هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

السبت، 7 أغسطس 2010

.,؛×~أم حّروبي والرسم المعماري-الجزء الأول-3

.،؛×~إمتحان نصف الفصل~×؛،.

السلام عليكم ورحمة الله وبركاته ..كيييف حالكم جميعا ...عساكم طيبين ..آااااه مع إني ماكان لي خلق أحط شي ولا لي بارض للمدونة بس قلت يللا أم حريب فزي شوي خخخ ..إنزين كان على أساس إنه يكون الجزء الثالث لمسلسل الهندسة المعمارية عن المشروع النهائي بس بما إني شكلي كارهة المشروع النهائي خخخ ..فذلك اليوم قلت ..لازم أتدرب عالرسم ولا بنسى الأساسيات ..فقلت شو أسوي شو أسوي ..آخر شي قلت بما إن إمتحان نصف الكورس للرسم خبصت فيه وماعرفت أرسمه صح ..قلت ليش ماعيد أرسمه مرة ثانيه منها تدريب منها أتعلم من أغلاطي ومره ألونها كتغيير ..الرسمة بكبرها خذت مني بس ساعتين أما الأسطوانة التعيسة اللي في الرسمة رسمتها بعد أسبوع لأني كرهتها ألف يمين يسار ..شلون تسوينها يا أم حروبي شلون شلون ..فكرت وسويتها بمليون طريقة سألت أخوي تم يقولي طرق كلها جربتها ومافي فايدة وأنا المدمغة ..قلت طريقة الأستاذ ما تنفع هني ..طبعا ماجربتها بس رسمتها فخيالي فما ضبطت وبعدين قلت لأخوي أهو بعد مهندس بس مال طيران يعرف شوي للرسم ..وقالي أشيا أنا أعرفها ..أنا ماشية كل شي صح ..بس هالأسطوانة مو طايعة تصير ..آخر شي استسلمت قلت بجرب طريقة الأستاذ عمليا ..والنتيجة ...صااااااااااااااااااااااااارت (00)

وسبق وقلتلكم ..إني بقولكم عن French curve وشلون نستخدمه ..فالحين براويكم كيف رسمت الأسطوانة به ..


أول شي شو هو French curve ..الله يسلمكم هي مسطرة بس مو سيدة عويا الله يهديها خخخخ ..يعني مسطرة لرسم المنحنيات ..وصورتها اللي عليها دائرة هالمساطر الزرقا..

قبل لأراويكم الطريقة ..خل نعيد الذكريات شوي ..هذي صور امتحان نصف الكورس ..هذي من فوق ..

وهذا شكل المبنى من الجوانب ...

وأخيرا هذا هو الشكل النهائي للمبنى ..مادري إذا هو مبنى أصلا بس شكل معقد عشان ما ننجح خخخخ

وهذي رسمتي في الإمتحان بلا فخر (--")...


والحين نبدا...أول شي طبعا رسمت المبنى كله من طق طق لييين قبل السلام عليكم ..لأني مارسمت الأسطوانة ..



الخطوة1...نرسم نصف دائرة ..نصف قطرها خذته من الأوراق اللي معطينا إياهم ..واللي هو 2.5 سم...بعدين نقسم نصف الدائرة لزوايا كل زاويه تكون ْ30ْْ..بعدها نقيس نقاط التقاطع بالطول والعرض

الخطوة2...مثل ماشفتوا من أول رسمة إني رسمت مربع على قاعدة الأسطوانة جذي يكون أسهل ..وبعدها رسمت نقاط التقاطع حسب نصف الدائرة ..وبعدين يبت French curve وحاولت أحصل المنطقة اللي توصل بين النقاط الحمر ..وبعدين رسمت عليها

جذي رسمت نصف الدائرة ..وشوفوا شلون نرسم نقاط التقاطع ..

ونكرر العملية في النصف الثاني ..

وبعدها ..رسمت مكعب ..وعدت الطريقة بس فوق وبعدها وصلت بين الدائرتين ..حتى ضبط شكل الأسطوانة ..في شي غلط عالطرف للحين أحس جي ..يمكن تلاعب بصري ..

وطبعا الخطوات السابقة كلها كانت في ورقة منفصلة تجنبا للمجازفة ..وعدتها على الرسمة الأصلية ..وهذي النتيجة ..وأخيرا رسمنا السلام عليكم خخخخ

وبعد التلوين ..نفس الحالة واجهت مشاكل في تلوين الأسطوانة ..لأن يبالي أعيد رسمها بالمسطرة

وتتدا هذي النتيجة النهائية ^^

وانتهى درس اليوم عن French curve...والدرس اللي تعلمته أنا هو (لا تقول لأي شي إنه ما يصلح قبل لا تجربه ..فالتجربة خير برهان ^^)ونلقاكم في الحلقات القادمة من مسلسل أم حرّوبي والهندسة المعمارية ^^
أتمنى إنكم استفدتوا واستمتعتوا
ودمتم سالمين ~

هناك 23 تعليقًا:

  1. اعتقد ان في غلط في ال بلان اللي فوق .. مفروض يعطيكم شي صحيح على اساسه ترسمون .. !

    شلون الخطوط الواصلة لي الاسطونة مهشرة في البلان مع انها مفروض تكون مرسومة عدل

    شي ثاني فتحة المربعة ايضا مفروض ماتكون مهشرة شلون صايرة مهشرة ؟

    ردحذف
  2. سين سؤال هو عطاكم الشكل النهائي مع الامتحان ؟ والا بعد ماخلص الامتحان ؟

    ردحذف
  3. مرحبا اخوي بدون تعليق
    بصراحة هو اصلا في اشيا نحن ما نعرفها ..يعني لما يكون في خط منقط شو يعني هذا ما نعرفه ..فتوهقنا في الامتحان .. بس حسب فهمي واللي رسمته إنه يقصد بالخطوط المنقطة إنه هالجزئية تي فوق القاعدة لأن العمدان والمربع ثنينتهم فوق ومافي شي يدعمهم وبينهم فراغ يعني مو شي شو اسمه نسيت مو شكل صامت اظن خخ مو متاكده

    جيم جواب..جان زين عطانا مع الامتحان كان فلحنا خخخ لا هو عطانا الشكل النهائي مع نتائج الامتحان

    ردحذف
  4. خهخه مااعرف بهاي الشغلات .. الله يعينكم والله بس ماشاء الله رسمج وااااااااااااايد حلو المفروض تحصلين عليه فل مارك بس خيرها بغيرها .. موفقة

    ~ طيار المستقبل

    ردحذف
  5. ما اعرف بالهندسة المعمارية تخصصي كهرباء :)

    بس موفقة يارب

    ردحذف
  6. ما عرف لهسوالف بس ان شاء الله نشوفج مهندسة اد الدنيا دي كلها لوووووول

    موفقة ^_^

    ردحذف
  7. الخط المهشر معناه انه هالشي مختفي .. هاي الله اعرفه .. شكله قص عليكم انه متأكد ان الاوراق اللي عطاكم مب عدلة وفيها غلط ..

    يلا معليه :)

    ردحذف
  8. هلا أخوي كابتن خالد..
    الله يعين الجميع إن شالله ..
    ههه لا هالرسمة الحين راسمتنها ..اول رسمة اللي مو كاملة هاللي رسمته للامتحان ..
    مشكور^^
    والله يوفقك ونشوفك طيار قد الدنيا يارب ^^
    حياك الله ~

    ردحذف
  9. مرحبا مهندستنا ..
    ربي يوفقنا أجميع يارب
    مشكوره وحياج الله ^^

    ردحذف
  10. هلا فدك
    أميييييييييين يارب ^^
    مشكوره حبيبتي ..
    حياج الله ~

    ردحذف
  11. هلا اخوي بدون تعليق ..
    عادي عادي ..خليها على الله ..خخ ترى ياما عطانا واجبات رسم والمعلومات والقياسات كلها غلط والبنات يصححون بروحهم ..شو نسوي نعذره ترى مخه ضارب شوي خخ

    ردحذف
  12. واااااااااااو شكلي بحول هندسه بترول لووول تعقدت

    يعطيج العافيه

    ردحذف
  13. صح التجربة خير برهان
    حتى بحياتنا اليومية وايد نحكم على أشياء وعلى ناس قبل لا نجربها ;)

    وتسلم أناملج الذهبية ;)

    ردحذف
  14. الله حلاااته المسلسل واايد حلو ..

    (;

    يعطييج العاافيه أم حرووبي
    صدق كل يوم أحب الهندسة أكثر

    ربي يوفقج حبيبتي :)

    ردحذف
  15. Unique Girl
    هههههه يللا فوقه ^^
    ربي يعافيج ان شالله

    ردحذف
  16. BookMark
    صح الواحد اذا ما جرب ما يعرف إذا النتيجة بترضيه ولا لا ^^
    سلم قلبج ..
    حياج الله^^

    ردحذف
  17. هلا سمو
    شو رايج ينافس مسلسلات رمضان صح ! خخخخ
    ربي يعافيج ..بخليج تحولين للمعماري لووول
    حياج الله ^^

    ردحذف
  18. هلاا ام حروبي

    شحالج ؟؟

    تعالي انتي اي سنه فالهندسه ؟؟!!
    احسكم معقدين شو هاه

    الحمدلله مب هندسه P:

    ردحذف
  19. اهلين دلوعه
    يسرج الحال ^^
    توني اول سنه ..مو معقد بس يباله ^^
    الحمدلله لووول
    حياج الله ~

    ردحذف
  20. صباح الخير
    نفس شعورج مالي خلق شي ما ادري شفيني كسوله!!
    صج صج دراستكم يبيله مخ فاضي خطوة خطوة
    بس ما شاء الله حلو انج تصممين وتبدعين
    الله يوفقج
    ويعطيج العافية

    ردحذف
  21. الله يوفقج يارب :)

    ردحذف
  22. البطه
    مسا الانوار
    صدقج ممادري بلاه الخمول ..ابي انزل بوست بس متهايزه
    يباله مخ مصفر عالاخر
    اميين يارب
    مشكوره ربيي يعافيج ^^

    ردحذف
  23. هلا امواج
    مشكوره ويوفق الجميع يارب :)
    حياج الله~

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25