هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الجمعة، 30 يوليو 2010

.,؛×~حق الليلة


السلام عليكم ورحمة الله وبركاااااته جميييعا ..اممممم اليوم بخبركم عن فعالية اشتركت فيها ^^
واللي هييي فعالية حق الليلة واللي معروفة في معظم دول الخليج بـ قرقيعان ..طبعا معظمهم يحتفل فيها في نص رمضان إلا نحن في نص شعبان ..خالف تعرف خخخ والله مادري ليش جذي ..المهم ..

عطوناااا الله يعطيكم ..بيت مكة يوديكم
يا مكة يا معمورة ..يم السلاسل والذهب يا نورة
عطونا من مال الله ..سلم لكم عبدالله
عطونا حبة ميزان ..سلم لكم عزيزان

تقريبا هذي الأبيات اللي معظم يقولونها وتختلف في معظم الدول ..

كانت الفعالية باسم: (من حق الليلة )
تاريخ الفعالية:(27-7-2012مـ) - (15 شعبان 1431هـ)
مكانها: السوق المسقوف بالشارجة ..واللي كان يسمى قديما بسوق العرصة ^^
قبل لا أقول شو صار في الفعالية ..حبيت تعرفون شوي عن سوق العرصة ..هاي صورة قديمة قبل لا يصير اسمه السوق المسقوف
هو عبارة عن سوق شعبي ..وطبعا تراثي
..سووله ترميم من فترة وعدلوا فيه وخلوا فيه تكييف ..وااايد حلو حق التذكارات والتمشي ..يعني للي يبون ياخذون تذكار من الإمارات ييون هني ^^..صور السوق للأمانة ماخذتنها من النت
المحلات اللي فيه ..منها محلات قماش ودراعات ومسابيح وإكسسوارات قديمة ..ومحلات السجاد وفرش الطاولات وفي محلات أحجار الكوارتز وااايد حلوة تقدرون تطلبون يحفرون أساميكم على الحجر اللي تختارونه ..وفي محلات اسماج محنطة مادري ليش بس من الموجود خخ
نبدأ بالفعالية ..وإنتوا تدخلون السوق في وسطه شي منامة ..وهي اللي صارت فيها أحداث الفعالية ..
بداية جمعنا اليهال كلهم في المنامة ,,وحلاتهم اليهال والله وهم لابسين اللبس التراثي المخاوير والثوب ^^
حسيييت كأني رجعت أيام أول ..وطبعا تشوفون الشيبة هذا الحكواتي حااامد ..يلس يخبر اليهال عن تاريخ (حق الليلة )
وغنوا اليهال عطونا الله يعطيكم بيت مكة يوديكم ^^
وحوالين المنامة في الزوايا الأربع كانوا حاطين لنا أكشاك عشان نوزع حق الليلة حق اليهال ..وعشان الكل ياخذ حق الليلة عطونا طباعة الياهل اللي ياخذ جيس نطبع على إيده عشان ماياخذ مره ثانيه خخ..بس شو استوى هجوم علي وعلى أخوي ..كل اللي نشوفه هالأيادي ..
استانسنا ..رغم إن المكان مكيف لكن من الزحمة صار حر لكن من الشغل والوناسة ماحسينا ^^..وهذول صور اليهال باللبس التراثي ..يا حلوهم والله ..هاي وحليلها حسيتها مصدومة ^^
وهذا محتوى الأكياس اللي نوزعها ..هالأكياس المنقشة للبنات ..الأولاد أكياسهم بيضا
وهذولا لابسين الطاسة والمرتعشة ..فديتهم والله ..حدهم بريئين ^^
وهاااااااااااي فديت روحها والله ..ماشالله عليها ربي يحفظها ..حبيتها بالبخنق ^^
هذول عيال مدري أحفاد الممثلة الإماراتية مريم سلطان ..شكله في حد مخوف الولد خخخ
وبعد فقرة الحكواتي كانت فقرة الأسئلة مع مقدم الأسئلة ناصر...اليهال طايحييين فيه أنا وأنا ..جان يقول: اللي يقول أنا ماراح أخليه يجاوب
وجان يقلبونها عمي عمي ..قاالهم: بععععد واللي يقول عمي ما بيجاوب بس اللي قاعد مكانه ورافع ايده وهو ساكت بيجاوب ..وفي بنوتة كانت ذابحتنه اناا انا قالها: ما بخليج آخر شي ملت ويلست ورا ..جان يقومها قال: كوني جي من البداية خخخ يحليلها ..لو تلاحظون على طرف الصورة ظاهرة الممثلة مريم سلطان ..
جانب من ا لجمهوررر.. يتابعون من بعيد كانوا حذالي وشكلهم مالهم خلق يجاوبون بس يالسين ..واللي لابسة الطاسة هذي كانت تتناقر مع ولدين توم خخخ وشوي يضربون بعض لو إني مو موجوده خخخ..ولا واحد من التوامين واقف على خشبة المنامة أقوله إنزل ولا بتطيح يقولي :شو يعني بطيح بطيح عليج ..واايد كان مشاغب خخخخ
وبعد ما خلصنا الفعالية وخلصت أكياس حق الليلة وزعناهم كلهم ..قعد شيبتنا الحكواتي حااامد عااايش الدوور أونه يتحرطم علينا خخخ تراه مو شيبة كله مكياااج لزوم الدور ^^
وأنا أطالع اليهال اإلا أشوف هذا حييياااتي شكله حلووو أقول لأختيي صوررييييه ..فديت خدوده الحمراااا ^^
وبعدين انصرفوا اليهال إلى ورشة تلوين الفخار ينثروون إبداعاتهم ^^
واااحد مندمج ..<<يا بنت الحلال خلي اليهال بحالهم ..خخ مافي حد ما قطعتيه
وهذي ..حق الليلة ..
ووووووووو خلصنااااا ..كاااان يوووم ممتع ..استانست واايد ..واسترجعت أيام الطفولة والخبال على الحلويات..وشفت براءة في اليهال من زماااان ما شفتها ..على رغم من شغبهم وتناقزهم مني ومناااك لكن حلووويييين فديت رووووحهم ..إن شالله استمتعوا بالتقرير ..
ملاحظة:كل هاي الصور من تصوير إختي يعطيها العافية
~ودمتم سالمين~

هناك 31 تعليقًا:

  1. خووووش شي بصراحه و التصوييير حلووو تسلم ايد اختج وايدج على هالبوست الجميل :)

    ردحذف
  2. وعليكم السلام
    اي انا سمعت عن هالشي انكم تسون القرقعان بشعبان .. تسون هالليلة قبلها جنكم تتبشرون بقرب الرمضان منكم .. احنا بالكويت نسويه بنص الرمضان .. حدي تشوقت حق ليالي الرقيعان وحده وناسه .. ويسون مثل هالفعاليات بالحدائق والمجعات .. حبيت اليهال واكثر وحده اللي بالبخفق :D
    ها يا ام حروبي كنت بين اليهال تقرقعين :P
    حصلتي شي ولا لا؟!

    يعطيج العافية

    ردحذف
  3. وااااااي وناااااااااااسة ..

    ابي قرقيعااااان .. ع قولة اهلنا اهل البحرين

    قرقـعون هههههههه

    والله الصور تشووووق .. وحبيت الفعاليات اللي حاطينهم

    قواج الله ^_^

    ردحذف
  4. الله يهببببببل وناسه

    بس شمعنى انتم في نص شعبان؟؟

    احنا في السعوديه مايسوونه الا اهل الشرقيه غالبا

    بس في الرياض ما فيه

    احسه وناسه وماخذين راحتكم

    الممثله مريم سلطان عيالها صغار ما توقعتهم لهالدرجه صغار وشكلها اهي كبير

    فعاليه تهبببل يعطيكم العافيه انتي واختك

    ردحذف
  5. كالعاده ماقدرت ارد الا توني :(

    وناسه ماشاءالله ماتوقعت الفعاليات بهالحلاوه..

    واحب اتعرف ع عادات الشعوب..

    مشكوره ..

    وتسلم ايديات اخيتج ع الصور الغاوية ماشاءالله..

    ردحذف
  6. بالنسبة حق احفاد مريم سلطان لول الولد حيل يشابهها.. القرقيعان بدول الخليج نفس الشي بس النشيد ماله غير.. بس قرقيعان شعبان الصراحة أول مرة أدري فيها لكنها ظاهرة حلوة حيل. حبيت سوق العرصة مرتب رغم إنه تراثي ويشبه حيل سوق المباركية عندنا..

    قرقيعان و قرقيعان

    بيت قصير ورميضان

    عادت عليكم صيام كل سنة وكل عام

    الله يخلي ام حروبي الله يخليها لأمها


    شتبين بعد قرقعتلج بالكويتي :)

    ردحذف
  7. بعطييييج العاافيه أم حرووبي ع الصوور

    :)


    لوووووولز صدقج احنا ليش مخالفين
    نحتفل 15 شعبان


    سوق العرصة حلوو وايد
    أحس بشعور غريب يوم أكون فيه

    ----
    ويسلمووو

    ردحذف
  8. قالتلي بنت خالتي من الامارات انهم احتفلوا بالقرقيعان
    وانا استغربت مو جنه تو الناس؟!!
    تالي عرفت ان قرقيعانكم بشعبان ;)

    شكلها حلوة فعالياتكم
    هذي فرحة اليهال .. وفرحتهم من فرحتنا ^^

    ردحذف
  9. خوووووش تقرير
    صج استمتعت فيه:)
    عليكم بألف عافية وإن شاء الله ينعاد عليكم بالصحة والعافية

    تحياتي :)

    ردحذف
  10. كوكو
    تسلمين لي اكثر ^^
    مشكوره وحياج الله دايما ~

    ردحذف
  11. هلا بالبطة
    مادري ليش والله مقدمينه ..
    هههه لا عطيت قريقيعااني حق اليهااالو
    ربي يعافيج ^^

    ردحذف
  12. هلاااا والله فدك ..
    ههههه قرقعوون مادري نحن الوحيدين نقول حق الليلة والباقين قرقيعان وقرقعون ^^
    اييي صج ونااسه من الخاطر ..
    ربي يقويج ~

    ردحذف
  13. مرحبا مبدعه ..
    مااادري والله ..عكس العالم
    ههه هيه والله ماخذين راحتنا حسينا عمارنا مثل اليهال
    ونلعب وياهم ..
    والله مادري هم عيالها ولا احفادها بس الارجح انهم احفادها ..
    ربي يعافيج حبيبتي ^^

    ردحذف
  14. هلا رورو ..ههه مادري والله شفيها التعليقات معاج ..ليكون مزعلتنها ^^
    اييه حلوه وايد..
    العفو ..
    تسملين لي اكثر ^^

    ردحذف
  15. هلا قلم ومسااحه
    ههه نحن ماشين على مبدا خالف تعرف ..
    اي سوق العرصه ..حلو لما تدخله تحس عايش بالعصر القديم ^^

    (الله يخلي ام حروبي الله يخليها لأمها)
    حبييته خخخخ ..مشكووور ..

    حياك الله ~

    ردحذف
  16. مرحباااا اميره ^^
    ربي يعافيج ..نحن دووم عكس الناس مادري ليش ..
    هيه لما ادخله احس دخلت الة الزمن وردينا ايام يدودنا خخ..

    ربي يسلمج ^^

    ردحذف
  17. bookmark
    ههه حلوه تو الناس ..اي نحن مستعيلين دوم^^

    هيه فرحتهم من فرحتنا ^^

    تسملين والله ~

    ردحذف
  18. هلا أمواج ~
    ^^ مشكوره ..ان شالله ربي يعافيج ..
    حياج الله ^^

    ردحذف
  19. بصراحه اول مرة ادري ان بالامارات يسوونه نص شعبان :) احنا بنص رمضان
    مادري يعني ينعاد بنص رمضان ؟ :)

    فعالية حلوة وايد والكبار قبل الصغار يجهزون لها ويستانسون فيها ..

    مشكورة عالبوست وتسلم ايادي اللي صورت الصور الحلوة

    ردحذف
  20. مرحبا توينكل نورتي المدونة
    انا احسه منطقي اكثر قبل رمضان مادري ..تبقى عادات ^^
    صدقج والله الاباء والامهات احسهم بعد متحمسين ويا اليهال ..يجمعون حلويات ههه
    العفو..ربي يسلمج ^^
    حياج الله ~

    ردحذف
  21. السلام عليكم..
    ماشاء الله وناسه ..
    للأسف أول مره ما يخطف علي حق الليله
    كنت في بوظبي وهناك ماعندهم هالسوالف شرات العين بعد...
    بس منو يقول سبحان الله ثاني يوم وصلنا كيس حق الليله من دبي وناااااسه .....
    وبما إنا نطري التوزيعات
    كأنج نسيتي إطرشيلي ؟؟؟؟
    ...
    في حفظ الله

    ردحذف
  22. يايي وناااااااااااسه كان

    حلوووووو وااااايد

    تعالي وين جبس مالي ؟؟!!

    قلت لج خشي لي منهن

    يلاا اباهن احين

    خخخخخخخ

    اهم شي استانستوا =)

    ردحذف
  23. هههه عليكم بالعافية ..

    انزين صج ليش تحتفلون بالقرقيعان بنص شعبان؟؟ انزين تحتفلون فيه بنص شعبان ونص رمضان والا بس في شعبان؟ :)

    عموماً خوش صور ودوم يارب مستانسين :)

    ردحذف
  24. واو ماشالله شي عجيب

    جان خذتيني وياج أحب هالسوالف

    ردحذف
  25. مرحباااا بمهندستنا
    تو ما نورت مدونتي والله ..الحمدلله على السلامة ^^
    والله مادري ليش نحتفل فيه قبل العالم بس لا ما نحتفل برمضان بس مره وحده ^^ ولا بنخلص قرقيعان العالم خخخ

    مديم ربي ..
    مشكوره ..حياج الله ^^

    ردحذف
  26. مرحبا فيونا..نورتي المدونة
    ماكنت ادري والله كنت خذتج وياي ^^
    مشكوره حياج الله ~

    ردحذف
  27. وعليكم السلام ورحمة الله وبركاته نهار ^^
    هههه افااا ليش ماشي فبوظبي ..
    عيل حظكم حلووو ..
    اوييي (00")كليييتهم كلهم خخ لا تخبرين حد ><
    ربي يحفظج ~
    حياج الله ~

    ردحذف
  28. مرحبااا دلوعه
    ايي وناااسه من قلب ^^
    اوي ماحصلت جبس ..بس ابوي شرالي كرتون جبس عمان وجبس بابي سناك ..عاد جبس عمان قضيت عليه ..لكن بابي سناك بعده يناضل خخخ مريني عشان تاخذينه لوول
    خخخخخخ
    مشكوره حياج الله^^

    ردحذف
  29. شكراً لك فقد عُدتِ بنا إلى عبق الزمن الجميل وتراثنا الأصيل .... صور جميلة ومعبرة....عافاك,,,

    ردحذف
  30. الأخ فهد ..نورت المدونة
    العفو ^^
    ربي يعافيك وحياك الله ~

    ردحذف
  31. فعاليااات مرة حلوة ... وايد استانست بالصور والمتابعة

    عليكم بالعافية

    وابي حقي من حق الليلة هههههه

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25