هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الأحد، 21 مارس 2010

المركــــــ(><)ـــب


من فترة مريت على مدونة صمت البوح وقريت القصيدة اللي كتبتها عن المدرسة
جان اتذكر قصيدة كتبتها ايام امتحانات نص السنة يوم كنت اذاكر كيميا ..وهي من المواد اللي ما احبها
(ماودي اقول اني اكرهها تراه علم بالنهاية ) ولكن وااايد اتعقد من هالمادة ><وعاد الهام الشعر حضرته مايزورني الا
وقت الامتحانات ..تركت المذاكره والافلاك ومادري وشو واستويت شاعرة وطلع مني جم بيت ..وبما أن غاليتي صمت البوح طلبت انزلها بالمدونة سرت وفتحت ملف باربي تذكرونه ..(هيه هالملف اللي عمره 12 سنة معاي من أيام الابتدائية *_^) وصرت انبش بالاوراق وادور من بين قصاصات الاوراق عنها وجان احصلها ..تكلمت واايد لووول ..عطوني رايكم فيها(لاحد يقول وزن وماوزن ترها مكسرة ومجبرة على كيف كيفكم(^_*؟)


بسم الله

ياهي معادلاتٍـ(ن) ينّنت بي
من ذرةٍ(ن) إلى جزيئ إلى مركب
\
الله يسامح من فتح للكيميا دربي
عظّم الله أجرهم فينا يوم صرنا نركّب
/
من كثر مانعرّف وللعناصر نرتبي
عقلنا انقلب وصاير مكركب
\
يالله ساعدنا يوم الامتحان ينكبّي
على أدراجنا ونفتح صفحته ونكتّب
/
وفجأة كل ما كان فعلقنا ينجبّي
على ورقة الامتحان المكتّب
\
وكأنه يوم نوقع ورقة خروجنا من البابي
وقّعنا ورقة وفاتنا والسبب المركّب

وسوالم ^^

هناك 10 تعليقات:

  1. صح لسانج..

    وموفقه يارب ..

    والكيمياء حلو بس لا تعمقين فيه :\

    ردحذف
  2. افا
    !!!!
    ليش زعلت ترى انا
    كلش ولا ربعي صج يتعبون وراهم سهر
    بس خوش ربع ما يخلون

    ..
    اسم الله عليج من المركب
    *_^

    ردحذف
  3. اخيرا تصلح العطل اللي بمدونتج

    تدرين عاد .. انا الحين قاعد ادرس هالاشياء بس ندرسهم بعمق .. لأنه تخصصي فيهم !!

    عشان جذي ما حبيت القصيدة :P

    لووول .. صح لسانج

    ردحذف
  4. وكأنه يوم نوقع ورقة خروجنا من البابي
    وقّعنا ورقة وفاتنا والسبب المركّب

    ^^ صح لسانــج ...! طبعا الحالة متشابة ..!

    ع فكرة مب بس كيمياء .. حتى ولد عمها فيزياء :]

    ردحذف
  5. ههههه قصيدة خفيفة ظل :)

    والكيما من العلوم الحلوة والشيقة بس لا يصير فيها اختبارات p;

    ردحذف
  6. رورو
    صدقج حلو من بعيد بس ^^
    شاكره لج مرورج

    قياديه طموحه
    اسمحيلي عاد غلطت عالربع لوول بس تدرين احيانا ينرفزون ><
    حياج الله دوم(عجبني اسمج قياديه طموحه ^^)

    ردحذف
  7. لولا الأمل
    ماكنت ادري ان مناصري الكيميا واايد ولا ماكنت بنزل القصيدة
    الكيميا كانت الحد الفاصل اللي خلتني اختار تخصصي
    اما هندسة (فيزيا\رياضيات) او طب(كيميا \احيا)
    والفزيا اهون من الكيميا ^^
    موفق دايما
    صح بدنك^^ 

    ردحذف
  8. KiLlEr K
    حرام عليك عاد تقارن الفزيا بالكيميا ..مايتوالمون الفزيا بس معادلات لفها يمين يسار وتطلع لك معادلة يديدة وتنحل المسألة ..الكيميا لف المركب يمين يسار تطلع مادة متفجرة لوول (
    *.*)
    Engineer A
    صدقج الا الاختبارات تخلي الواحد ينتف شعره ^^
    حيياج الله

    ردحذف
  9. السلام عليكم

    شحالج اختي ام حارب
    ^_^

    السمووحه منج انا طالبه القصيده وآخر وحده ترد
    سوووري بس والله انشغلت

    مافيها حيله القصيده ..اول بيتينّي وااايد
    ^_^

    يالله ساعدنا يوم الامتحان ينكبّي
    على أدراجنا ونفتح صفحته ونكتّب

    امييين ...ذكرتيني بامتحان العملي
    كان هذا حالنا لووول

    اووب اووب جني وهقتج !! طلعوا وايدين يحبون الكيميا لووول

    وتسلمين فديتج ع القصيده الغاويه

    ردحذف
  10. ههههه وهقتيني وبس اخاف الجماعه زعلوا علي ^_*

    تسلمين غاليتي وموفقه دايما ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25