هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الخميس، 27 مايو 2010

.,؛×~التاج السلطاني


توه ياااب راعي الأراميكس تاجي ..وايد طلع غاويي علي ..مو أكيد لأني أنا لابستنه ..لازم بيطلع حلو واااي فديت روحي أنا >>وااايد مصدقة روحي صــح ..خخخ ماأنلام فديتني ..المهم يللا نبدا


قوانين التاج الحروبي أقصد السلطاني خخخ كالآتي :
*اذكر اسم من طلب منك حل هذا الواجب*
*اذكر القوانين المتعلقة بهذا الواجب*
*تحدث عن ستة أسرار قد لا يكتشفها من يقابلك للمرة الأولى*
*حول هذا الواجب إلى ستة مدونين ، واذكر أسماءهم مع روابط مدوناتهم في موضوعك*
*اترك تعليقا في مدونة من حولت الواجب عليهم ؛ ليعلموا عن هذا الواجب*

الطلب الاول :
*اذكر اسم من طلب منك حل هذا الواجب.
مرسي كتيير خيتو رورو
الطلب ال2 :
تحدث عن ستة أسرار قد لا يكتشفها من يقابلك للمرة الأولى.
امممم أسرار ..والله مادري سموها الي تبون ^.*

$-أتنرفز على أقل الأشيا ..مثل لما شخص ياكل بصوت وماحب الشخير (منو يحب الشخير أصلا هع)
- فديتني أنا طيوبة وااايد وااايد بس لي عصبت لا حد يقرب صوبي ..يتبرا مني العقل خخخ(وايد طيبة صح)
$-صارلي حوالي أسبوع وأنا أضبط القالب ويمين يسار (تراني مو ذاك الزود بهالسوالف)..وارتفع ضغطي وسهرت وسألت البنات وحشرتهم شلون؟؟وانحذفت أشيا وطلعت أشيا ..لين أخيرا ..ضبط شي عندي ..شو رايكم بالقالب حلو ؟
$-ماخلصوا الستة..هممم..اليوم بغيت أسوي حادث جان تعصب علي مدربة السواقة وأنا سويتلها طاااف ولاكأني اسمعها خخخ^.*
$-كان عندي بلوغ اسمه ضحكة ألم بس حذفت حسابي ورديت وأنا أم حرّوبي
$-وأخييييييرا... مؤخرا صرت كسوووولة لآخر حد لدرجة أني ماحط بوستات ويالله أعلق ..وهذا أقوى سر..من الكسل سويت نسخ حق بوست رورو للتاج السلطاني بس غيرت بعض الأشيا@@
*الطلب ال3 ..
حول هذا الواجب إلى ستة مدونين ، واذكر أسماءهم مع روابط مدوناتهم في موضوعك.
اممم كلما أفكر أحط حد ..ألقى أنهم واصلهم التاج ..حستها براسي منو بعد منو بعد
-1-
-2-
-3-
-4-
-5-
-6-

وصارووا ستة

هناك 10 تعليقات:

  1. أهلين عزيزتي ..

    شخبـارك , إن شاء الله بخيـر ..

    في آخر تدوينه لك حاولت اعلق بس ما ادري شنو في

    مو راضي لي أعلق , حاولت أكثر من مره بس ما قدرت

    :(

    الحمد لله اليـوم قدرت , يمكن بسبب القالب الجديد

    بس جد ذوقك جميـل جداً , مبروك الثوب الجديد

    :)

    وشكراً على التاج , إن شاء الله رآح أحل واجبي عن قريب ..

    تحياتي لك ..

    ردحذف
  2. الوو الوو تست تست ..بجرب تشتغل هالتعليقات ولا بتسوي شرات القالب بتطلع روحي لي تستوي ..

    تسلمين حبيبتي فوفو ..والله كل شي مختبص بالمدونة

    في انتظار اسرارج هع ^^

    ردحذف
  3. أولا القالب اليديد واايد حلو عليج :)
    بس طبعا تزينينه ولا يزينج ;)
    وأسرارج مكشوفة خصوصا موضوع الطيبة p;

    وثانيا مشكوورة واايد على التاج (الغاوي) .. راح أحطه على راسي :)

    بس أهدتني ياه الغاردينيا من فترة وليلحيني ماحليت الواجب :/
    إن شاءالله أحل واجباتكم الحلوة بأقرب وقت،
    مشكورة حبيبتي سعيدة لأنج ذكرتيني ;*

    ردحذف
  4. ماشالله تصميم جميل للمدونة وموفقة ان شالله
    وحبيت صراحتج في التاج السلطاني..

    ردحذف
  5. ام حروبي..

    خخخ تاجج احلى من تاجي :)

    ومشكوره ع الحل ..

    خوش قالب اختيار موفق ماشاءالله..

    وسلامات ..

    و حتى انا كنت مسويه له كوبي من بوست رندا خخ زين ماحطيت اسرارها بالغلط خخ..

    مرسي خالص..

    ردحذف
  6. مرحباااااا
    ام حرووبي

    ثانكس ع التااااس السلطااني
    >>برووحي متحولة مستوية أميرة الزمردة يووووووووي
    >>ملعوزة الكل ويا هالكوكب الخيالي يوووووي

    ما شاءالله عليج
    يوووووووووووووووي
    كانت حلوة المدوونة
    صارت عجيييييييييبة ويا القالب اليديد يووووووووووي
    ابدعتي^_*

    ردحذف
  7. bookmark
    شكرا شكرا هذا من ذوقج :)
    أويي صج ..يعني مكشوفه !!
    بيطلع واايد حلو عليج ..
    العفو تستاهلين غاليتي ^^

    ردحذف
  8. قلم ومساحة ..
    شكرا شكرا ..موفقين أجمعين يارب
    حبتك العافيه ~
    حياك الله ~

    ردحذف
  9. عيونج الحلوه رورو :)
    العفو ..
    مشكووره وربي يسلمج ..
    ههه أتخيل بس ^^

    ردحذف
  10. مرحبتين وحيدووو ^^
    ههه يللا الحين بتستوين من اميره لي ملكة ^^
    من ذوقج حبيبتي ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25