هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الاثنين، 10 يناير، 2011

.,؛×~My physics instructor

مادري شفيني اليوم متحرقصه أبي أنزل بوست مع كنت بنزله باجر بس غيرت رايي...من ساعه وأنا أحاول أنزل بوست بس الصور مو طايحة تتحمل في اللاب ..انقهرت ..يالسه أفكر شو أنزل عندي وايد أشيا أبي أنزلها لكم ..تدوينات عن الهندسة وايدة وتراكمت وماحطيت صور عن المشاريع اللي سويتها وعن كارثة المشروع النهائي اللي سوالي كابوس ماخلص إلا أمس ..وتدوينات عن سفرتي لتركيا متهايزة أنزلها لأنه شي وايد صور ...وسوالف ..مو ملحقة بس إن شالله كلها أسبوع وشوي وأخلص امتحاناتي وأفضى وأنزل كل شي :)
وبما إني حالفة إلا وأنزل بوست ..ذكرت موضوع كنت أبي أنزله من السنة اللي طافت ..<<<ووييي موضوع مغبر خخخخ
الله يسلمكم السنة اللي طافت في آخر كورس في الجامعة كنت ماخذة مساق الانجليزي ...ودرسنا الكتابة الوصفية ..وصف الأشخاص والأماكن ..وآخر شي طلب منا الأستاذ نختار مكان أو شخص نوصفه مثل ما تعلمنا ..المهم ,,أنا يلست افكر أكتب عن شنو ..ماكان في مكان معين أبي اوصفه لكن في شخص كنت أحسه مناسب حق الموضوع ..ألا وهو أستاذ الفيزياء اللي كان يدرسني في ذاك الكورس..حسيت فيه تفاصيل خخخ..وكان إني كتبته ..ولو تشوفوني شلون مستانسه على اللي كتبته ..ماخليت حد في البيت ما سمعته المقال وأنا أضحك ...وخبرت ربيعاتي ..
المهم كتبته وأنا يايه بسلمه اليوم الثاني حسيت بالذنب ..جني مصخرت أستاذ الفيزيا وايد ..فعشان جي كتبت بنهاية الواجب حق أستاذ الإنجليزي إني رغم وصفي لأستاذ الفيزيا فأنا أحترمه وااايد ..فكلامي مو استهزاء بالأستاذ لكن شفت إنه مادة مفيدة وموضوع ممتاز حق الكتابة الوصفية ..>>طبعا كتبته بالإنجليزي ..وهذا هو المقال 


My Physics Instructor
              My physics instructor  look like Einstein .He has a round shaped head with gray hair  that runs from the top to line up straight around the head except for few hairs that are still struggling up there .At the front of this head, there is an expressionless face which makes me feel like I am boring .At the top, there are half opened eyes that hide under his untidy eyebrows .From the sides of  his big tall nose come out too many  lines like Sharjah roads ending to the sides of  his unseen mouth .Beneath the nose, there is a line of  savanna steps like moustache  that covers the mouth which rests on his prominent chin . That head stands on a neck that is full of wrinkles. He walks slowly because he has a curved back and a skinny weak body. He wears a pale gray shirt under a dark blue blouse with a black jacket on, and carefully ironed dark gray pants which fool you and make you feel as if he had lost weight. At the end of this old body, there are leather black shoes. That is my respectful Einstein look a like physics instructor.

المهم سلمت الواجب ..وفي الحصة اللي بعدها أستاذ الإنجليزي كان يوزع أوراق الواجب بعد ما صلحها ..يا عندي طالعني وهو يضحك ..على الموضوع اللي كتبته والإعتذار ..قالي Good topic خخخخ  أحسه ضحك من قلب وهو يقراه ..بآخر الكلاس كنت أناقشه في أغلاطي ..شرحلي بعدين قال لما تسلمين المسودة  النهائية امسحي الإعتذار ماله داعي أنا فاهم خخخ  قاله وهو  يضحك ..

وحليله أستاذ الفيزياء كان طيب بس مادري ليش كرهناه خخ
بس في الفترة الأخيرة سمعت إنه طاح بالمستشفى أكثر من مره ..هو وايد كبير ومافيه حيل ..
دكتور علاااء الله يشاااافيك إن شالله 
أذكر في الصيف أختي كانت ماخذة مساق الفيزيا عنده وعلى أيامهم غاب لأنه مرض ويوم رجع ثاني يوم قالوله سلامات أستاذ ما تشوف شر جان يقولهم "هذا كله من دعوات الصالحين "
صدق الطلاب ما يقصرون في الدعوات ..الله يشافيه 

وبس هاللي عندي طلعت حرتي إن شالله عجبكم الموضوع ^^
ودمتم سالمين 

هناك 14 تعليقًا:

  1. "come out too many lines like Sharjah roads"
    هههههه بدعتي فيه حرام عليج
    أتخيل ردة فعل دكتورج واهو يقرا الوصف p;

    عسل والله ;**

    ردحذف
  2. ههههههه ما أتخيل أستاذ الفيزياء يقرا هالشي، سيده بيطيح في المستشفى هههه مسكين ..

    صدقيني مايطيح في المستشفى إلى من دعوات الطلبة ههههه
    أذكر عنا واحد يدرسنا في القانون من كثر ما دعوا عليه طاح في المستشفى قالو شي عنده في القلب و ولده مره قرينا لاقين إنذار في مادة ..
    قلت من الدعوات .. هههههه

    ردحذف
  3. ههههه

    ذكرتيني لما كنت في سنة أولى درّسنا دكتور وكان سيء بكل المقاييس
    وكتبت عليه شعر هجاء من القهر اللي فيني منه
    ورسلته لكل زميلاتي ؛)

    بس دكتور الانجليزي خوش دكتور طلع ؛))

    كوني بخير ياحلوة ..

    ردحذف
  4. ناطره بوست تركيا وبوستات الشاريع ..

    احنا مرهقالوا لنا وصفوا مكان بالانجليزي طبعا نفسه يالنا بالامتحان وانا كله تشلخ مره وصفت داري والمره ال2 بالامتحان كانوا محددين عن الدوانيه فوصفتها وبدال الكرفايه كتبت قنفه وماعجب المس خخخ..

    ومرسي..

    ردحذف
  5. هههههههه حليله هع

    ردحذف
  6. ناطرينج وبالتوفيق :)

    ردحذف
  7. يقومه بالسلامه ان شاء الله

    موفقه

    ردحذف
  8. bookmark
    ((= الكل كان يقولي جي...وحليله اتوقع بيتقاعد على طول ..او يمكن يستانس عاد مشبهته بانشتاين ((:

    انت العسل كله ^^

    ردحذف
  9. هلا بمحاميتنا
    لا لا بسم الله عليه ..مافيني احصل ذنبه

    ترى قال من دعوات الصالحين ههههه

    حياج الله 8-(

    ردحذف
  10. ..pen seldom

    هلا بالحلوه :)
    جان حطيتي الشعر في المدونة خل نقرا ونطمش خخخخ

    هي والله دكتور طيب

    نورتيني ^^

    ردحذف
  11. هلا عموتي رورو

    فالج طيب ..البوستات يايه بالطريج ان شالله

    هههههه اكيد عرفت انج كاتبه نفسه خخخخ زين غيرتي

    منوره :)

    ردحذف
  12. انسان
    ان شالله
    شكرا ^^

    ردحذف
  13. هلا بالبارووونه
    نورتي مدونتي والله
    لج وحشه :p
    شكرا

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25