هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الأربعاء، 2 يونيو 2010

.,؛×~استئجار العقول


طق طق طق
الأستاذ آينشتين : تفضل...أووه هلا أم حارب ..خير!!
أم حارب(بتوتر): السلام عليكم أستاذ شحالك؟!
آينشتين: الحمدلله ..خير وش فيج ؟؟..
أم حارب:أستاذ ممكن طلب ..ضروري
آينشتين:إذا أقدر أكيد ليش لا !
أم حارب:لازم توافق ..هذا مستقبلي
آينشتين :قولي وبشوف إذا أقدر
أم حارب :أستاذ ..مـ ..مـ ممكن تعطيني عقلك يوم واحد
آينشتين (فاتح عينه على وسعهم):إيش تقوليي..ههه أعطييك عقلي مستحيل !!!!
أم حارب :أستاذ ليش مستحيل ..الله يخليك ..محتاجته ضروري..
آينشتين :مايصير يابنتي
أم حارب :انزين ..باستأجر عقلك ..كم تبغي مية ...ميتين ..خمسمية ..ألف..
آينشتين : ههه يابنتي لا ميتين ولا ألف
أم حااارب:أستااااذ ..بس يوم واحد ..بعد مو يوم لو تسلفني إياه ساعتين بس من 10 لين 12 أنا راضية
آينشتين :شلون؟ ..لا ..مايصير
أم حااارب:ليش البخل..من فرج على مؤمن كربه فرج الله عنه كربه من كرب يوم القيامه ..أستاذ شو تبي أكثر فرج كربتي
آينشتين :أم حارب ..وين راح عقلك ..من جدك تتكلمي
أم حارب :عقلي في السكراااب أستاذ..افهمني أستاذ ..أبي أنجح في الامتحان
آينشتين :تقدرين تنجحي بدون عقلي
أم حارب :هذا آخر كلام عندك
آينشتين :إييي أخر كلام ..
أم حارب (بحزن): الله يسامحك أستاذ دنيا وآخره
آينشتين :لك شوبيك يا بت أنا شو عملتيلك؟!!
أم حارب :الشكوى لله
وغادرت أم حارب " ياربي شو هالبخل ..ساعتين مو طايع يعطيني عقله ..حد يرفض ألف درهم ..ياربيييي"
طاااااااااااااااااااخ
ضرب راس أم حارب بدريشة السيارة .."ياربي حتى في الحلم ماقدر آخذ عقل الأستااااذ..أمنية حياتي ينتقل عقل الأستاذ حقي يوم الامتحان ..يارب وفقني "

هذي الأمنية لازم أتمناها كل ما يكون عندي إمتحان ..ياريت أقدر أبدل عقل الأستاذ بعقلي بس يوم الإمتحان ..لكن مايصير ..
ودخلت أم حارب قاعة الامتحان "يالله إن شالله يطلع شي من هالعقل التعبان..رب اشرح لى صدرى ويسر لى أمرى واحلل عقدة من لسانى يفقهوا قولى ..يالله بسم الله نبدأ"

..ذكرت اقتراح أختي ..يوم قالت ليش ما تكتبين عن استئجار العقول ..وطلعت جذي الفكرة
شو رايكم لو صج يصير نستأجر عقل حد ..وناااسة صح ^^

هناك 22 تعليقًا:

  1. والاخ انشتاين ليش مايعطيج عقله خو فطس خل احد يستفيد منه خخخ..

    اهو التبرع بالاعضاء ياثر ع الشخصيه فمابالج العقل طبعا انا مو معاه هالشي بتاتا..

    ومشكوره..

    ردحذف
  2. صبـاح الخير

    ههههههه ... بصراحة بوست رآئـعة جداً

    =)

    أستمتعت بقراءة ما خططتي حقاً

    - ما توقعت أنشتاين بالهبخل p:

    اممم تصدقي أني مثلك دايم أفكر ..

    يعني دايم في وقت الاختبار , أتمنى أن أقدر آخذ عقل الدكتور .. !

    مثل ما قلتِ .. خوو أحنا ما بناخذه طول العمر
    بس ساعتين وراح نرجعه ^^

    بس لو كان هذا الشيء مقدور عليه , ما اتوقع أني
    راح أوافق ..

    مجرد تخيلآت هي في النهاية ..

    شكـراً لأنكِ أمتعتني غاليتي ..

    أرق التحـايا لقلبكِ

    :)

    ردحذف
  3. لووووووووووول
    عجبني الحوار وحتي الفكرة
    افكارج خياااالية كوميدية :p
    ايبااااااااه لو تصير والله وناااااسه
    ذكرتيني بالامتحانات ما بقي شي عليهم

    وااااي الله يعينا:(

    الله يوفقج ويسهل عليج
    :)

    ردحذف
  4. حلووة ;)

    بس شفيه انيشتاين طلع لبناني؟ D;

    حلوة الفكرة .. بس لوقت الحاجة فقط وفي حال الاختبارات التعجيزية
    لأن مافي أحلى من ان كل واحد عنده عقله وتفكيره الخاص فيه ;)

    ردحذف
  5. ههههههههههه

    ضحكتيني...لاااااا ما اريد عقل أي استاذ

    اذا أخذت عقله ححرمه من الضحك و العصبية على ورقتي لمن يشوف الاخطاء لووول

    دمت بود

    ردحذف
  6. السلام عليكم ...
    موضوعج وايد مهم الصراحه
    .......
    ساعتين
    بس تصدقين ما أفكر فيه مافي حد كامل
    وأدري لو أي شخص خذ عقل شخص ثاني مجرد ثواني
    بيرده بأسرع وقت لأن العقول مش مثل ما نحن نتخيلها
    والإنسان فضولي بطبعه بيهد الشي إلي ماخذ عقل الشخص عشانه وبينبش بإلي ماله فايده منه غير الحش والتدخل بخصوصيات الغير
    إستإجار العقول حالها حال أي شي موجود عندنا
    تقدرين تقولي شرات هبت البلاك بيري
    صح فيه ناس فادهم بس أيضا وجد أن الأغلب لم يفدهم بل والبعض سبب إلهم ضرر..
    متى بنتعلم إنا نشغل العقول الموجوده
    لأنها بمجرد ما تخطأ تتعلم وتطمح وتبتكر حلول
    ومتى بنقول كفايه هجرة عقول وكفايه تأجير عقول
    ....
    الله يوفقج الغاليه في إمتحاناتج ...
    وعقل ام حرووب مايحتاي يستلف من حد ...
    ....
    في حفظ الله

    ردحذف
  7. هههههههههههههههههه
    حليلج والله ..
    أكيد الصيفي فر مخج <<<
    (; ما أغايض موليه

    تبين عقلي مستعده أعطيج ياه..
    ترى كانوا يسموني أنشتاين فالمدرسه


    يسلمونيشن ع البووست الغااوي

    ردحذف
  8. أم حروبي
    ممكن تخطفين على مدونتي يوم تفضين
    وشكرا لوقتكِ

    ردحذف
  9. طرح جميل و أسلوب حلو ..
    و احببت الاسلوب الممزوج بالفكاهه ..
    و موضوع يثير فضول الجميع ..
    ولكن عندي قناعه ..
    ان عقل كل شخص فينا .. يمكنه ان يصنع المعجزات .. بدون الاستعانه بعقل غيره ..
    ان استخدمه بشكل صحيح ..
    تسلمييين خيتووووووو ^_^

    ردحذف
  10. ليش ما نقول.... كان زين نكتسب خبرات البعض..
    اسهل..و ممكنة اكثر..و مو مستحيل :)

    بالتوفيق و الله يسهل لك كل صعب
    شدي حيلك و الباقي على الله

    تحياتي

    ردحذف
  11. السلام عليكم ..

    الصراحة عيبتني سالفة إستأجار العقول، لكن تدرين يا أم حروبي لو تم إستأجار العقوول أحس بيخترب العالم .. و أولهم أنا أبا أستأجر عقل هتلر لوول .. !! بدمر العالم خخخخخخ ..

    و يالله موفقه إنشاء الله .. و الله ينجحج ..
    على فكرة عقب ما تتخرجين بتقوولين معقوله هالكثر ما كنت أفهم أسأل المسائل بتستغربين اللي كنتي تشووفينه صعب يستوي تافه ...

    ردحذف
  12. السلام عليكم ورحمة الله و بركاته
    اولاً ما شاء الله مدونتك حلوة ^^ اهنيك مبدعة
    ثانياً لووووووووووووووووول عنجد اينشتاين بخيل ^^ هاي طبيعة مع كل طالب ملل و زهق و دراسة و مخ تعبان و ضغوط نفسية علشان الامتحان ^^ و يوم الامتحان بتنحول بالورقة ^^ مودتي

    ردحذف
  13. رورو
    اي واايد يأثر على الشخصية بعدين تصيرين اينشتين 2

    هههه

    تسلمين ^^
    -----------------
    Penseldom
    شفتي عاد بخيل بالدجات وحتى بعقله !
    صح نحن نفكر هالشي لكن في بعض الأحلام حلوه بس لما تكون أحلام ..ومو مقبولة حقيقة
    مشكورة^^

    ردحذف
  14. البطة
    حياااج الله في مدونتي ^^
    سعيده انها عجبتج والله يوفقج فامتحاناتج ان شالله
    مشكوره على المرور
    ------------
    Book mark
    شكله امه لبنانية ومن عصب طلع العرج خخخ
    احس حتى لو حصلنا عقله ما بنعرف كيف نستخدمه ^^
    مشكووره غاليتي ^^

    ردحذف
  15. قطرة وفا
    هههه صدقج نحن دايما المدرسات يقولون لما نشوف اوراق امتحاناتكم خخخخ
    الله يسعدج وحياج الله في مدونتي ^^
    --------------------
    نهار
    صدق الناس ماتعرف شي اسمه لاتتدخل في خصوصيات الغير وماتعرف شلون تحسن استخدام الاشيا
    نحن عقولنا جاسها صدأ ماقامت تشتغل من كثر المشتتات والله ..والبلاك بيري هذا مول مو بالعتنه الكل يقولي اشتريه احس مابينفعني ^^
    مشكوووره حبيبتي ونورتي المدونة

    ردحذف
  16. سمو الأميرة
    حنااام عليييج ..تغايضيني اوك بنشوف منو بيغايض الثاني ملا أخلص لووول ..
    طلعتي بنت أينشتين عيل ها !خخخ
    تسلمين على المرور ..إجازة سعيدة ومفيدة للأطفال هع

    ردحذف
  17. brown sugar
    حلو الاسم عجبني ^^
    نحن بداخلنا طاقة وأفكار عجييبة بس مثل ماقلتي مافينا ثقة بأنفسنا انا نحن نقدر نسوي أشيا عظيمة
    ومشكوووووره وتسلمين على المرور ^^
     

    ردحذف
  18. جنون عاقل
    بصراحة أنا لما فكرت فيها ترى الفكرة مو مستحيلة ..وإذا دخلت براس واحد بتصير..يعني ممكن يركبون وايرات وتوصيلات معينة بين الشخصين بحيث أنه أفكار واحد منهم تنتقل للثاني ..فهو موضوع مقدور عليه بس يباله مخ نظيف يسويه ^^
    (اللي بيسوي هالاختراع ..يسجل الفكرة باسم انزييين خخخ مدونتي شاهدة لووول^^)
    مشكور على المرور والله يوفقنا أجمعين ان شالله ^^

    ردحذف
  19. AM.SA.CHANNEL
    الله هتلر..يعجبني هالانسان ..تدرين شقد فريت المكاتب للي بالامارات بس عشان اشتري كتاب لقصة حياته أبي أعرف شو كان يفكر..شوفي اذا انتي صرتي هتلر أنا بصير ايدج اليمين ..ومعا نحو عالم ملئ بالشر خخخخخ
    ..أصلا أي مسألة تعقدني بعدين أعرف حلها اقول ويييه كيف مافكرت جذيه

    مشكووره على مرورج ^^

    ردحذف
  20. آلاء العساف
    أولا نورتي مدونتي بمرورج الأول ..وتسلمين هذا من ذوقج ربي يحفظج
    و هيه مافي حد ما تمنى هالأمنية في قلبه في يوم من الأيام الا اينشتين طبعا خخخخ
    حياج الله دايما ^^

    ردحذف
  21. ههههههههههههههههههههه ما أتخيل و الله ..

    أنا قاريه قصة حياته، بدور الكتاب و بقووولج إسمه .. قصته وايد غامضه و غريبه شوي ...

    ردحذف
  22. حصلت كتابه قصة حياته بالانجليزي ..بس مافي مانع دامج قاريه عنه خبريني اسم الكتاب اذا حلو بشتريه ^^
    هو بكبره غامض وهالحلو فيه ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25