا بوكمارك
    ايه والله ...صدق معانا بكل شي
    تسلمين ^^


    هلا نون النسا منوره
    ثانكس غناتي ^^

    ردحذف
  10. مرحبا اخ محمد
    لاني احب التخصص ...واي حد يسالني عنه ..اممم والله حلو شغل التعليم بس ما ظن عندي طوله بال خخخ

    شكرا

    مرحبا الجودي
    اي وناسه رغم الضغط ^^
    تسلمين

    ردحذف
  11. يعطيكم العافية يارب
    حلوين كلهم
    الحين اختي بعد اذنكم بسئلكم سؤال :) هذي المجسمات ايش اسمها العلمي باالغة الانجليزية
    حنى بالعربي نقول عنها مجسمات او مسجم با الانجليزي ايش اسمها ؟
    وشكراً

    ردحذف
  12. السلام عليكم أخ أحمد

    بال إنجليزي نسميهم prototype أو model

    وشكرا لمرورك أخي العزيز :)

    ردحذف
  13. وعليكم السلام ورحمة الله وبركاتة
    كل عام وانتم بخير
    وشاكر ومقدر لكم على الرد على استفساري :)
    تحياتي

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25