هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الثلاثاء، 13 يوليو، 2010

.,؛×~ياااااااااي


كللللووووولليييييش ايش ايش ايش أونه صدى خخخ>>

بالبركة بالبركة ..

منه الملل ومنج البطالة

ههيه هيييه ..وااااااي وأخيرا

فرجت ..لا امتحانات بعد اليوم مع جونسون خخخ أووووه أقصد مع أم حروبي ^^

حاليا أنا من داخلي

>>جذي >>

آآآآآآآآه ..بس اللي يشوفني الحين وحده مالها خلق للدنيا ..تعباااانه وميهود حيلي من خاطر

الحمدلله عدت الإمتحانات وانتهى الصيفي اللي كتم على قلبي ..والله يبشرنا بالنتايج الحلوه

وإن شالله يفتحون المساق اللي أبي أنزله ...

أفكاري متلخبطة ..وعيوني تحرقني محتاجة للرقاد ..



***

.ماعرف شو كان الموضوع اللي أبي أنزله ..فلما بتذكره بنزله إن شالله خلال يومين ..

اليوم بعد ماخلصت الإمتحان رحت ويا أختي حفلة وداع خخخ ..تخرجت هي ودفعتها هالسنة ومسوين حفله فسرت ورتبت مع أختي المكان ..وهذي بعض الصور

^^



إرشاد لمكان الحفل^^
أثناء عمل البطايق والتوزيعات ..دمتم للحياة زهوراً ..تلون لحظاتها ..وعطراً يؤّرج أيامها
خخخ ..تدرون شو السالفة ..الله يسلمكم اللي متخرجين ..تخصص تمريض فأختي وايد متأثرة في الموضوع ومسوية أساميهم داخل القفازات ^^
وهذي هي العدة ..
وأخيرا بعد الترتيب ..<<أهم شي الدقوس خخخخخ
وهذي تحليتي ..حلاتها الكيكة صغيرونة بلقمة وحدة تخلص ..جذي هي تعجبني خخخ

****

امممم الأشيا اللي ناويه أسويها في الصيف أول بالأحرى أهدافي هي:

*مراجعة حفظي لسور القرآن الكريم منها جزء عم وتبارك وسورة يس والرحمن وإن شالله بحفظ سورة زيادة +أبي أتعود أقرا سورة البقرة يوميا بإذن الله

*مخططة أنا وأخواني نسوي مشروع صغير على قدنا ..بس ما نعرف شو كانوا ناطريني أخلص إمتحانات لأن كل مرة يقولون خل نفكر شو نسوي وأنا أقولهم ما أقدر أفكر عندي إمتحانات ><

*في فبالي قصتين ناوية أكتبهم أو وحدة منهم على الأقل في الصيف

*بحاول أخصص ساعة أو ساعتين من وقتي أسوي فيها تمارين ذهنية أشغل فيها عقلي الموقف خخخ

*إن شالله بشترك في جمعية حماية اللغة العربية وإذا حصلت فرص تطوع بشارك فيها

*وأخيرا وليس آخر ..بقرا كتاب سيرة حياة هتلر اللي مت وأنا أدوره بالمكتبات ..مافي دار نشر ولا مكتبة في الإمارات ما دورت فيها وأخيرا لقيتها ..وإن شالله أخلصها هالصيف ^^

وبس هذا اللي تذكرته أكيد في أشيا ثانية صغيرة بس هذول أهمهم .

وبعد باجر بيكون موعد فحص السواقة الثاني والله يكون بالعون ..يارب أنجح ..مالي خلق تدريب ><

تولهت عى مدونتي ومدونات جيراني ..اسمحولي على التقصير

ودمتم سالمين ~


هناك 24 تعليقًا:

  1. المهم إنك خلصتي الإمتحانات بالسلامة ومبارك النجاح وربنا يوفقك أنت وأختك آمين

    ردحذف
  2. يالله موفقة ..وان شاء الله النتايج حلوة ...

    و ع البركة تخرج اختج ^_^ عجبتني سالفة القلفز هههههه

    ردحذف
  3. مبرووووووك واخيرا :)

    وحلوة الافكار بحفلة اختج ..

    ما شاء الله مخططاتج حلوة عاد ان شاء الله تطبقينها مو تصيرين مثلي دايما اخطط ولا مرة طبقت :q

    بالتوووفيق =)

    ردحذف
  4. اذا محد رد انا ماقدر ارد :\

    هالطريقه مالت الردود ماتحبني :(

    اي شكنت بقول..

    لج وحشه فقدتج من غير شر كنت بحط تعميم ادورج خخخ..

    موفقه يارب..

    ومبروك تخرج اختج ..

    وشكلها خوش حفله ماشاءالله..

    مشكوره..

    ردحذف
  5. ولكم باك
    وألف مبروك واستانسي بالعطلة وعقبال البقية الي بعدهم يدرسون.. وبالعافية الي كليته لوول حبيت حركة الأسامي الي مسوينها.. وضحكني شكل الدقوس أحسه داش غلط بالصورة :)
    اهدافج الي بتسوينهم بالعطلة حيل حيل حلوين وماشالله لج اهتمامات عدة وأنا أول المشجعين لج حتى تنجزينهم كلهم ان شالله وخاصة القرآن + جمعية حماية اللغة العربية

    ردحذف
  6. مبروووك
    أهم شي الصدى ;)

    شعور العطلة لا يوصف بعد ذهاب هم الاختبارات

    وشكلها خوش حفلة عليكم بالعافية ;)

    وان شاالله تنجزين كل مشاريعج وأكثر :)

    ردحذف
  7. أم الخلود
    مشكوره ..أجمعين يارب


    ^^

    ردحذف
  8. فدك المطيري
    حياج الله ..إن شالله يارب
    الله يبارك لج بحياتج إن شالله ^^

    ردحذف
  9. هديل
    الله يبارك بحياتج ^^

    اي افكار اختي هذي ..

    حياج الله ..نورتي

    ردحذف
  10. رورو تسلمين والله
    وانتي وحشتيني كمان ^^
    الله يبارك بحياتج ..اي لو اني ما يخصني لكن استانست

    مشكوره

    ردحذف
  11. قلم ومساحة
    مشكور
    ويبارك بحياتك ...اي الدقوس مخرب الصوره هههه
    ان شالله بنجزهم ^^

    ردحذف
  12. bookmark
    اي هههه
    هي والله الاجازة حلوه ...ان شالله انجزهم يارب
    مشكوره ^^

    ردحذف
  13. انا اقووول وينج مختفية لج وحشة والله
    زين زين خلصتي ع البركة وعقبالي اخلص الصيفي
    وان شاء الله النتائج حلوووة , ومبروك حق اختج
    والله يوفقها ان شاء الله ..

    جدولج حق الصيف واااايد حلو واهم شي اول شي بالجدول
    الله يوفقج ويقدرج وتنجزين كل اللي حطيته بالجدول

    يعطيج العافية :)

    ردحذف
  14. هالبوست بسميه الانفجار الفكري .. احس واايد اشياء ودج تقولينها وطلعت مره وحده :D

    عالبركة العطلة .. وان شالله تحققين اهدافج كلها يا رب

    او على الاقل 70% منها !!

    تصدقين اني كل صيف احط اهداف الا هالصيف !! كان عندي هدفين بس .. التطوّع بأحد اللجان الخيرية .. والراااااااااااااااحة بس :D


    موفقه يا رب

    ردحذف
  15. البطه
    صج اخجلتي تواضعي ^^
    وانتو كمان وحشتوني ^^
    الله يبارك بحياتج ..
    بصراحة أهم شي الجدول اذا قدرت ون شالله بقدر اسوي كل اللي فيه بستانس من روحي وايد

    مشكوره والله يعافيج ^^

    ردحذف
  16. لولا الامل
    هيه صدقك ..طلعت حره الفترة اللي راحت كلها ..بعد وايد اشيا ما قلتها ^^
    ان شالله بحققها ^^
    بعد يعتبرون اهداف ..ان شالله تشترك للتطوع ..والراحة بعد مهمة بعد تعب الامتحانات ..موفق

    مشكور^^

    ردحذف
  17. يالله موفقة ام حروبي .. وبشرينا بالنتايج الحلوة.. اما الكيكة صراحة دخلت خاطري شهيتيني فيها لللوووول..ان شاءالله تحققين اهدافج ياااارب ..

    موفقة باذن الله.

    ردحذف
  18. ماشاء الله تبارك الرحمن مبرووك عليكم شكل الحلفه حلوه ومميزة كثير الله يعطيكم العافيه مخطاطاتك قيمه وهادفه جزااك الله خيرا..

    تمنياتي لكي بالتوفيق والنجاح يارب.

    ردحذف
  19. كابتن خالد
    هلا ..
    الله يوفق الجميع ..افا ماخبرتني كنت يبت لك وحده ..

    ان شالله ..وحياك الله

    ردحذف
  20. مرحبا رندا ^^

    الله يبارك بحياتج..اي وايد استانست ..وربي يقدرني اسويهم كلهم ..

    مشكوره وحياج الله ^^

    ردحذف
  21. مبروووووك ...
    و بالتوفيق يارب في كل شي ^^

    تراني انا dalo.oo.3atuae
    مافيني اسجل دخولي خخخخ

    متعاايزه هع

    ردحذف
  22. مبروووووووووووووووووك و عقبال النتيجة إنشاء الله ..

    و مبرووك لأختج بعد .. عيبتني الكلمات اللي على البطاقة ..

    و أخير لقيتي قصة هتلر هههههه ، بس و الله بتلاحظين شخصيتة متناقضه وااايد و بالذات علاقته و يا بنت إخته مادري أخوه شي جي مب طبيعيه ..

    ردحذف
  23. دلوعه
    الله يبارك بحياتج
    ..موفقين اجمعين يارب
    ^^ حياج

    ردحذف
  24. AM.SA.CHANNEL
    الله يبارك بحياتج
    هيه حلوه الكلمات بس مو من تاليفي هع ..كانت مسج عندي وراويته اختي وعيبها ..

    هيه طلعت روحي وانا ادور سيرته وان شالله اقر اها كلها ^^
    اصلا هو شخصية غامضة وغريبة وهاللي جذبني له وخلاني ابي اقرا عنه

    مشكوره ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25