هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الاثنين، 6 يونيو، 2011

.,،؛×~سوالف وعلوم


ااااه شخبااااااااااااااااااااركم يا جماعة الخير ...بلوغير نشاطه وااااايد نازل ...ما تعودت عليه جذي ....والمدونين يوم عن يوم يختفون L...
إن شالله يرجع النشاط مثل قبل وأحسن...امممم اليوم حابة أرمس عن وايد أشيا لأني أحس في البوستات اللي طافت كنت كئيبة حبتين ..نتيجة الدراما الجامعية ...المهم سووو قلت خلي أهذر شوي على راسكم ^^
من زمااان ما صدعتكم بسوالفي ...ما أشتقتوا لها ...
كان يا ماكان في هذا الزمااان وحدة أسمها أم حروبي ...وهذي سوالفها 
J 
عندي عادات مو حلوة ...شوي غريبة مادري إذا في حد يسويها شراتي

*بالعادة الناس تغسل أسنانها بعد ما تخلص الأكل ...أنا أغسل أسناني بعدها على طول آكل شي حلو
مادري ليش مع أني أكون خلاص شبعانه من الأكل بس من أغسل أسناني تجتاحني رغبة ملحة بأكل شي حلووو

*أنا بطبعي أكلي قليل ...المهم يوم أحط لي بصحن آكل وآكل الين خلاص ما بقى بالصحن غير لقمة وحدة ..يوم أشوفها تحوشني كآبة أحسن أني امتليت وكلت وايد ...وغالبا ما أخلي هاللقمة ما آكلها

*اممم بعد شو ..هيه عاد أنا و الميك اب سالفة ....بالعادة بيوم الامتحان تشوف ويووووه البنات أغلبها مكفخة بدون ميك اب خصوصا البنات اللي غالبا ما يحطون ميك أب ...أما أنا فوقت الامتحان أكشخ أكثر عن أي مرة ...ويزيد مقدار المك أب بقدر توتري من الامتحان يعني إذا في يوم كان شي امتحان وشفتوني حاطة واااايد مك أب اعرفوااا أني ميتة خوف من الامتحان<<عكس الناس خخخ
وشي ثاني عن الميك اب ...اذكر يوم كنت أصغر بشوي ...كنت قبل لا أنام أجحل عيوني وأرتب شعري ...الناس حزتها تمسح المك كاب أنا أحطيه خخخخ...يوم يسأالوني ليش تكشخين الحين بتنامين ...أقولهم بقابل تيس أحلامي ههههههههه

هذي بعض الأشيااااا....
--------------------------------------------------------------------------

اممممم بما إني في إجازة فما عاد شي أكل من الجامعة ...شي عندنا مطعم بالجامعة ..أهو مطعمي المفضل كله أطلب منه ...فأشتاق له بوقت الإجازة ..أنا بالعادة أطلب فيتوشيني ألفريدو باستا ...واايد أحبه ومن يومين ربيعتي قالتلي عن وصفة لباستا أسمها تورتيلليني ..قلت أجربها ...وهذي النتيجة ...حبيتها بس كان يبالي أضيف له دياي عشان يكمل الطعم ^^

-------------------------------------------------------------------------

بما إني أحب أعرف كل شيء وأجرب كل شي...سجلت بتويتر ...حقيقة تويتر ما كنت متقبلة موضوع أشارك فيه ...بس قلت أجرب ...وهههه وما عرف شلون يستخدمونه ....بس حشرن مع الناس عيد ...وسجلت وهذا الرابط للي حاااب يتابعني
Jانقر على الصورة 

-------------------------------------------------------------------
أختي خذت لي بلاك بيري بعد ما أقنعتني فيه وربيعاتي هم تموااا يقولولي آخذ واحد بعد مشاورات اقتنعت...صارله معاي تقريبا امممم ماذكر يمكن شهرين أو ثلاث ...
فبجذي صاروا كل اللي بالبيت عندهم بي بي ...إلا أبوي وأمي ...
بعد ما استخدمته ...حبيته ..خصوصا إني فترة قبل البلاك بيري استخدمت آي فون ....وصرفت النظر عن الآي فون لأنه وايدين قالولي إنه وايد يصرف وهو حلو حق اللألعاب بس ...اللي حبيته بالبي بي إنه بدل ما تدفعين على كل مسج تشتركين بالخدمة وتمسجين على كيفج ...طبعا بالبداية يوم خذته ..كنت كله أخشه بالشنطة أستحي أطلعه واستخدمه ...كنت استخدم النوكيا مالي ...بما إنه عندي رقمين ..صرت استخدم الإثنين نوكيا وبي بي ,,,للحين مخلصة للنوكيا مهما يكون قديمك نديمك

------------------------------------------------------------------
درجاااااتي طلعت حلوه ولله الحمد J
مقارنة مع اللي عشته في الأشهر اللي طافت


ووووو جني إلا سولف واااايد ...يلللا صدعتكم وااااايد ^^
دمتم موجودييين  خخخخ عشان ما تختفون ^^

هناك 14 تعليقًا:

  1. ماشاء الله عليج ,, شو من سوالف الي ماتخلص t-:

    يمي يمي المعكرونة شكلها يمي يمي ,, انزين اكتب الوصفة عشان نسوي مثلها ,,


    اما بخصوص انج قبل كنت تسرحين شعرج وتحطين كحل ,, هاي العادة عندي لحد الحين


    وسلامتج ,,

    ردحذف
  2. Mabroook ur grades

    w 3la salft ttk7lain gbl elnom 3adi :P

    a3rf wa7da kant tsawi nfs elshay tgool 3shan lmn ag3d ashof nfsi 7ilwa

    W elakl yshweg ,, bl3aafya

    ردحذف
  3. .
    .
    .
    مرحبا بج من يديد .. هو يقولون اكثر الفنانين عندهم عادات غريبة والمعماريين منهم ..

    ووو بخصوص الباستا شكلها حلو بس ما احبها ..

    وتويتر وفيس بوك ما افكر اشارك فيهن وايد يشغلن الشخص المدونة افضل

    والبلاك بيري هع انا قطعته افتكيت منه صح يوفر واايد لكنه يضيع وقت وخاصة وقت يكثرون الاعضاء عندج فاللسته

    والجحال زين وقت الرقاد خاصة اذا كان اثمد

    وو مدونة مميزة ما طولتي ^__^

    ردحذف
  4. السلام عليكم ,...
    ماشاء الله سوالفج حلوه وأخبارج احلى
    أولا الحمدلله عديتي هالسنه على خير وعقبال التخرج يارب :)
    ....
    ههههههه أهم شي تيس أحلامج
    ...
    سويتلج فولو في تويتر :)
    ومرحبا بكِ في عالم البلاك بيري
    أنا بعد كنت آخر وحده آخذه بالبيت :)
    ...
    في حفظ الله

    ردحذف
  5. السلاام عليكم ورحمة الله وبركاته
    في سالفة الاسنان انا جيه لكن اقول لالالا مافيني آكل اروح اسلي نفسي بأي شي

    و سالفة الميك آب و الكشخه احيانا تييني حاله جيه بس ما حط ميك آب اساسا

    يلاا مبروووك خلصتوا
    ونزلن درجاتج ^^

    انا خلصت بس باقي الدرجات عاد يلعبون بأعصابنا لين ما ينزلون الدرجات ><


    موفقه ان شاء الله

    من مدونة dalo.oo.3atuae

    ردحذف
  6. مبرووووووووووك على النتايج الحلوة

    و حالتج ايام الإمتحانات ذكرتني بنفسي أيام الجامعه ايام الإمتحانات اتصادق مع المكياج لووووول

    موفقه الغاليه دوم إن شاء الله :**

    ردحذف
  7. يا حلو سوالفج
    انا دشيت ابي اقرا آخر بوست بس شفت شكله قصة وماتابعتها من البداية، وراحت عيني على هالبوست وخذتني سوالفج لين كملته كله ;)

    وألف مبرووك على النتايج
    اجتهدتي ونلتي ;*

    ردحذف
  8. كابتن خالد
    ههه منور ..زين عيل مو بروحي أسوي جي :)

    ردحذف
  9. هلا كتكوته

    الله يبارك بحياتج عقبال ما تبشرينا بدرجاتج ^^

    حلو الواحد ينش الصبح يشوف عمره حلو بس الكحل يسيح خخخخ

    الله يعافيج حياتي :)

    ردحذف
  10. هارت مون

    اي صح ..واحيانا يقولون فيهم نزعات جنون خخخ ^^

    وصح تويتر وفيس بوك من المواقع اللي الواحد يدمن عليها ...قبل صار لي جي قطعت والحين رديت والحمدلله استخدامي قل عن قبل :)

    الاثمد زين بس يخيس الواحد وبصعوبة ينمسح


    للحين لستتي صغيرة وماضيف الا اللي اسولف وايد وياهم او اللي احتاجهم ضروري والاهل

    مشكوره حياتي على مرورج الحلو ^^

    ردحذف
  11. يا هلااا والله بنهار

    آمييين يارب ..نتخرج بامتياز ^^

    هيه شفتي يقولولي مشرشحتنه قبل لايي هالتيس هههههههههههههههههههههه

    ثانكس عالفولو ^^

    حياج دوما

    ردحذف
  12. هلا بدلوعتنا

    هههه انا ما اقاوم خخخخ ....الا اذا ماحصلت حلو اكله
    استسلم :)

    عقبالج وتبشرينا بدرجاتج الحلوه ^^

    ردحذف
  13. هلا بالغالية الجودي ^^

    الله يبارك بحياتج

    خخخخ شفتي و يقولون ليش البنات يحطون ميك اب وحليلهم متوترات ^^

    شكرا للمرور :)

    ردحذف
  14. اااااه يا بوووك مااارك اشتقت لج حياتي

    وينج مطوله الغيبة ؟؟؟

    الله يبارك بحياج ^^

    لا تقطعين :)

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25