يااااااه من زمان عنكم ..تولهت عليكم أول شي السلام عليكم ورحمة الله وبركاته
شو أقول ..آآآآآآآآآآآآآآآآآآآآآآه تعرفون لما تيلسون على شي تبون تخلصونه
ولما تخلصونه وتحسون كنه صخرة وانزاحت من ظهركم وتقولون آآآه من قلب قلبكم
كنها روحكم بتطلع من الراحة ..أنا جذي ..أسبوعين كانوا متعبين من الخاطر
الصيفي متعب صج مع أنه بس مساقين لكن أثقل على النفس من الفصل العادي
عاد أنا الأسبوع اللي طاف كنت محدده كمية معينة أذاكرها في نهاية الأسبوع..وتكاسلت ومادرست وكله على المدونة وكنت معصبة من نفسي وايد فقلت لنفسي"خلاص شكلج قاضية ..ماتبين تدرسين ..عقابا لج ماشي لابتوب هالأسبوع ..وماشي مدونة ..وتم إعلان حظر تجول في النت "
وأنا لامن حطيت شي فراسي ومصرة عليه أسويه..وبما إني كنت معصبة حدي طبقت ..رغم إنه اللابتوب أسمعه يصيح "افتحيني ..افتحيني ..ومرة فتحته على أساس بطالع موقع الجامعة (عذر أقبح من ذنب خخخ)..وسبحان ربي فتحته ومامداني أفتح صفحة النت سكر لأنه مافي بطارية ..فقلت أحسن ..يمكن تقولون شفناج علقتي على مدونة فلانة ومدونة علان ..بقول"خخخ هيه ..بعيدا عن أعين الرقيب كنت أدخل من الفون بس مودايما يصير أعلق..بس كنت أقرا المواضيع وأبي أعلق ><"واليوم انفتح الحظر وقلت أسلم عليكم ..
أحس صج كرهت الكتاب شوفوا شكله يخرع صح !
وهذا متنه ..!!
21.5×25×4.5=2418.75 سم مكعب >>هذا حجمه ..وايد متأثرة بالرياضيات.. متفيجة صح أحسب الحجم خخخ
مرة ربيعتي شافتني شايلته ..جان تقول "شوها..ويي أعوذ بالله بعيد بعيد "..ههه ضحكتني
المهم اليوم امتحنت والحمدلله كان الإمتحان أحلى من المتوقع ولكن الله العالم شو من تأليف ألفت فيه خخخخ إن شالله أكون حليت عدل
***
أما أمس كان فحص السواقة ..عاد أخوي يقولي سواقتج زينة بس لا تتوترين ..هههه ما أتوتر قال >>خير إن شالله (6,6)
وأنا كنت آخر وحدة ..وأشوف اللي تقيم و هي تزف أول وحدة ..قلت"اللـــــــــــــــــه يعين!! "..ويا دوري وأنا أسوق ريلي ا ليسار ترتقل ..عاد أخس شي يوم أتوتر ..كرهت حياتي بس لفة ودوار ورديت ..
وشوي ويعطونا النتيجة أنا شفت الورقة وأطالع أبوي وأضحك ..قال"شو النتيجة؟؟"..قلت "هههههه راسبة!"بابتسامة عرييضة
شوفوا شلون كاتبين "راسبة " بكل حب !
***
ودمتم سالمين ^^
أكره الكالكوس ماحبه ومافهمه. والله يوفقج يارب ويسهل عليج أمورج والصيفي المتعب. حبيت لما قلتي حطولج راسبة بحب خخخ .. عاد انا كل شي حلو عندي إلا إذا شفت احد يصرخ علي وقت اختبارات مثل هالنوعية ما أركز وأتوتر زيادة. ماعليه تعوضينها ان شالله
ردحذفالكالكلس .. حلو , ممتع , أستمتع فيه جدا
ردحذفعادي عادي .. تعيدين الفحص وتنجحين ان شاء الله^^
أنا ضعيفة جدا جدام النت وبلوجي وبلوجاتكم .. حتى اذا عندي امتحان صعب وطوييل أدش بأقوات البريك .. لان إذا حرمت نفسي.. راح أنفجع فأقعد بعدين بالساعات وانسى عمري أو إني أفقد المتعة
وطبعا ما أبي يصيرلي لا هذا ولا هذا
^^
she is me
ما اقول الا الله يعينج
ردحذفوالله الله مالستغفار
صدقسنس يخبسج وحده ثانيه ,, وتمشي امورج ^_^
دحوم كان هنا
أول شي عفيه عليج زين سويتي لما اتخذتي قرارج علشان تنجزين وتبتعدين عن الملهيات << الفال لي يارب
ردحذفوالله يعينج على دراسة الكالكلس :)
وعلى اختبار السواقه لووووووول ضحكتيني والله بس يلا ماعليه خيره وهاردلك :)
أهلاً وسهلاً خيتو
ردحذفمنور النت
الكلكولس>> ذكريات سابقة حلوة ومرة
أما بالنسبة للسياقة، خيرها في غيرها
يلا استمعي بوقتك
دمتي بألف خير
^_^ ^_^
الله يعينج مع الصيفي <<< الحال من بعضووووا
ردحذفاما ع راسبه بالسواقه انا مره سمعت انكم حيل متشددين بسالفة الرخصة يعني بطلعت الروحة تاخذون رخصة السواقه , العكس عندنا بس انا افضل طريقتكم ..
يالله تدربي عدل عشان تنجحين المره اليايه :)
يعطيج العافية
ههههههههه
ردحذفوالله انج تحفه
اتخيل نفسي اسوي تراي سواقه وييي صدق بكون راسبه بجدااره
يالله ما عليه.. ان شاء الله تنجحين المره اليايه و تفرحينااا بالليسن
تعالي صح كتابكم يشبه كتابنا بس الغلاف غير خخخخخ
موفقه خيتوو و إلى الامام ^.*
ولهنا عليج..
ردحذفوي كتابكم مرعب الله يعينكم وحجمه وايد صغير هذا صيفي وحذي شلون لو كورس عادي..
عموما سهالات ان شاءالله وموفقه يارب..
اما الليسن اليايات احسن ..
الحمدلله ع السلاامة
ردحذفوولكم بااك
.........
لولللز ذكرتيني بعمري
كنت أمنع نفسي من اللاب والنت
طول الكورس الي طاف
.............
يالله بالتوفييييج في الليسن
ولو خذتيه
مري عليّ .. بنسير الكويت عند ماما رورو
(;
خخخ ماتنلام صديقتك يوم شافت الكتاب من جد مرعب
ردحذفانا في وقت الاختبارات يجيني ادمان مو طبيعي على الانترنت ولازم احط لي وقت اقلها ساعه في يوم الاختبار عشان اقدر اركز في المذاكره
السواقه تعوضينها ان شاء الله
يلاا بالتوفييق يارب ...
ردحذفمن خاطره كاتب راسبه هع
قلم ومساحة
ردحذفان شالله امين
الرياضيات سهل وحلو واحبه لكن مجرد كلمة امتحان تغث وتخوف..ولا انا احب الرياضيات
هيه والله ماحب حد يصارخ فيني ..اكيد برسب جذي يوترون حدهم ..
حياك الله ^^
she is me
ردحذفاي حلو احبه ..بس تكرهين حياتج لما يكون عندج ضغط
ان شالله بعديها
..من فترة وايد متكاسلة ..فكان لازم اكون حازمة شوي
وصج عاقبت نفسي بس لينت عليها يعني ادخل من الفون اقرا بس ماعلق ^^
تحيتي~
عبدالرحمن
ردحذفالله يعين الجميع ..امين
مافهمت على الرمسة السعودية ؟؟
حياك الله أخوي دحوم ^^
المهندسة
ردحذفاي الواحد لازم يكون شديد احيانا على نفسه
..ان شالله خير يارب واعدي المساق بامتياز اذا الله راد
..والسواقة ..طلعت من خاطري بس دام بديت لازم اخلص ^^
نورتي ~
مرحبا اخ موسى ^^
ردحذفشكرا شكرا
الحلو دراسته بس المر امتحاناته
ان شالله خير
حياك الله ~
البطة
ردحذفهيه الله يوفقنا جميعا يارب
اما على السواقة ..يمكن مادري ..
تسلمين حبيبتي~
مجرد نقطة
ردحذفمسويني نكتة في البيت ..بسبة السواقة خخخ
هيه كل الكتب تؤدي إلى الدراسة ^^
تحيتي~
عموتي رورو
ردحذفانا اكثر ^^
قصوا علي قالوا الصيفي اسهل طلع ثقيل ويغث ><
بس ان شالله الامور بتتيسر ما بقى شي
الله الموفق
تشكرات ^^
الله يسلمج اميرة
ردحذفسانكيوزات كثير
عاد قبل كنت اكره شي اسمه لابتوب الحين من دخلت الجامعة ..بس الحين صار متنفسي الوحيد..فكان لازم اقسى على روحي
هيه اكيد بمر عليج وبنخلي عمو رورو تحوطنا فالكويت وتدلينا عن نضيع خخخ
^^ حياج الله~
مبدعة
ردحذفهههه صدقج ييب الكوابيس خخ
ابليس اعوذ بالله منه يزين لنا المشتتات عشان م نذاكر ..الحمدلله هزمته هالمرة ^^
ان شالله
نورتي غاليتي^^
دلوعه
ردحذفقصدج من خاطرها هيه ..وحده قيمتني ..
ان شالله
حياج ~
السلام عليكم ورحمه الله و بركاته
ردحذفجمعـــــــــــــة مباركــــة
الله يوفقك في دراستك و يعينك على الفصل الصيفي ^^ و ان شاء الله المرة الجاية تنجحي في فحص السواقة ^^ مودتي
وعليكم السلام ورحمة الله وبركاته
ردحذفأمييين يارب..ويوفق الجميع إن شالله
جمعة طيبة ^^
موفقه إنشاء الله يارب ..
ردحذفو عن الكتاب ذكرتيني، مع إنه كتبتكم وايد أكبر عنا، بس أذكر كانوا حتى نحنا يوم يشوفوون كتبنا و بالذات مال الإعلام لول مساكين كانوا كله ملازم يزييغون يوم يشووفون كتب القانون ..
و عن السواقة يا أم حروووووبي .. عااااادي طوفي و الله أنا أحس الإمتحان كله حظ، أنا أذكر أول ما سقت ما غلطت إلا غلطه وحده رسبووني و في ثالث إمتحان نجحت مع إني كنت مغلطة واايد .. لوول ..
لوو إدربتي في دبي واايد متشددين ودي أصيح على كل رسووب لازم 8 كلاسات زيادة و تريي لين ما يطلع إسمج حق الإمتحان ..
AM.SA.CHANNEL
ردحذفهيه والله حتى كتب القانون تخوف ..يعني مايقدرون يقسمون الكتاب أنا ايدي شوي وبنتشلع من مكانها من كثر ماشيل هالكتاب ><
أما على السواقة ..صدقج أنا أشوف انه بعد حظ ..اللي يعجبهم ينجحونه خخخ
الله يوفق الجميع
مودتي~