السلام عليكم ورحمة الله وبركاته
كيف حالكم يا جماعة الخير ...عساكم طيبين ومريحين البال ^^
همممم جايسني ملل فظيع ...وبطالة وكل شيء
أحس وايد أشيا ودي أسويها بس
مالي خلق جذي كسلااانه ><
يعني أقعد بالساعات على اللابتوب ما أسوي شي
الين يا على بالي أحط لكم هالتدوينة
المفرووووض تنحطط من زماااااااااااااااااااااااااااااااااااااااان
يعني عليها غبرة ...
وهي عبارة عن المشروع النهائي لكورس التصميم الأساسي
...
المهم ...ما بطول عليكم نبدا بسم الله
كان المطلوب منا في المشروع
إنه نختار واحد من المشاريع الثلاث اللي اشتغلنا عليها في الكورس
ونبدا لنطورها لمبنى
وكانوا محددين لنا كل مشروع وشو نوع المبنى اللي نطبقه عليه
المشروع الأول>>>يتحول إلى متحف فنون
المشروع الثاني>>>مكتبة
المشروع الثالث>>>رياض أطفال
وأنا الكل نصحني إني أشتغل على أول مشروع لأنه كان أحلى مشروع
وبجذي اخترته واللي هو هذا
المهم ...التحدي في المشروع هو إنه لازم نحافظ قد ما نقدر على التصميم اللي سويناه قبل
لأننا انتقلنا من الشغل التجريدي إلى الواقع
المهم ..هني بديت أول نموذج لي ..وبصراحة كان خربوطة لأني ماعرفت بالضبط شو يبون منا
وثاني شي هذا أول مشروع فعلي لنا ..يعني مبنى صجي مو تجريد فكان الموضوع شوي يباله
هذا الشي اللي كان فبالي ...
بس المس قالت إنه ما يخصه بالتصميم الأولي ...لازم 70 بالمية من الشغل يشبه التصميم الأول ...
"يعني عيدي الشغل من أول ويديد يا حلوه "...
أسررت في نفسي خخخخ ...
المهم ردينا و سوينا شي من أول ويديد ...وهذا اللي طلع معاي ...بصراحة حبيته ..حسيته مرتب
وتعبت على البيبان والدرايش ...
راويتهها ...والظاهر إني للحين مو ملقطه الموضوع ...لأنها قالت ما يشبهه للحين ..رديت البيت ..معصبة ><
وأفكر وأفكر وأفكر وأفكر ..لين مليت ...قمت العب ....بنيت بيت صيني خخخخ شوفوا شحلاته ...أستانست عليه وقعدت أصوره
مخي ضرب حزتها ..
.المهم ...بصراحة قلت مافيني أسوي كل شي من أول ويديد ...يعني تعبت في القص ليش أعيده وأخسر مواد زياده ..خلي أشتغل عليه ,,,كالعادة معذبة النموذج ...فرديت صفيتهم وسويت فوقهم ..وبعد عدة إضافات وتخبيصات وشيل وحط هذا للي طلع معاي
وطبعا مع شغل النموذج ما ننسى الرسم بعد ...لازم نرسم مخططات للمبنى ...
هذا سكتش بس عشان أعرف توزيع الأماكن ..
وهذا بعد التطبيق بالقياسات ..هو بالبداية كان اممممم ماعرف شو يقولوله بالعربي ممكن شكل المسار يعني
كان مايل ..بس بعد مليون مخخطط ومليون تعديل ...
اضطريت إني أخلي المسار بخط مستقيم ..وكان جذي ..كبروا الصورة عشان توضح
وبعد ما استقريت على كل شي تقريبا (يعني مو تماما ...لازم تطلع علل وقت التنفيذ )
هني وأنا اشتغل على البروجكت وكان الوضع جدا مأساوي ...
اذكر يوم الخميس بديت شغل ويوم الأحد يفترض يكون التسليم ..
وأنا يوم الخميس اكتشفت علل قد شعر راسي ..ماقدرت أصلحهم إلا يوم الجمعة ...يعني شغلي الصجي بدا يوم الجمعة تحديدا الساعة ست المغرب ...يععني كان جدامي يوم ونص أخلص ثلاث رسمات على ورق A2 و بوستر ومجسم بمساحة
35×70
فتخيلوا الوضع ...بديت بالرسم ...ماقدرت أبدا بالمجسم إلا لمن أخلص المخطط العرضي للمبنى لأنه بدونه ماراح اضبط المجسم
ويوم الجمعة كله راح على المخطط...
ومارقدت إلا يمكن ساعتين ثلاث ..
ويوم السبت انعزلت عن العالم ...شغل 24 ساعة متواصلة بإستثاء ساعاات الصلاة ودقايق حق الأكل ...
وتميت مواصلة ليوم التسليم يعني من يوم السبت لين 7 الصبح وأنا اشتغل ..
يحليله أبوي تم معاي ...وأنا اشتغل ورقد بالغرفة اللي أشتغل فيها كلما ينش يقولي روحي نامي أقوله بعد شوي
وصار الصبح ومانمت ...والرسمة الأخيرة سويتها ع السريع في حوالي 3 ساعات
شاربة يمكن غرشة بيبسي عائلي كاملة قلاص(كوب) ورا قلاص ..مع كرك (جاي حليب)
مع ريحة الصمغ يعني
دماااااااار
..انتهيت ><
الساعه سبع الصبح يلست الصق البوستر أي كلام المهم أخلص ...وأختي برى في الحوي (الحوش أو الفناء)
تصور المجسم ...وأبوي من صوب يدخل باجي الأغراض في السيارة ..ويقوللولي روحي تلبسي عشان تسيرين
وخليت اختي تسوق لأني كنت بحالة هستيرية خفت أسوق وأدعم الخلق من التوتر لأن التسليم الساعة تسع وأي تأخير يصير معاه خسف في الدرجات ....
وهذي صور المجسم
من فوق
على جنب
ممن جدام
المصيبة ما اكتشتفها إلا بعدييييين بعد التسليم وكل شي شفت الصور ...اكتشفت هالجزء من الصورة إلامامية طاير ..لاحظتووه!!
هذا المقطع الجانبي للمتحف ...شغل ثلاث ساعات تقريبا ...
وهذي ما خذت مني وايد يمكن ساعة ...
وهذا هو البوستر ..مثل ماقلت تلزيق أي كلام ...بس الكل مدح السكتشنج ...
وأخييييييييييييرا ..هذي غرفة المشاريع للكلاسات ..هذي وحدة وفي غرفة ثانية بعد ...وبجذي خلصت المعاناة
صدعت رااااسكم صح خخخخ
أدري أدري في وايد أخطاء إملائية ..بعدين بصلحهم ...بروح أرقد بسني سهر ><
وأشوفكم على خير في مشاريع ثانية ..لمن أتفيج إن شالله هع ^^
وناااسة حيييل حلويين
ردحذفبس الشغل حييل متعب الله يعيينج
ان شاء الله تحصلين النتيجة اللي ببالج
موفقة يا رب
السلام عليكم ورحمة الله وبركاته
ردحذفكل سنة وانتم بخير
ومن العايدين من الفايزين
مقبولين ومغفورين الذنب باذن الله
المعذرة على التأخر في التهنئة بالعيد لان النت صار بالبيت ثقيل في التحميل...
تقبلوا طلتي ...
دمتم بخير
ما شاء الله علييج ام حرووبي يعيبني فيج اصرارج و ابدااعج ،الهندسة مهنة مبدعيين ،و ان شاء الله كل التعب هذا مأجوورة عليه ، حسيت عمري عشت في البوست و حسيت بمعاناتج ،الله يوفقج و تصيرين احلى و اذكى مهندسة و تصممين لي بيتي <<<<اهم شي لوووول
ردحذفما شاء الله عليكي ... الصراحه ابداع .. الله يعطيكي العافيه ..
ردحذفبالرغم منشغلكم تعب بس احسه ممتع بعد ما تشوفي انجازك ...
يسلموو خيتووووو
الأخت الفاضلة :: أم حروبي ::
ردحذفأسعد الله أوقاتك بكل خير
أتمنى لك مستقبلا باهرًا
وتخصص متميز وإن شاء الله تكونين من مشاعل الأمة ومن رواد النهضة ،،)
دمت بود
أحين بسألج و انتي دايما تسلمين المشاريع متأخر ؟؟
ردحذفو على آخر الوقت تسوين كل شي لييش ؟؟
اتعبيين روحج
بس حلو المشرووع =)
dalo.oo.3atuae
الجميلة " ام حروبي "
ردحذفصبآحك باقه من ورد الجوري ..
الصراحه ..
مررره حلو شغلك ..
تسلم الايادي ..
مبدعه و حلو انك بتصوري خطوه خطوه ..
حبييت الشكل النهائي ..
و ربنا يوفقك و يحقق لك طموحاتك ياعسل ..
استمري ^^
زوريني في مدونتي :)
كل عام وانتي بخير وعيدج مبارك
ردحذفوحبيت كلامج وطريقته ومشروعج حلو والله يوفقك بس والله تعب بذلتي وجهد يكسر الظهر الله يعطيج العافيه
جميله موفقه
السلام عليكم..
ردحذفماشاء الله عليج ربي يوفقج :)
...
وعام دراسي سعييييييد
هلا عزيزتي كتكوته
ردحذفاي الشغل متعب ولكن بالنهاية تكونين راضية عن نفسج :)
مشكوره حبيبتي والله يوفقنا أجمعين ^^
وعليكم السلام ورحمة الله وبركاته أخ عبدالله
ردحذفوكل عام وانته بخير وصحة وسلامة وعساك من العايدين السالمين :)
مرحبااا بسموووو
ردحذفاحم احم ..اي والله مهنة مبدعين
الله يقدرنا عليها بس ..
آمييييييييييييين يارب
إن شالله خل اشتغل وأحصل خبرة وفالج طيب ^^
مرحبااااا بروان شوغر
ردحذفاي والله مافي شي يهون علينا التعب الا متعة الشغل ^^
حياااج حبيبتي دووم^^
مرحبا أخ محمد
ردحذفأسعد الله مساك
آميييييييييييين يارب..شكرا لهذه الدعوة الجميلة ^^
دمت بخير :)
هلا دلوووعه
ردحذفهههههه مادري ليش حسيت انج قاعده تهزئيني ...والله مو بيدي (يعني نص نص بيدي)..بس تطلع لي أغلاط مادري من وين !!
بس دايما اكون مخلصة قبل التسليم بعشر دقايق خخخ ماعرف ليش قانون جذي
مشكوره ...حياج الله ~
مساج فل وورد وياسمين عزيزتي أسماء
ردحذفمشكوره غاليتي وجودج الاحلى ..
تسلمين ^^
لا تحرمينا من طلتج :)
أهلا عابره
ردحذفوانت بخير وصحة وسلامة وعساج من العايدين السالمين غاليتي :)
مشكوره عزيزتي على كلامج ربي يعافيج ويبقيج إن شالله
لا تحرمينا من وجودج ومتابعتج ^^
وعليكم السام ورحمة الله وبركاته عزيزتي نهار
ردحذفيوفقنا أجمعين إن شالله
وإن شالله يكون عام دراسي سعيد ^^
دمت هنا ~