السلاااااااااااااااااااااااااااااااااااااااام عليكم ورحمة الله وبركاته
كيف حالكم ماهي أخباركم ياعساكم طيبين ييا حلوين
شلون المداومين هع إن شالله بس يشتغلون ويدرسون عدل هههههههههههههه<<شغالة مغايض
وبعد ...وجاااااااان أقرر أحط بوست ...أمانة ...أقولكم شيء ...من فترة وفكرة إني (أوقف تدوين)...تلعب بمخي ...وكم مرة كنت بنزل بوست أعلن توقف التدوين ..لكن أتردد...عندي وايد أشيا أكتبها ...بس ماحس ردود الأفعال مثل قبل...تعليقاتكم تفرحني وتخليني أدور شي اكتبه كل اسبوع...أما الحين صرت أنزل بوست كل أسبوعين أو ثلاث...ولا انتوا شرايكم....بانتظار عودتكم ...
امممم تدوينة اليوم ...من متى وأنا أفكر اكتب بهالموضوع ...وطبعا كل مره أأجل..الموضوع الله يسلمكم عن مشاغباتي أيام المدرسة وحتى بالجامعة هههههه ...والله مافي مثلها هالأيام ...قاعده اضحك والله وأنا أفكر باللي بكتبه ....
انزين بشو أبدااا اممم خل اأبدا بأيام الابتدائي...
احم احم يعني أنا وااايد مؤدبة بصراحة حزة الكلااااس اأكون جدا وايد وكثيرا مؤدبة مافي مثلي ما شاالله علي االله يحفظني ...بس لي قالوا الفسحة كل شياطيني تطلع هههههههههههههههههههههه
-----------------------------------------------------
أنا وأبلة الدين
هيه ...مثال علي شكثر أنا مؤدبة لدرجة إن أبلة الدين ما تطيع تضربني ههههههه ....
الله يسلمكم أيام رابع إبتدائي...في حصة الدين ..طبعا لازم نلبس الحجاب فحصة الدين ...طبعا محد يلبس من نفسه ..يلبسونها لأن على الحجاب خمس درجات ...المهم ...أبلة الدين أبلة أفراااح الله يذكرها بالخير إن شالله والله وايد كانت طيبة ...كانت تتييب معاها خيزرانه ...تضرب البنت اللي تنسى حجابها أو اللي ما تلبسه فالحصة ....تضرب على الإيد ..مادري إذا يعور لأنها ما تضربني ...
اذكر مره قلت لها :أبلة اضربيني ...
تقولي :ما بضربج ما تستاهلين ..
اقولها :بس مره اضربيني ابي اجرب ..>>هههه وحده غاوية ضرب
وما تطيع ...شو سويت ...مايبت حجابي مره ...متعمدة انساه...بس عشان تضربني ...
انا : ابلة ما يبت حجابي اليوم ...وامد ايدي عشان تضربني (وانا مستانسه من داخلي)...جان شو ...ما تضربني o.O
لو تشوفون شكلي شو كنت مسويه ...الابلة قاعدة على طاولتها وانا يالسه فوق الطاولة ماده ايدي اترجاها تضربني وما تطيع ...
اخر شي استسلمت شوما سويت الابلة ماراح تضربني ههههه اسميني غاويه عذاب ...وحتى كنت احب تلاوتها للايات فكنت لما اهي تقرا اعيد وراها وهي تعصب ..تقول لحد يردد وراي ..وانا اردد بصوت واطي عشان اتلو شراتها هع
---------------------------------------
مسرحياات
وحزة الفسحة قلت لكم تطلع شياطيني ..تشوفوني وانا اناقز فوق الطاولات ...ترتيب الطاولات كله يخترب بسبتي والبنات يعصبون علي هههههههه ...وفي الفسحة تطلع مواهبنا التمثيلية ..كنت انا وربعي نسوي مسرحيات عن فلسطين ...وانا لاني (صغيرة البنية الجسدية ) دايما امثل دور الولد الصغير اللي يموت (يحليلي)....بس مره طفروني البنات ...المهم انا كنت الولد الصغير ...كنا نييب اوراق ونسوي منها كور على اساس انهم حجارة ...ونفرهم اونه على الاحتلال ...واخر شي اموت برصاصة ..اكون راقده على ارضية الصف ..وحوالي البنات وامي وهي اكبر بنت بالصف ..يصيحون علي..نفس المسرحيه كل فسحة...ومره وهم يصيحون اونه ويلطمون قاموا يلطموني انا ...بالبداية سكت ...الا اشوف قاموا يزيدون ...من زود الحزن هههههههههه...الا نشيت مو موتي وعصبت عليهم ههههههههههههههههههه ...قالوا اوكي...وبعدها على اساس يشيلوني حق الدفن ...عاد هني بدووا مره ثانيه الا كم وحده تقرص...اكتشتف انه كم وحده حاقده علي ههههههههههههه ...ماغير انش من موتتي كل شوي اعصب عليهم وارد اموت واكمل المسرحية خخخخ
ومسرحية ثانيه ....دوم المسرحيات تكون من بطولتي وبطولة بنت فالكلاس ماشالله عليها يعني متينه ...احيانا اخليها تشيلني وتدورني على اساس ملاهي يعني ...
ففي مسرحية اني انا دراكولا ...طبعا ما كله اسكريم توت وحلجي مستوي احمر يخرع ...ولافه حجابي على رقبتي اونه رداء ..واناقز والحق البنات وهم يصارخون اخر شي اعضهم ههههههههههههه اسمينا كنا خبايل
------------------------------------
نحلة في الطابور
طبعا تدرون سوالف المدارس طابور وحالة ...وييون المشرفات يجلعونا من الصفوف عشان نحضر الطابور <<غصب الموضوع
المهم يطلعون البنات ويوقفون طااابور ...وفالاذاعة يعاقبون الصف اللي مو منتظم ..عاد انا ششسوي...بعد ما البنات سوقفون في سطرين ...اقطع لي من الشجر ورد ريحان
...وامر على البنات صوب اذونهم واكلع صوت ..ووزززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززز....
.ويخترب الطابور كله ...وابلة الرياضة صف رابع \2 اوقفوا عدل ...واقعد اضحك هههههههههههههههههههههههههههههههه...ويردون يترتبون وارد وزززززززززززززززز...الين البنات يعصبون ههههه ولا اشوف ابلة وانخش ,,,,,,,,,اوي طلعت شريره ههههههههه
-----------------------------------
1-0
وفي موقف كلما اذكره يضحكني عن ايام رمضان ....كنت رابع او خامس ابتدائي وكانت اول مره بحياتي اصوم فيها ...تي ربيعتي المفطره ...وبايدها كاكاو باونتي
تقولي تبين تبين وتقعد تترقص وتغيضني ...وانا اطالعها بحقد ودي اكفخها بس انا صايمه مارديت عليها الا شوي تدخل ابلة سميرة مدرسة مادة الاجتماعيات وتشوفها تغيضني ...وجاااااااااااان تزفها تقولها بدل ما تستحين على ويهج انج مو صاميه قاعده تغيضين البنية ...1\0 ههههههههههههههه ومره ثانيه تنتصر ام حروبي ههههههههههههههههه
محد قالها تغيضني
-----------------------
الدريشه
هههههههههههههههه اذكر بالاعدادي ...كنت قاعده فالفسحة حذال الدريشة ..وارمس ربيعتي اللي برى ..المهم تطور الحديث وممادري شلون اخترعنا لعبة ...من يسحب الدريشة بشكل اقوى ...واهي تسحب من برى وانا اسحب من داخل والبنات تجمعوااا ...واخر شي انجعلت الدريشه من مكانها هههههه توهقنا ...كيف نردها ههههههههههههههههه نحاول مره مرتين اخر شي رديناها مكانها ...ياززتلنا السالفه جان نلعبها مره ثانيه ههههه ...
---------------------------------------------
مقلب تاريخي
بعد شو بعد شو ....(0,0)....اعظم موقف حصل في تاريخ الدراسه ههههههههههه مقلب ستتكلم عنه الاجيال القادمة هع
الله يسلمكم بثاني ثانوي كانوا مسوين لعبه تهادوا تحابوا وتعرفون اللعبة كل وحده تسحب اسم وماتخبر حد وتم تسوي مقالب فيها الين يوم نحدده كلنا عشان نتبادل الهدايا ههههه ....المهم انا حصلت اسم وبديت افكر بالمقلب اللي اسويه ...اول مقلب شو سويت عطيت لاخوي زلاغ (جوارب ) وقلت له البسه وتمشى فيه لين يخيس هههههههه ....يابه وكان حده معفن :\
حطيته في علبة حلوه هههههههههههههههههههه وحطيته على طاولةة البنت ....عاد البنت اللي عندي اسمها حدها رقيقة على فكره ...اول ما بطلت الهديه جان تصارخ وتفره ههههههههههههههههههههههههههههه.....
وبعدها قعدت افكر بمقلب ثاني استعنت باخوي جان يقولي سوي عصير ثوم وبصل وحطيه فغرشه عطر :$ قلت لا بتعلق فيني ريحة البصل مابي اسوي ...وجان بتطوع ويقولي انا بسويه ..وصج سوالي عصير بصل وثوم وحطااه في غرشه عطر ....الله لا يوريكم...ريحه فظييييييييييييييعه ...المهم حطيته على طاولتها ...ونطرت الضحيه تي تعطر ..طبعا مسويه حركات وتغليف حلو ..تمويه يعني هع ...كانت هي وربيعتها واقفه وانا على بعد متر ...البنت شمته وماعطرت عرفت الثانيه عيبتها السالفه ...تدرون شو صار ...الاخت لما عرفت انه ثوم وبصل رشتها علي .........اااااااااااهههه من حفر حفره لاخيه ...ههههه ...عاد المقلب تعدى الصف ..هذيج البنت طلعت اشر عني قامت ورشت البنات اللي بالساحة ما خلت بنت ما رشت عليها ...كل هذا صاير بالفسحة الثانيه واللي هي قبل الحصة الاخيرة ...المهم ربيعتنا بعد ما رتشت بنات المدرسه ههههههههههه يت وقالت :ترى ماخلص بعده باقي<<<يعني ناويه تخلصه ...
تدرون شو استوى بعدها .....يتهم فكره جهنمية من الخاطر ...بعد الفسحة عندنا حصة جيولوجيا ...وعاد محد يحب هالحصة مللللللللللللللل وفوقها الابلة طيبة والبنات دوووم ياذونها ....جان تقول برش فالصف ...سكرنا باب الصف والدرايش والمراوح والمكيفات ...وقعدت البنت ترش على المكيفات ...ورشت بكل الصف ...بعدها فتحنا المراوح والمكيفات ..وانتشرت الريحة فالصف كله ...ريحة تموت الطير بالسما ههههههههههههههههههه ......وتنشم من على بعد خمس امتار من الصف ....حتى الممر صار خيسه ....وعاد شو استوى بعدين ...دق جرس الحصة الاخيره ...وشلينا شنطنا من الصف وورقفنا برى وويوهنا كلها براءة ...ننطر ابلة الجلوجيا تي...عاد هذا المقلب كل الصف شارك فيه ...يت الابلة وتطالع من بعيد ...ومعصبه ليش كلنا برى الصف ...وعاد نحن بكل براءة :ابلة ريحة الصف خايسه موووت ما نقدر نتم فيها .....دخلت وشمت الريحة ...قالت محد غيركم ...ونحن نحاول نخش الضحكة ...المهم اصلا مافي امل ندرس فالصف لانه ريحته قاتله ههههه ...الهدف من كل ها انه نفتك من حصة الجلوجيا ...المهم الالبلة مصرة تعطينا حصة ....طلبت الاخصائية اللي يت وشمت الريحة ...ومحد طايع يرمس لان الكل كان جزء من المقلب ...المهم على اساس نكمل الحصة في المدر ومفتاح المدرج ضايع عاد نحن تشققنا ...مرت نص ساعه باقي نص ساعه اخر شي حصلوا المفتاح ...ورحنا وطبعا محاضرة ربع ساعه باقي ربع ساعه ...يو اشطن بنتين فالصف على اساس يسووون مسرحيتهم المعتادة ..يتضاربون تتخيلون كان يالسين يضاربون كل وحده تدز الثانيه ونحن نضحك...تطور الموضوع وتكافخو بالكتب ...ونحن مستغربين شكلها صارت صج ...ومطووو شعر بعض لين ودوهم عند الاخصاائية هههههههههه وبعدها الحصة ماخلصت ...تصدقون انه الابلة شرحت الدرس وخلصته فعشر دقايق ...ماشالله عليها عندها عزيمة واصرار...وعلى فكرة هالابلة تقاعدت بعد هالسنة هههههههههههههههههههه قالت بتقاعد والسبة انتو ههههههههههههههه يحليلها الله يحفظها ويذكرها بالخير ابلة نادية
-----------------------------------------------------------------------------
وبعد ههههههههههههههههههههههه والله وايد سوالف اخاف تملون ترى البوست صار طويل....
-------------------------------------------------------
ابلة الاحتياط
انا بكمل حلت السالفه ...امممممم خل اخبركم سالفة الشمع ...كنت وقتها بالاعدادي ...وكانت عندنا ابلة يديدة ..هي اصلا متدربة ...ومادري ليش حاطه دوبها بدوبي ...في بنات يحبونها وفي اللي ينقهرون من ها شراتي ...اهي صغيرة يعني توها خريجة جامعة ...المهم كله يعطونها حصص الاحتياط....ومره عرفنا انها بتكون علينا احتياط..المهم بالنات بغوا يسوون فيها مقلب واشتركت معاهم ..المهم بصفنا كانت شي شموع..ولعناها ...الين قلمت تذوب وصبيينا الشمع الذايب على كرسي المدرسه عشان تخيس عباتها ...بس حسافة جكتنا ...اول مايات تيلس لاحظت اللي على الكرسي وماقعدت ...فشلت الخطة :\
تدرون ليش اقوله انها حاطه راسها براسي ..بنفس الحصة كنا قاعدين ...البنات متجمعين حولها يسولفون معاها وانا والبقية كنا نسولف بروحنا ..الا جاسني فضول اعرف شو يسولفون عنه ..جان اقعد معاهم ..جان تبدا ...تسال وحده من البنات انت شو ترتيبج ...جان تقولها انها الثالثة ..طالعتني : وانت ؟
قلت لها بافتخار : الاولى
قالت : مايبين عليج ...اهي يبين عليها الاولى مايبين عليج شاطره
يه انا شمسويتلج !!!....
المهم ماعلينا نكمل
---------------------------------------------------------------------------
حماسة بنات
الله لا يوريكم يوم البنات يتحمسووون شو يصير ....
كان يا مكان في ايام ثالث ثانوي\يعني بنات ثانويه عامه ...المفروض نكون عقال وفاهمين ...ولا فوق كل ها بنات علمي ...هههههههههه المهم كنا بالفسحة ...وطبعا الفسحة الثانيه ...لاحظتوا انه كل البلاوي تصير في الفسحة الثانيه ...دليل التسطيل اخر الدوام ....المهم عاد البنات كانوا يلعبون بكره منفوخه ...المهم الاوضاع حلوه كل وحده تفر الكره والثانيه تمسكها ...شوي الا وحده بالغلط تفر الكره على المروحه جان تطير الكره بالقو تضرب بنت هههههههههههههههههههههههههههههه حلت السالفه للبنات جان يردون يفرونها على المروحه ويشوفون بتطير على منو ...والا تحمسوا اكثر ...
كان فالصف كيبوردات كمبيوتر خربانه منفره ...وحده منهم فرتها على المروحه خبااااااااااايل والله جان ازرار الكيبورد تتطاير فالصف مثل المطر والكل يضحك مثل الميانين ...واصوات الحشره فالصف واصله لاخر الساحه ....انا شفتهم البنات توحشوا وحده منهم مسكت كرسي المدرسه تبي تفره على المروحه ...والكل يقولها لا تفرين يالمينونه ....انا هني قلت لهم لاعرفكم ولاتعرفوني ...جان اطلع من الصف الا صح فرت الكرسي على المروحة وطلع صوت قوي اشوى بس محد تعور هههههههههههههههههههه والله البنات يوم يبون يلعبون لعبهم غير شكل ...
----------------------------------------------------------------------------
هذي بعض المقالب والمشاغبات ايام المدرسه ...فالجامعة هديت وصرت ملاااك هههه>>> خير ان شالله هههههه لا والله صرت اهدى
----------------------------------------------------------
جني في الكلاس
بس في اول كورس من الجامعه كنت شوي مشاغبه ...بس هو موقف وااااحد بصراااااحة كان قمة التشفييير ....
الله يسلمكم كانت حصة انجليزي ...وكنا نشتغل في قروبات ....وكان قروبي قريب من باب الكلاس المهم ونحن كنا قاعدين نتباحث ونتناقش في الامور القومية هههه ...والاستاذ كان باخر الكلاس يتناقش مع قروب ثاني ...الا شوي وباب الكلاس يتبطل بروحه !!!!!
وانا وقروبي نطالع وعيونها مفتوحه على وسعها ...وجان يرد يتسكر الباب مره ثانيه بروحه ...قلت لهم هذذا جنييي...وجان ربيعتي تخاف تقولي لا تقولين جذي ...ورد الباب تبطل ...يووووه الوضع مو طبيعي ...تدرون شو سويت
قاعده اطالع الباب وااشر بايدي :يلاا برى ..اطلع ...اوني عاد اقول للجني يطلع
الا شوي الاستاذ يطالعني من اخر الصف ..يااا وسكر الباب وقعد يطالعني ...اويي شافني ههههه...جان يقولي شسالفه
قلت له : ماشي الجني بطل الباب وانا اقوله يطلع >>>بكل بساطه قلت له جذي وربيعاتي يضحكون
ضحك وقال اي جني هذا الهوا يبطل الباب لانه الدريشة مفتحوه ...هههههههههه انا كنت اعرف بس استهبل ورببيعتي من صجها خافت هههههههههههههههههههههههههههههههههههههههههههههههههه بس والله فنتك ...
وبعد هالكورس ماقمت اشاغب وااايد هديت وااايد ...يحليلي صرت ملاك احم احم هع .....
-------------------------------------------------------------------
وجذي هذي اللي كان بخاطري والله اكتب البوست وانا ناقعه ضحك ...يازينها من ايام والله ^^
وهي صح على فكرة ..هو هذا البوست كان المفروض انزله البارحة لان البارحة كملت مدونتي العزيزة ثلاث سنوات ...والبارحة قضيته واننا ادور فستان يديد حق مدونتي تعبت لين حصلت شي يليق فيها وزينتها وفصصتها ...شرايكم بالحلة الجديدة لأم حروبي ^^...
ياااااااااااااه ثلاث سنوات تدوين احس اني ادون من عمر ....يلللا غنوا في عيد ميلاد مدونتي ...سنة حلووووه يا جميل سنه حلووووووه ياجميل ^^
اتمنى ان البوست عجبكم وضحكم
والله يديم اللضحكة عليكم وعلي هع
ودمتم سااالمين يا حلويييييييين ^^
طلعتي شيطانة
ردحذفعجبوني السوالف
بس كلش ما توقعت انج تسوين مقالب جذي خخخ
و كل عام و انتي و مدونتج بألف خير
عقباااال السنين الياية بعد تقضينها ويانا :**
هههههههههههه الحمدلله ويهي ما يوحي ههه هذا اللي يسهل المهمة خخخ
حذفواننت بخير وصحة وسلامة تسلمين :)
اول وووووحده
ردحذفالحمدالله انك ماوقفتي تدوين كان ذبحتك
وكل عام والمدونة موجودة بينا ومستمرة
ام حرووووووبي انصدمت فيك حسبتك هاديه وعاقله طلعتي العكس
بس ضحكتني البنت الي سويتي فيها مقلب العطر لانه رجع لك
و حلووو كذا ان كل مرحله لك فيها مغامرات
وعلى وضوع التعليقات انا كنت اتابع بصمت لكن من الحين اول وحده بعلق
لاتحرمينا من كتاباتك
اوبس بتذبحيني مره وحده ...اشوه اني هونت خخخخ
حذفوالله صرت هااديه بس عاقله امم يعني نص نص
اخ من العطر اول شي يا على بالي يوم رشته علي "من حفر حفرة لاخيه "خخخخخ
وجودج يسعدني ومنور بتعليقج ^^
وانت لا تحرمينا تعليقاتج :)
يا زين مشلغبتج والله
ردحذفكل 3 اعوام و انت بخير
ان شالله منها لاعلى
والثوب وايد و لايق ع المدونة
خخخخخ
حذفامين يارب وانت بخير وسلامة ^^
سانكيوووز:)
السلام عليكم ورحمة الله وبركاته
ردحذفمساء الخيرات
وأهنئكم على القالب الجديد الجميل.
فعلاً ذكريات جميلة جداً وهي التي شكلتنا وصنعتنا.
شكراً لكم على إمتاعنا بهذه المشاغبات الطفولية.
وعليكم السلام ورحمة الله وبركاته
حذفمسا الانوار
شكرااا
اوشكرا لوجودك :)
صباح النور
ردحذفههههههههههه ربي يسعدك ع المشاغبات الحلوه العالقه بذاكرتك .. انامثلك بالصف مافي اعقل مني وبرا الصف وخروا عني هع .
كل عام ومدونتك بخير :) ويارب مزيد من الابداع والتألق
بالتوفيق.
مسا النور والنوير ^^
حذفهههههههههه برى الصف تظهر الحقائق المخفية هههه
وانت بخير وصحة وسلامة ^^
منورتني :)
ههههههههههه
ردحذفو الله ضحكتيني يا ام حروووبي
عاد احلى شي يوم تكونين مشاغبة بس من تحت لتحت <<< مجربة الاخت
لووول
و كل عااام و مدوونتج من جميل إلى أجمل ، و كل عام و هيه تتزين ببوستاتج و تدويناتج المميزة
هههههه الله يديم الضحكة ^^
حذفهيه اهم شي من تحت لي تحت عشان محد يصدق انج مسويه جذي خخخخخ
تسلمين وانت بخير وصحة وسلامة
^^
تمنياتي لك بالتوفيق يامشاغبة ذكريات جميلة تظل راسخة في عقولنا
ردحذفكل عام وانتي بخير وكل عام ومدونتك بخير وتزخر بالمزيد من المواضيع والعطاء
هههه امين يارب
حذفوانت بخير وصحة وسلامة
تسلمين ومنورتني حبيبتي ^^
هههههههه ماشاءالله عليج ما توقعتج مشاغبة
ردحذفذكريات حلوة ومواقف ما تنسى .. واكتشاف يديد بانج طلعتي مشاغبه ههه
لا توقفين التدوين
وكل عام وانتِ ومدونتج بخير
هههههههههه ياما تحت السواهي دواهي لوول
حذفان شالله ^^
وان بخي و صحة وسلامة ^^
يسلملي مرورج :)
ههههههه
ردحذفوالله حليلنا
حركاتنا ايام المدرسه كشخه كلها برائه و طفوله خخخخخخ
البوست حلو
بس لا توقفين من التدوين ^^
لأنج لو وقفتي بوقف خخخخ
هههههههههه بالضبط برااااءه وطفولة خخخخخ
حذفان شالله ماراح اوقف ^^ ليش اذا وقفت توقفين !!
ههههههههههههههههههههههههههه ...
ردحذفيااا الله ..
ذكرتيني بااايااام ... ما تتنسي ابدا ....
و الله ايام المدرسه .. و السنين الاولى من الجامعه ... و الى الان بفضل من الله لسه جنووون × جنووووون .. و ربناا يديمه
دمتي بووود خيتوووو
ههههههههههه بالضبط ربنا يديمه ..الجنون يخليج تعيشين الحياة باجمل صورها ^^
حذفمنورتني شوقر :*)
السلام عليكم ..
ردحذفواخيييييرا ما بغيت أعلق
يالاه الحمدلله :)
...
عاد نسيت شو كنت بقول خخخ المهم
التدوينه خلتني أضحك تالي الليل بروحي
خبلتي فينا الله يهداج خخ
كل المواقف بكوووم ونمشيها أيام المدرسه وصغار ووناسه
بس إتكشين اليني ههههههه كووووم ثاني
..
حبيبتي ربي يسعدج ويوفقج
وكل عام إنتي ومدونتج بخير
...
في أمان الله
وعليج السلام ^^
ردحذفواخيييرا اليوم بغيت اسالج عن التعليق ^^
ههههههه ياما خبلت بناس عادي لول
هههههههههههههههههههههههههههههههههههههههههههههه والله لو تشوفين ويه الاستاذ مصدوم مني هههههه
تسلمين وانت بالف خير وسلامه ^^
الأخت الفاضلة :: أم حروبي ::
ردحذفأسعد الله أوقاتك بكل خير
ما شاء الله بعد قراءتي للتدوينة
أرى أنك تملكين قدرة وطاقة رائعة للتدوين
فحذاري أ ن تفكري بالتوقف
أدام الله ضحكتك لمن تحبين
دمت بود
مرحبا مستر قويري
ردحذفاحب التدوين ولكن الظروف تاتي معاكسة وتحرمني منه ..ولكن مستمري باذن الله :)
مودتي ^^
أم حروبي ، إنتي إلي كاتبة هالشيء ؟
ردحذف×_×
ههههه اجل ...لمازا هزا االسوال !!
حذفهههههههههههههههههههههههههههههههههههههههههههههههههههههه
ردحذفو الله ذكريات الدراسة أروع شيء
زيارة أولى و مستحيل تكون الأخيرة إن شاء الله
هههههههههههههه هي والله مافي اروع منها ^^
حذفمنورتني اليوم وكل يوم ان شالله ..تسعدني متابعتك ^^
هاي الصفحة بالاخص وايد حبيته وخبرت اختي عنها...صدق ميانين اتمنى انج اتكثرين منها...
ردحذفهههههه ان شالله ^^
ردحذفابي الرؤيه كامله
ردحذفرد
ردحذف