هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الجمعة، 25 يونيو 2010

.,؛×~أم حروبي والرسم المعماري-الجزء الأول-1

-.،؛×~الأدوات~×؛،.-

السلام عليكم ورحمة الله وبركاته ..شخباركم يالربع خخخ
عساكم طيبيبن ..اليوم حابة أحوطكم شوي في تخصصي ألا وهو الهندسة المعمارية
وبخبركم شو ندرس ..الفصل اللي طاف كان عندي مساق تخصص ألا وهو الرسم المعماري وطبعا هذا شي أساسي لأن تخصصنا يعتمد كله على الرسم ..قلت بنزل صور عن اللي نرسمه ونتعلمه ..يعني أعيشكم الجو معاي ^^..ولأن الصور كثيرة فقلت بقسم الموضوع ..وأول قسم بيكون عن الأدوات ا للي نستخدمها ^^

قبل لا أبدا بقولكم شي صار أمس
الله يسلمكم يوم السبت اللي هو أمس ..كنت أذاكر مادة الثقافة الإسلامية لأن كان عندي امتحان نص الفصل ..وعاد مابقى لي غير عشر صفحات والساعة صارت تسع ونص بالليل إلا وتنقطع الكهربا في الفريج بكبره<<نحاسه><
المهم ..عاد أنا توهقت ><شو أسوي لازم أذاكر ..جان أطلع الحوي ..فعز هالحر ..وماسكة الكتاب وبيدي التلفون كل شوي أضويه عشان أشوف الكتاب وأقرأ ..كانت الحالة مآساوية حيل ..وانقطعت الكهربا ساعة ونص ..وأخبر ربيعتي وهي تضحك علي تقول منحوسه خخخ
ولما خلصت مذاكره على ضو الفون الفقير ردت الكهربا ..شفتوا كانوا ينطروني أخلص عشان يردونها ..زين مني كنت مذاكره من قبل ولاكان خبصت خخ

انزين الحين نبدا الجولة التعريفية ..

طبعا أول يوم حضرنا الكلاس..عطانا الأستاذ هاي الورقة ..فيها كل اللي لازم نييبه ..

أهم شي الشنطة مساحتها 52×71 سم ..أبوي يقولي الشنطة أكبر منج ..والله جتفي راحت فيها من كثر ماشيلها ..وعاد كل شي ولا لما يكون شي هوا ..أنا والشنطة نطير..تخيلوا شكلي كيف يضحك ><

والله يسلمكم هذي الأغراض اللي داخل الشنطة ..المساطر بكل الأحجام والأشكال ..اللي لونه أزرق يسمونه French curve بقولكم في شو نستخدمه بعدين ..وأطول مسطرة هاي حق الطاولة نسميها T-square لأنها على شكل تي ^^

هذا هو البورد اللي كنا نستخدمه طول الكورس ..بس يصير حق أوراق A3<<<حبيته ^^

طبعا تعرفون شو هذول..دفاتر ماركة كانسون حجم A3وA4..بالنسبة لي حلوين في الاستخدام لا ناعمين وايد ولا خشنين ..بعكس الأنواع الثانية

امممم هذول أوراق خرايط بعد ماركة كانسون..وييي ذكرت حصص الجفرافيا يوم نرسم خرايط..كرهي هالمادة <<ركزي يابنت
وتيي لكم الأوراق هذي على شكل دفتر أو رول ..طبعا مبين انه الرول مكيس (يديد خخخ)..بس استخدمت ورقتين طول الفصل ^^

هاااااااااي أحلى شي ..علبة الأدوات الصغنونة ..عن العبالة خذتلي واحد بدل ما كل قلم بصوب لووول

وهذي محتوياتها ..أقلام رصاص وحبربكل الأنواع..ومساحات ..اللي حذال المساحات اسمه erasing shield (لزوم الدلع) عشان نمسح الأخطاء الصغيرة ومانخرب الرسمة ..واللي لونه أزرق هاي برايه خاصة ..ولاحد يسألني ليش عندي 3 علب فرجار ..مرة توهقت بغيت فرجار الرسم بالحبر..وماعرف شو أخذ لميتهم كلهم خخخ..وأكيد بتسألون عن المخمة هاي عشان نمسح وصخ المساحة بعد (لزوم الدلع) ..ماقهرني في الصورة غير الميتر ><..كلما أبي أصور يتزحلق من الطاولة لأن الطاولة مايلة ..ويطلع برى الصورة

تحت المجهر خخخخ(0.0)..لو لاحظتوا في الصورة فوق شي علبة حمرا مربوطة بشباصة خخخخخ..الله يسلمكم داخل كتر أو مشرط
نستخدمه حق مسح الأغلاط الصغيرة اللي تصير من الرسم بالحبر ..عاد أنا من عرفت أستخدمه كل أشوي أغلط خخخخ

ومن بين المساطر هذي صديقتي العزيرة ..أحب هاي المسطرة..أهم وحدة بينهم ..لازم تكون معاي دوم..وليش شكلها جي ...مال هندسة لازم غير لوووول..طبعا هذا لأن بكل صوب شي مقياس رسم مختلف ^^..نسميها scale

وتادا خلصنا الدرس اليوم ...إن شالله تكونون استمتعوا بالجولة في رحاب الهندسة المعمارية ..إعذروني لانخفاض جودة التصوير ..وترقبوا الجولة الثانية ..وهي عبارة عن دروس الرسم ^^

ودمتم سالمين~

هناك 26 تعليقًا:

  1. جميلة اوي صورة البنوتة في اعلى المدونة

    شكل المدونة جميل

    ردحذف
  2. الهندسة المعمارية صعب ومو أي شخص بارع فيه، ف كونج إنتي ضمن هالتخصص ف عفية عليج والله والله يوفقج ان شالله.. عاد بالنسبة للمسطرة الي تحبينها اذكر كان عندي وحدة أيام المتوسط سنة 99 قديمة هالمسطرة لها ذكريات وياي.. ومشكلة عاد إذا انطفت الكهربا وقت الامتحانات انا لو منج ماكنت راح ادرس لأن الجو راح يكون مكهرب وحالتي حالة وماراح أركز.. والجنطة حدها كبيرة خخخ لازم الكلية مالتج يعطونج تعويض بدل أثقال! على نهاية الكورس تلقين جتف واحد فوق والثاني تحت.. خخخ :)

    ردحذف
  3. أهلين وسهلين بأم حروبي =)

    والله أني اشتقت لك ولمدونتك وايد وايد " أتكلم إماراتي ^^ "

    بصراحة أستمتع كثير بأي شيء تكتبينه ..

    :)

    واليوم أختيارك جميــل جداً .. خصوصاً أن الهندسه المعمارية كانت احد التخصصات اللي ودي أدرسها , لكن للأسف , ربي ما قدر لي ذلك .. وماقدرت أسجل .. " حتى أنا أعجبتني مسطارتك العزيزة , أدري ما تغلى علي ^^ "

    بأنتظار درسك الثاني ,, وأبداعاتك في الرسم ..

    أرق التحايا لكِ ..

    ردحذف
  4. السلام عليكم ,, ما شاء الله تخصص اهواه

    ولاكن سمعت انه تغير مع الوقت وصار

    عن طريق برامج بالكمبيوتر ؟

    وعندي سؤال اختي الفاضله

    انا اتمنى وابي ادش [هندسه ديكور]

    وماني عارف متردد ,, معنهم ناس ايدوني

    وناس يطنزون علي تهي تهي تهي

    ابي شورج فيه ,, وبعد وش مستقبلها الفتراضي

    علما اني في السعوديه وانتي امراتيه

    ما الحرج من اخذ معلومه مفيده ,, في النتضار

    ردحذف
  5. sharm
    مشكور هذا من ذوقك
    حياك الله ^^

    ردحذف
  6. قلم ومساحة
    اي صح مو سهلة ويبالها شغل والله يقدرني أكمل فيها باذن الله ..
    وين يعطون تعويض هم ياخذون ما يعطون خخخخ
    تحيتي~

    ردحذف
  7. penseldom
    يا هلا ومرحبا والله
    لايق عليج
    وي ليه كذا كثير علي << أتكلم سعودي
    مشكوره حبيبتي ..تولهت عليج ^^
    خلاص أنا بعطيج دروس ^^
    أفااا منو قال ما تغلى عليج ...الغالي يرخص لج ^^
    حياج الله غاليتي ^^

    ردحذف
  8. مرحبا أخ عبدالرحمن
    اي صح ..الحين الشغل كله راح يكون بالكمبيوتر والسنوات اللي جدام بنتخلى عن الدفتر والمسطر خلاص ><
     أما على هندسة الديكور فهو تخصص وايد حلو واحتمال أنا بعد اتخصص فيه (لأن دراسة الهندسة المعمارية مجال الشغل فيها اما تكون معماري أو مستشار هندسي أو مصمم ديكور )
    وأنا أقولك إذا حاب الشغلة فراح تبدع فيها ومااعليك من كلام غيرك لان هذا مستقبلك ..
    أما على مستقبل هندسة الديكور فهو
    كبير خصوصا في الخليج ويتوقعون انه يوصل معدل انفاق الخليجين على الديكور بحوالي 8 مليارات

    http://www.emaratalyoum.com/business/local/2010-05-29-1.249236

    يعني شغلك بيمشي ^^
    فأنا أقولك ارقد وآمن ^^
    وتوكل على الله
    اتمنى اني جاوبت على سؤالك :)

    ردحذف
  9. درس حلووووو ... تذكرت المدرسة :((

    ردحذف
  10. واي الكهربا تطفي باوقات خايسه بس الحمدالله قدرتي تحلين المشكله والاهم ماطولت وردت بسرعه..

    ووناسه وايد استفدت انا ماكنت اعرف الا المسطره الطويله ..

    وموفقه يارب..

    ردحذف
  11. و أخيرا قدرت أرد ..

    من أول ما نزلتي البوست و أنا أحاول أرد لكن ما يستوي جان أدخل من فاير فوكس و الله وايد أحسن من الإنترنت إكسبلورر ..

    و الله تخبلت على أغراضكم حلاتها الدراسة بأدواتها و الله .. و بالذات إذا كان عندكم عملي .. بس الله يعينكم أحس وااايد شغل ..

    و عن فرنج كيرف سألت ربيعتي و خبرتني عنها .. ما أقدر أتريا ..

    ردحذف
  12. وعليكم السلام
    مره من زمان ايام المدرسة صارت مثل سالفتج انطفت الكهربا بس الحمدلله قرار من الوزارة اجلوا لنا الامتحانات اذكر كنت ادرس ع الشمعة <<< ايام حلوه :)

    تخصصج حلو والله يوفقج ان شاء الله ,, والله يعينج ع الجنطه

    يعطيج العافية

    ردحذف
  13. حوستكم واايد
    يا حليلنا احنا مهندسين الكمبيوتر .. كمبيوتر وعن الحلال والحرام فلاش ميموري وخلصت وملصت^^
    أستانس لمن أتعلم شغلات يديدة
    بانتظارج عزسزتي

    she is me

    ردحذف
  14. قطرة وفا
    مشكوره ^^
    وحياج الله

    ردحذف
  15. هلا رورو
    هيه والله كان وقت حرج الصراحة
    اميين
    حياج الله ~

    ردحذف
  16. والله انا مادري شو فاير فوكس ولا اكسبلولر انا استخدم غوغل جوم وايد مريحني ^^
    هو حلو انه الدراسه عملية لكن تعب من القلب وما تنامين بالايام ><
    حياج الله ^^

    ردحذف
  17. البطة
    ويي جان زين يأجلون ..هذا في المدرسة ها الدلع بس في الجامعة لو تموتين ما بيأجلون خخخ
    امييين ..ربي يعافيج
    وحياج الله

    ردحذف
  18. she is me
    هي والله معبلينا وايد ..عاد انا يالله استخدما الفلاش ميموري ..في الضرورة القصوى بس ^^

    تحيتي~

    ردحذف
  19. ضحكتيني على انقطاع الكهرباء .. عندنا وعندكم خير :))

    أنا أمس كنت بالسيارة مع رفيجتي ووقفنا عند مطعم طلبنا ساندويشات وقعدنا ننطره بالسيارة .. بعد نص ساعة تقريباً والا تطفي الكهربا عن العمارة كلها اللي فيها مطعم .. تخيلي قمنا نحاتي أكلنا هههه بس أشوه كان المعلم :)) طالع يسلم لنا الطلب قبل لا تطفي الكهربا بثواني!!


    وعلى تخصص الهندسة المعمارية أنا أشوفه وايد حلو وممتع بعكس تخصصي "هندسة كهربائية" :))

    ردحذف
  20. مدونه رائعه جدا
    بالتوفيق في رحلتك مع الهندسه المعماريه
    تقبلي مروري ياباش مهندسه

    ردحذف
  21. engineer
    حظك حلو ^^
    زين خلص قبل لاتنقطع عنكم خخ
    المعمارية بالنسبة لي اقرب شي للي أحبه وهو الرسم ^^

    تحيتي~

    ردحذف
  22. السيف
    آمين ان شالله أجمعين
    شاكره لك مرورك الطيب
    نورت
    وحياك الله ~

    ردحذف
  23. ذكرتيني في اللي مضى .. ترى انه تخصصي معماري :) اي شي تبين تسالينه حاظريييين ..

    ردحذف
  24. بدون تعليق ^^
    تسلم ما تقصر ..زين حصلت حد أسأله ^^
    حياك الله ~

    ردحذف
  25. مرحبااا أم حرووبي

    الله كشخه الأدواااات

    خلااص أنا غرت بحط ادوات الصيدله
    لووولز


    و بووست حلوو استمتعت فيه ..
    ومادة الثقافه الإسلامية كلها حفظ
    خذتها الكورس اللي طاف
    و وفي يوم الفاينل كان عندي مادة تخصص و ثقافه في نفس اليوم
    بس الحمدلله قدمت أوكيه ويبت A
    عقبااالج إن شاء الله


    --------

    ثانكس ألووت بنت خااالي ع البووست الغاوي
    (;

    ردحذف
  26. الله يجزاكي خير واصلي واحنا معاكي

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25