هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الخميس، 1 ديسمبر 2011

.,×~أربعـــ40ـــــين روح الاتحاد:)

سلااااااااااااااااااااااااااامن عليييهم ربعنا ..شلونكم
شحالكم؟ 
كيفكم ؟
شو مسوين؟ 
عساكم مرتاااحين ...
شو دنياكم ؟...
وش آخر أخبااااركم؟ ...
..وأخيييراااا ...شرفت مدونتي ...وقررت أكتب تدوينة جديدة ...
والله إني متهااااايزة...لكن قلت لاااازم لاااازم أشاركم بالصور اللي عندي ^^
تبوووون تشوووفوووونها سح ولا مو سح 
...
اووووه سح قبل لا أنصى ...اقسد أنسى هههه 
لعوزتكم ...خلاس أقصد خلاص برمس شرات العالم والناس ..احح احححم ..كححح ...يووه على هالصوت مو راضي يعتدل 
انزين ...شو بغينا نقول ...نسيت ...ترى اليوم فضيت نفسي للمدونة ..
تلفلفت في فرجااان ربعي التدوينية ...وقريت وتفلسفت عليهم حبتين ...ورديت على تعليقات بوستاتي القديمة ..وعذرا جدا ووايدا وكثيرا على التأخير ...<<<ليش تأخرت ؟؟بعفيكم من التفاصيل اللي راح تعور مخكم ^^

بخصوص تدوينة اليوم ...طبعا عرفتوا عن شو راح تكون ...
إنه يوم الإتحااااد ...
لقد مضى على عمر اتحادنا 40 عاما ...

مساكم أبيض مثل قلوبكم
وأحمر مثل جوري فواح
مساكم أخضر مثل عطاكم
ومسا أسود للعدو السفاح

الأجوااااء جدا احتفااالية ...البيوت تزينت بالأعلااام
وألوان العلم غطت الشوارع ...
ومسيرات منظمة في المدينة الجامعية <<اللي مااا شاركت فيها :(
ووووو
وحشرة ويولة بكل مكاااان >>ونحن قاعدين بكلاساتنا نشتغل على الديزاين 
(حسيتوا إني حاقدة شويتين ...حدي مقهورة ..اأحس إني ماحتفلت مثل كل سنة بالاتحاد ...همي الجامعة اهئ اهئ اهييي <<يعني اصيح )
المهم الشكوى لله ....
وجمعت لكم صور عشوائية صورتها خطافي من فوني وكاميرات خواتي ...قاعدة من كم ساعة بس أنزل صور وأفرزهم 
لعيونكم بس ^^
أدري بكم تحبون هالسوالف ^^
اوقي طولت عليكم وهذرت وااايد >>ما أنلام من زمااان عنكم ولهت عليكم وعلى تصديعي لكم بسوالفي اللي ما تخلص ^^
انجين ...نبدا بالصور 

أول صورة وايد حبيتها مادري ليش>>>ايدي محلية الصورة خخخخ 
هذا هو شعار احتفالات السنة 
بعنوان 
وح الاتحاد)
فديتها ربيعتي طلبتلي البروش هذا :)

واحم احم ..هاي بعد صورة حلوة ..اتوقع كانت قبل أمس ...كنت ملانة حدي وأبدا مالي خلق أدرس ولا أشتغل على الديزاين 
اإلا أشوف علبة ألوان المنكير ...دايما لما أمل أقعد أاصبغ بأظافري ...المهم ...لعبت شويتين وبدعت ..صبغتهم بألوان العلم 
شرايكم ..فنانة صح ^^



وبينما كنت أنا وصديقاتي نفتر في شوارع الشارقة ...بعد أن زرنا موقع البناء الذي نقوم بدراسته لمشروعنا النهائي ...لفتت نظري 
هذه المباني الحكومية وهي متشحة بألوان العلم ^^

 هذا المبنى واااااااااااايد حبيت الحركة عليه ^^...الحكام السبعة الذين وقعوا اتفاقية الإتحاد ^^

وهني ..صورة من احتفالات الجامعة ...هذا استيج اللي أنشدوا عليه المنشدين ..
أنا حضرت تحضيرات الاحتفال ...وماحضرت الاحتفال نفسه >>عكس الناس "-_-


ومن ناحية أخرى ...هذي بعض الملامح البسيطة اللي كانت موجودة بمبنانا "مبنى الهندسة المعمارية "

هذي رسمة البانوراما اللي راسمينها فالمبنى ...رفعوا عليها الأعلام خخخخ 


أما هذي ...فلووووحة صديقتي ...تسلم ايديها والله ...قولوا ماشالله ربي ييحفظها 
اهي رسمتها ووبنات القسم شاركوا في تلوينها ..<<أنا ما كنت في قلب الحدث للاسف :(
عاد أحلى شي بنات القسم يتضاربون كل وحدة تختار رسمة وتقول هذي أنا ...أنا اللي لابسة احمر وبوحروبي باخر الرسمة ملتهي بالعيال هههههههاااااي ..سوالف سوالف ...بس جد ما تشبهني خخخخ
 زوووووم على الرسمة :)


 وهذا ابداع ثااااااني من صديقتي الثانية  ...كانت تفكر بشي مميز تسويه حق يوم الاتحاد...تربط فيه الاتحاد بالهندسة المعمارية فيت لها فكرة  لعبة "السلم والثعبان"..ولكنها سوتها على اساس هندسي ..فصارت"القلم والمسطرة"خخخخ بس جد بدعت ما شالله عليها
 وهذا ونحن قاعدين نلعب ..أنا يحليلي ...كلما أروح فوق القلم ينزلي ...بس بالنهاية فززت خخخخخ...سوينا حشرة بالقسم ونحن نلعب :)
و في ناحية أخرى من الجامعة ..
وأنا ياية الجامعة إلا اشوف لكم سياااااارة فلة ...حبيت تزيينها 
إلا وأشوف الرقم ..رقم سيارات متحف السيارات القديمة 
دخلت الجامعة أشوفه دخل الجامعة ..فأشرت له عشان أصور السيارة ويحليله ماقصر وقف السيارة ونزل منها عشان أصورها 

 من الأمام 
 من الخلف 
 من الأمام ^^...هذي السيارات أصلا للإستعراض ..قالي صاحبها إنه كان موجود باحتفالات الجامعة ..واستغرب اني أول مرة أشوف السيارة ..قلتله <<للأسف ما قدرت أحضر الاحتفالات :(


وهذي صورة ثانية لمبنى حكومي ..مو واضحة لأنها من الفون 

واليوم قبل الأخير من معرض الكتاب رحنا صحارى نتعشى جان نشوف هذول من شرطة الشارجة مادري شيسووون بس صورتهم ^^

 وهذااا معرض الشاااارقة للكتاب في الأيام الأخيرة ...كانوا يركبون الأعلام :)
 وأخييييرا وليس آخرا ....صورة فرييييش ...مصورتها اليوم كنت طالعة قبل لا أكتب البوست ..ونحن رادين البيت شفنا هالسيارة من دولة الكويت...يحفظهم ربي محتفلين ويانا ..بس يحليلهم شافونا نصور السيارة سرعوا خافوا مادري ليش !!

وبثثثثث ...هذي الصور اللي عندي ..إن شالله عجبكم البوست والصور ...وجذي ..وأنا تعبت وقاعدة اتثاااوب ..
يللا سي يو كوم كلكوووم ..تسبحون ..اقصد تصبحووون على خيرات الله ...وتصبحووون على السنة الأربعين من اتحادنا 

اللهم اجعل هذا البلد اآمنا مطمئنا 
اللهم احفظ الامارات من شرور الفتن والمكائد ...ماظهر منها ومابطن
وارزق أهله من الخير ...
اللهم من أراد بالإمارات سوءا فرد كيده في نحره ...
اللهم
 آمــــــــــــين
آمــــــــين
 آمين 

ودمتم سالمين ...وللإمارات وشعبها محبين ^^

هناك 14 تعليقًا:

  1. كل عام و الامارت بخير
    عقبال الملوين يا رب

    ردحذف
  2. كل عام وانتوا بخير..

    والله يحفظ لكم ديرتكم ويدوم عليها نعمة الامان يارب..

    الرسمات ابداع ماشاءالله تسلم ايدهم..

    ردحذف
  3. كل عام وانتم بالف خير يارب
    ويارب كل ايامكم افراح والله يديم عليكم الامن والامان

    شكرا عل مشاركتنا الصور حلوة وعجبتني لعبة السلموالثعبان ماشاء الله عليها وعجبني صبغ الاضافر مرتب ومتقن ماشاء الله عليج 

    ردحذف
  4. هههه

    تقرير مرررة روعة وصور جميلة وبجد عيشتينا الجو وكأننا عندكم.

    الله يحفظ الإمارات واهلها والخليج وأهله من كل شر.

    موفقين.

    ..........
    من وراء الستار:
    لا نزال نفتقد تعليقاتكم القيمة في مدونتنا التي تتشرف بكم
    ولا تبغينا نمل ونطفش أمممممممممم.

    هههه
    بالعكس والله نستمتع بمتابعتكم ومتابعة هذه المدونة الرائعة.

    كوني بخير أختي.

    ردحذف
  5. الله يحفظ الامارات و اهلها و اهل الخليج كلهم D:

    ردحذف
  6. هلا ناعمة
    وانت بخير وسلامة يارب ^^
    امين :)

    ردحذف
  7. هلا رورو
    أمين يارب وجميع ديار المسلمين يارب

    هيه الله يحفظهم ^^

    ردحذف
  8. هلا عزيزتي كوكتيل ^^
    امين يارب وكل البلاد يارب ^^

    هيه عجيبة اللعبة ..قعدنا نلعبها وتخبلنا خخ

    شوكران شووكران مع انه مختبص شوي ومومبين بالصورة :)

    شكرا عزيزتي ^^

    ردحذف
  9. هلا اخوي سعد نورت :)
    ههه امين يارب وانت بخير وسلامة والسعودية بالف خير وسلامة

    هههه <<نغزة غير مباشرة ههه ودي وكل مره اقول بزوركم وانشغل بس مريت وسلمت وشفت وعلقت ^^

    ان شالله رضيت عنا بس :)

    شكرا لمرورك الخفيف الدم ^^

    ردحذف
  10. غير معرف
    أمين يااارب :)
    شكرا للمرور

    ردحذف
  11. اللهم اجعل هذا البلد اآمنا مطمئنا
    اللهم احفظ الامارات من شرور الفتن والمكائد ...ماظهر منها ومابطن
    وارزق أهله من الخير ...
    اللهم من أراد بالإمارات سوءا فرد كيده في نحره ...
    اللهم
    آمــــــــــــين
    آمــــــــين
    آمين

    """"""""""""""""

    كل عام وانتم بخير ..

    ردحذف
  12. أأأأأأميييييييييييييييييييييييين
    تسلمين يا وجع البنفسج ^^

    ردحذف
  13. كل عام واماراتنا تتقدم
    وكل عام واماراتنا بخير
    صور جميلة رائعة نسأل الله سبحانه بان يحفظ الامارات وأهلها من كل شر ويديم عليهم نعمة الامن والامان ويزيد من خيراتها وتقدمها انه سميع عليم

    ردحذف
  14. وايد مستحيه وأنا أكتب لك كل عام و إنتوا بخير متأخره جي .. مع إن لي صديقات من الإمارات و كنت مستعده معاهم لإحتفالات الإمارات وحاطه صورة علمكم في تلفوني و دعاء لكم و تهاني .. ومع كل هذا نسيت أقولج كل عام وإنتي و الإمارات و حكومه و شعب بخير
    وينعاد عليكم كل سنة و إنتوا بعز و رخاء ..

    سامحيني الغاليه .. وربي يوفقج إنتي وربيعاتج في دراستكم ..

    تحياتي ..

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25