هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الثلاثاء، 27 يوليو 2010

.,؛×~رسماااتي بالفحم

السلام عليكم جمييعا..اممم بما إني أحب الرسم والحمدلله الله أنعم علي بايدين حلوين فنانات بالرسم خخخ فاليوم حبيت أراويكم بعض من رسماتي بالفحم ...ممم أخبركم شي أنا من النوع لما أشوف صورة تعجبني أحب أرسمها وهني حطيت الصور ورسمي لها تقدرون تقارنون طبعا راح يبين إني أحيانا أغير الرسمة على مزاجي والدليل أول رسمة ..خل نبدأ باسم الله ..


الله يسلمكم هذي أساسا كانت صورة لبنوتة صغيرونة في الجريدة أنا رسمتها ومادري شلون لعبت يمين يسار جان تكبر خخخخخ وهاللي طلع معاي ..وطبعا لاحد يعلق على إيديها مادري شلون طلعوا معوقين هههه

وهذي الوردة كانت أول تجاربي في الرسم بالفحم وحبيتها الصراحة (^^)وعقبها الصورة الأصلية ..
الأصلية

اممم هالرسمة مادري شو قصتها ..بكبرها أسود في أسود ..لو تلاحظون البنت اللي بالصورة الأصلية لابسة بنطلون أنا لبستها تنورة خخخ
بكبرها الرسمة شخابيط عشان الغيوم
وهذي الأصلية ..يللا طلعوا الفروق العشرين ههههه
امممم وهاي رسمة ثانية ..تعتبر الرسمة مو كاملة لأني ما سويت الظلال ..أو بالأحرى سويتهم لكن مع الأيام الفحم يروح كل مرة أعيد اسويهم ويروح ..مايتم واايد ..يعني هالولد كم مرة حاولت أغمج الجاكيت ماله ويرد يفتح
الأصلية
وهذي الرسمة ..حدث ولاحرج ..أكرهها ..مادري شو حادني أرسم أم كشة هذي ..لا شعرها يضبط وعيونها وحده أكبر من الثانية خخخ شكلها جايسنها رمد خخ..السبب إن الفحم كان يلون العين كامل ..بمسحة وحدة الرسمة بكبرها تخترب
وهذي أم كشة ..
وأما هاي ..فالخلفية بس رسمتها من صورة ..أما اليهال فأنا رسمتهم من خيالي ..حبيتها ..بس حاولت ألونها واخربت وبالتالي تعلمت إن الرسم بالفحم يكون بس بالفحم ..بدون إضافة الوان ^^)..لاحظوا الولد اللوتي يالس يلعب صوب البنات ..حركات أولاد خخخخخخخ
وهذي الخلفية ..
وأخيييييييييييييييييييييييرا ..خليت the best for the last ..بما إني أعشق شي إسمه خيل ..فهذي تعتبر أحلى وأحب رسماتي ..ووايدين بغوا ياخذونها ..قلتلهم لا وألف لا ..وهاي ما رسمتها عن صورة ..لأني أحب الخيل كنت أبي أتعلم أرسم ودخلت النت وكان شي دروس لرسم الخيل وطبقتها ..وهذي النتيجة ^^..في رسمة ثانية والخيل تركض بس نسيت أصورها ..فبراويها لكم في تدوينة ثانية..شو رايكم ..مو أحلى رسمة !!

وجذي ..يكون معرض فن الرسم بالفحم قد إنتهى ..من زمان ما رسمت لا بالفحم ولا بالألوان المائية بخاطري أرسم ..وهذي الرسمات من زمان راسمتنها ...
ودمتم سالمين ~ِ

هناك 46 تعليقًا:

  1. وعليكم السلام ورحمة الله وبركاته

    ماشاء الله سوماتج جميله جدا
    أبدعتي في الرسم أتمني لج مزيد من التميز والأبداع
    في الرسم وفي مدونتج :)

    أخوج الركازي: النور القريب

    ردحذف
  2. ماشالله عليج

    حلو شغلج عاد لا تنسين كل ما ترسمين شي يديد حطيه خنشوفه

    الرسمات كلهم حلوين و ماشالله عليج تضبطين الملامح صج في أشياء بس مع الوقت تضبطينهم

    تحياتي

    ردحذف
  3. ماشاء الله عليييج وين مخبية هالإبدااع

    كشخه الرسماات ما شاء الله

    :( وفيه رسومات ما ظهرت لي
    ما اعرف ليش

    الممارسة بتحولج من هاويه إلى محترفه إن شاء الله


    أرق التحايا :)

    وهيه صح قبل لا أنسى ...
    لعبة السيرة النبوية
    حصلتها في مكتبة دبي للتوزيع
    :)

    ردحذف
  4. عودة بعد ما ظهرت الصور ...
    ما شاء الله
    رسمة الخييييل فنتك
    عجييييييييييب
    ما شاء الله علييج

    انا أعشق الخيوول شرااتج
    والرسمه ما عليييها كلاام

    ردحذف
  5. ماشاءالله رسمج حلو

    ردحذف
  6. WOOOOW
    like it !!
    ماشالله علييييج استمري على هالابداع
    كلهم عجبوووني :)
    بعطيج صورتي ترسمينها p;

    ردحذف
  7. وعليكم السلام
    ما شاء الله عليج يا ام حروبي فنااااانه
    ورسماتج رووعة حبيتهم خاصة 3 لوحة وايد
    حبيتها .. دام عندج الموهبه حاولي اطورينها
    لا تضيعينها من ايدج واصلا انتي ما يبيلج
    غير شويته تمكنين ايدج بالضبط الشي ..

    الله يوفقج ان شاءالله :)

    ردحذف
  8. ماشالله تسلم يمينج ,
    موهبه الله يحفظج ,, تقليدج عدل و ضابط ..
    أكثر شي عجبني الوردة .. روووعه ,

    حلو تطورين أكثر من هالمهاره , و تدخلين فيها معارض,,
    أو تسوين معارض خيريه فيها ..

    = )

    ردحذف
  9. مساء الخير

    ما شاء الله عليج تبارك الرحمن فنانه
    رسمج وايد حلو ما شاء الله
    انا حتى ياهل بالروضه يرسم احسن مني $=

    موفقة يا رب

    ردحذف
  10. مرام ^^ مشكوووره
    حياج الله ^^

    ردحذف
  11. أخوي النور القريب
    أولا نورت المدونة بوجودك^^
    تسلم والله ومشكور
    إن شالله
    حيااك الله ~

    ردحذف
  12. مرحبا كتكوته ^^
    إن شالله هو أنا من زمان مارسمت بس إذا رسمت شي يديد بحطه من عيوني ^^
    مشكووره تسلمين لي والله ^^
    لك أجمل تحية ^^

    ردحذف
  13. مرحبااا سمو الأميرة ^^
    إن شالله أحاول كل ما أفضى أرسم شي ^^
    اي الخيل ماعليها كلام احلى شي حتى لي ^^
    إن شالله متى مارحت المكتبة باخذها يبيله

    أحلى تحية لج ~

    ردحذف
  14. منار
    تسلمين والله
    مشكوره
    حياج الله ^^

    ردحذف
  15. هااااي كوكو
    ^^
    مشكوره تسلمين والله
    اممم اخاف تكرهين روحج لي رسمتج خخ ماتشوفين ام كشة شلون رسمتها ماضبط الويوه وايد 66 بس نجرب
    أن شالله
    وحياج الله ^^

    ردحذف
  16. هلا البطة
    مشكووره تسلمين والله
    إن شالله مستمرة
    أخجلتيني ^^
    ويوفق الجميع إن شالله ^^
    حيااج الله دايما ~

    ردحذف
  17. هلا والله وجدان
    تسلمين لي أكثر يارب
    ربي يحفظج إن شالله الورد للورد ^^
    إن شالله أحصل فرصة وأشارك في معارض يارب
    حياج الله نورتيني ~

    ردحذف
  18. مسا الأنوار أمل ^^
    تسلمين ..مشكوره
    افاا ليش جذي ..لااتقولين جذي ترى بالتدريب كل شي يصير ^^
    من زمااان عنج ووينج مختفية ^^
    ربي يوفقنا أجمعين
    حيااج الله ^^

    ردحذف
  19. وااااااااااااااو عجييييييييييييييييييييييب


    لووول بس البنيه مو ضابطتها عدل


    بس ينن ماشالله تبارك الله ابداااع

    ردحذف
  20. ماشاءالله كل يوم نكتشف موهبه عندج..

    الله يوفقج يارب..

    واستمري وبتبدعين اكثر ان شاءالله..

    ردحذف
  21. روعة روعة ماشالله
    رسمج حيل دقيق وما يوصل حق رسوماتي شي
    اصلا انا الي اسويه خرابيط وخربشات
    حيل عجبتني اول صورة..
    اصلاً كلهم حلوين!
    تسلم ايدج.. >> ومو مجاملة جد جد حلوين الرسمات وعجبوني يا الرسامة

    ردحذف
  22. مـرحبا اخيتي ام حروبي ..

    ما شاء الله رسماتج واااااااايد حلوين ..

    هم انا احب الرسم واعشقة بعد ..

    بس المشكلة مافي وقت ارسم ..

    عندي لي الحين رسمات الثنوية لان كانت هالمادة اساسية ..

    ^_^

    ردحذف
  23. ماشالله اختي .. موهبتج واضحه بس يبيلج بعد حبتين ممارسه و تصير رسوماتج احلى و احلى ..

    بس لاحظت ان عندج مشكله مع استخدام الفحم و ان يروح بسرعه و مع الوقت ..
    انصحج تشترين مثبت للفحم .. هو مثل رشاش تلاقينه بأي مكان يبيع ادوات الرسم ..
    كل ماتخلصين مرحله من مراحل اللوحه رشي شوي راح يثبت الفحم و بعدها تقدرين تكملين عليه بدون ماتخربين شي سويتيه .. و راح يحفظلج الرسمه لأطول وقت ممكن ..

    و اذا حابه تضيفين الوان بالرسمه .. فالفحم الملون متواجد ترا .. تقدرين تضيفين لمسات بسيطه فيه .. او ترسمين الرسمه كلها بفحم ملوّن =)
    و بدون ماتخترب الرسمه ..


    :

    الرسم بالفحم يستهويني .. كثيرا ..
    شكرا لكِ و سلِمت أناملكِ ..
    إلى الامام دائما .. =)

    ردحذف
  24. السلام عليكم ورحمة الله و بركاته
    ما شاء الله عليكِ رسمات بتجنن خاصة الوردة و الخيل يعني كلهم حلوين بس انا متلك بحب صور الخيل كتير

    ننتظر ابداعاتك التانية موفقة يا قمر 3>

    ردحذف
  25. ماشاءالله عليك
    رسمآتك مررررره جنان

    حبيت الصور 2 - 3 -6 اكثثثثثر ششي

    استمري واستمري وان شاءالله ترسمين من مخيلتك بدل الصور

    الله يحفظ هالديآت ^_*

    ردحذف
  26. وااو
    قايلتلج فنااانة ;)
    ماشاءالله
    ورسمة الحصان حدها عجييبة

    انا ودي أتعلم الرسم بس لاتشوفين رسمي
    ماكو شي مضبوط وكل عين اكبر من الثانية
    كل قياساتي خربوطة

    تسلم ايدج ^_^

    ردحذف
  27. ما شاء الله رووووعة
    وبلوقج أروع :)
    أكثر رسمة حبيتها إهيا الوردة
    الله يعطيج العافية وإن شاء الله من إبداع لي إبداع:)
    يسعدني إني أكون من متابعين بلوقج وأضيفه مع قائمة البلوقات اللي حبيتهم في بلوقي

    تحياتي :)

    ردحذف
  28. Unique Girl
    هههه اي عينها محولة ^^
    يمكن لاني كرهتها خربت الرسمة
    تسلمين مشكورة ^^
    حياج الله ~

    ردحذف
  29. هلا رورو
    هيه جفتي عاد وفي جعتي الكثير ^^
    أمييين
    إن شالله ومشكوره
    حياج الله ~

    ردحذف
  30. هلا قلم ومساحة
    أخجلت تواضعي لوول ^^
    بالممارسة كل شي يصير لا تقول جي
    مشكور وحياك الله ~

    ردحذف
  31. مرحبتين فدك المطيري
    مشكوره تسلمين حبيبتي
    اي حتى أنا هذي رسماتي من زمان راسمتنهم
    حطي رسماتج ودي اشوفهم ^^
    نورتي ~

    ردحذف
  32. لافندر
    مرحبا بحضورج الاول في مدونتي ..نورتي ^^
    اي أدري يبالي امرن ايدي شويتين بعد
    اول مرة ادري انه شي مثبت فحم لو أدري جان شريته لانه صج اعاني كل ماارسم ارد اشوف الفحم خف لونه
    وفحم الوان يمكن مار علي ماذكر بس بشتريه ..انا احب الرسمات بالاسود والابيض بس يكون عليها مسحة لون ..اذا حصلت بشتري

    مشكوووره وايد على تعليقج ..وايد استانست عليه
    ومشكوره اكثر على النصايح ^^
    تسلمين لي أكثر ^^
    لا تقطعين ^^

    ردحذف
  33. وعليكم السلام ورحمة الله وبركاته أختي آلاء
    أهلين فيج في مدونتي ^^
    الخيل والورد جو في المقدمة من بين أكثر الرسمات تفضيلا ^^
    اي الخيييل أموت عليه ^^
    إن شالله ..انتي القمر يا قمر ^^
    مشكوره وحياج الله ~

    ردحذف
  34. مرحباا أحلام
    ^^ مشكوووره
    تدرين ماتوقعت حد بيحب الرسمة 3 بس الظاهر طلع فيه ^^
    إن شالله ودي والله أرسم من بالي ..بس مشكلة التفاصيل ^^
    ويحفظج لنا يارب ^^
    تسلمين وحياج الله ~

    ردحذف
  35. BookMark
    اهلا وسهلا
    ههه جان استحي (^^")
    الحصان لا يعلى عليه ^^
    والله بالتدريب بتصيرين احسن عني بعد ..شوفي رسماتي مال اول البدايات ^^ هذا بصوب وذاك بصوب
    مشكووره حبيبتي
    تسلمين لي أكثر
    حياج الله دايما ~

    ردحذف
  36. مرحبااا أمواج ..نورتي مدونتي المتواضعة ^^
    بصراحة اخجلتيني وااايد ماعرف شو أقول
    إنتي الأروع ^^
    ويسعدني إنج تكونين من متابعي وونسني تعليقج
    الله يحفظج يارب
    أحلى تحية لج ^^
    حيااج الله دايما ~

    ردحذف
  37. الأخت الفاضلة :: أم حروبي ::
    مرحبا وأهلا وسهلا

    الصراحة ..

    تملكين ذوقًا رفيعًا ومهارة بارعة في الرسم ..

    متألقة .. بأحرفك وريشتك

    أطيب وأصدق الأمنيات

    ردحذف
  38. أخي محمد
    مرحبتين واهلين وسهلين ^^
    شكراااا على كلامك الطيب ^^
    لك أعطر تحية ..
    حياك الله ~

    ردحذف
  39. السلام عليكم..
    ماشاء الله تبارك الله وايد حلوين عيبتني الصوره إلي فيها الورده وإلي غيرتي البنت وخليتيها تلبس تنوره ماشاء الله تصلح لروايه ...
    وعيبتني التراثيه وشويايبنه الصبي حذال البنات ها ماعندنا هالسوالف منقود..
    ....
    تسلم إيدج ..
    في أمان الله

    ردحذف
  40. وعليكم السلام ورحمة الله وبركاته نهار ^^
    هههه أحلى عليها التنورة صح !!
    شفتي عاااد الولد ماحلاله اللعب إلا صوب البنيات

    يسلملي قلبج ..الله يحفظج يارب
    مشكوره وحياج الله

    ردحذف
  41. حياج الله ادب
    نورتيني ومشكوره ^^

    ردحذف
  42. وااااو ماشاالله رسم راائع

    ردحذف
  43. هلا قيمر :)
    ثكرا ..حياج الله ^^

    ردحذف
  44. :a

    السلام عليكم ورحمة الله وبركاته

    ما شاء الله تبارك الله إبداعات متجددة

    رسومات جميلة وأعجبتني رسمتكِ الثالثة والرابعة رسمة ظلال الولد والبنت وبعد رسمة الرجال اللي عند النافذة

    صراحة والله أحسن من الصورة الحقيقية
    وأعجبني رؤيتكِ الخاصة وإحساسكِ في الرسمة يعني المسألة مو تقليد بس بل بصمة خاصة.

    دمتِ مبدعة.

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25