هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الثلاثاء، 10 أغسطس 2010

.,؛×~لا أدري


لاأدري مابال نفسي ..إني على هذا الحال منذ حوالي أسبوع ..أرق وسهد ..أريد أن أنام ..ولكن لا أستطيع وإن نمت كان نومي متقطعا ..متعبة ..وشي يسد منافذ الهواء عندي ..مرهقة ونعسة ..لم أرد أن أكتب شيئا ولكن حلول رمضان حتم علي أن أهنئكم به ..مزاجي في الأيام الفائتة علق على (الصامت)..أتريدون أن تعرفوا ما هو مزاجي الصامت ..نعم أنا إنسانة مزاجية لأبعد الحدود ..ومزاجي متقلب لدرجة أني أضحك وأبكي في لحظة وبكلمة ..ولكن هذه الأيام المزاج السائد هو المزاج الصامت ..
المزاج الصامت يعني: وجه بلا تعابير ..أصوم عن الكلام ..الكلام في هذا المزاج يعني التعب ..فتكون شفتاي ثقيلان لا تقوان حتى على الإبتسام ..لا أتحدث مع أحد ..وإن سألني أحد أجيبه بإيماءات من رأسي ويدي ..وأحيان أنظر إلى السائل بنظرة (أغرب عن وجهي لا أريد الإجابة)..ووصل الأمر أن حاول أخي إضحاكي بنكته وتعليقاته وماحصل أن نظرت إليه بوجهي الخالي من أي تعابير حتى صمت وشعر بسخافته ..لم أشرب شايي اليوم ..فزاد المزاج تعكرا ..وحالات سرحاني زادت واشتدت ..هناك شي في نفسي ..يؤثر في كل ما حولي لا أدري ماهيته ..

بعد أن أرهقتكم بحديثي ..أريد أن أهنئكم بقدوم سيد الشهور ..وأدعو أن نستثمر جميعنا هذا الشهر
بالطريقة التي تليق بمقامه ..وكل عام وأنتم إلى الله أقرب وعلى طاعته أدوم ..


لماذا كان العنوان (لا أدري) لأني بحق لست بمزاج لتأليف عنوان ..
دمتم سالمين~

هناك 22 تعليقًا:

  1. كل عام و انتي بخير

    ردحذف
  2. أهلاً أهلاً بالغالية ..

    تصدقين أشتقت لك :)

    وقبل لا أعلق على تدوينتك بقولك , تصدقين لما كنت مسافرة ليلة من الليالي نمت وحلمت فيك !!!

    طبعاً ما شفت ملامحك كويس في الحلم , بس ما ادري وين كنا , وجات لي وحده قالت لي أم حرَوبي في المكان الفلاني روحي شوفيها , وأنا مستغربة , أقول لها شلون عرفتِ أنها أهي , ولا أذكر , بس كني رحت أشوفك , وما ادري شفتك وإلا لا .. !

    شفتي عاد .. من زود الإشتياق حلمت فيك ^^

    ....

    إن شاء الله تقرأين الرد ونفستيك متغيرة للأقضل , وترى اللي تمرين في بالنسبة لي أمر طبيعي , لأني لسا قبل يومين صار لي اللي صارلك , مالي خلق أي شيء وإذا تضايقت ,أكره الكلام أكثر مما أنا أكرهه .. " يعني مثلك "

    تقلبات المزاج أمر أتخيل في كل إمرأة ..
    واللي حولنا ما لهم إلا الصبر علينا , بس خلاص لاتطولين هالحالة , تعودنا وحبيناك مرحة , كوني كذلك دائماً :)

    وأخيراً .. كل عام وأنتِ بخير يارب ..
    وإن شاء الله رمضان يكون رحمة للجميع , أقلبي مزاجك 180 درجة قبل حلول رمضان ..

    أرق تحية لقلبك غاليتي ..

    ردحذف
  3. بيه بيعينا بالسوق شاللي مضايقج :\ اقري قران جود ينشرح صدرج ويتعدل مزاجج ان شاءالله..

    شعور خايس اللي تمرين فيه حاسه فيج الله يعينج يارب..

    عموما كل عام وانتي بخير ومبارك عليج الشهر..

    ردحذف
  4. عندنا وعندج خير ..

    لا تشوفين اذا تغير مزاجي << مزاجية لأبعد الحدود

    بس ان شاءالله مرحلة وتعدي ..

    كل عام وانتي بخير وعساج من عواده

    ردحذف
  5. مباارك عليييج الشهر حبيبتي

    وربي يعيده عليج أعوام مديدة يارب :)


    توني من شوي مريت بهالحاله
    مثلج تماما .. عادي أكون فقمة السعاده فلحظة وينجلب حالي بعد ثانية
    :\


    ربي يرزق قلبج الطمأنينة :)
    ويسعدج يارب


    دمتِ بسعاده وراحة بال

    ردحذف
  6. الأخت الفاضلة :: أم حروبي ::
    رمضان مبارك ..
    علينا وعليكم ..
    سائلا الله لك الخير والقبول ..

    وأتمنى أن تزول الحالة المزاجية هذه بسرعة ..

    أطيب الأمنيات

    ردحذف
  7. المزاج وما أدراك ماالمزاج
    ماعليه ياام حارب
    فترة وتعدي
    الغريب ان مانعرف شنو سبب التقلب المفاجئ الي ايينا

    تأملي خير برمضان
    شهر الراحة والأعمال الصالحة

    ربي اييسرلج أمورج
    ويسعدج دوم
    ومبارك عليج الشهر :)

    ردحذف
  8. السلام عليكم ورحمة الله وبركاته :

    الله يعدل المزاج ويسعدك يارب ..
    كلنا نمر بهذي الحالات بدون سبب ومقدمات في كثير من الاحيان ..

    ام حروبي الله يوفقك
    وكل عام وانتي بخير وطاعة ومبارك عليك الشهر.

    ردحذف
  9. مبارك عليج الشهر
    وربي يمسح على قلبج في هالشهر و يزيل حالة الصمت ودامج اخترتي اتكلمين معانا أنا وحده من إلي قرأوا لج راح ادعي لج ربي يفرجها عليج و يوسع صدرج اللهم آمين

    و ينعاد عليج و على جميع المسلمين

    ردحذف
  10. هلا و الله براعية المزاج المتقلب هههههههه ..

    تدرين ليش هذا كله لأنه دايما في هالوقت تكونين في الدوام و الصراحة الدوام في رمضان أحسن من يلست البيت و السنة إنتوا عندكم إجازة في رمضــان عشان جي .. !!

    و إستغفري 100 مرة بتلاحظين نفسيتج تتغير .. و إنتي يمكن ما عندج شي فتحسن إنج مب مشتهيه تسوووين شي .. اللي متعود على الكراف و الشغل ما يتحمل الإجازة الطويلة لأنها اتعبه نفسيا ..

    و يالله مبروووووووووووووك عليج الشهر ..

    ردحذف
  11. صباح الخير
    ام حروبي شلونج الحين ان شاء الله احسن؟!
    ترا شي طبيعي اللي تمرين فيه النفس تحتاج تاخذ لها فترات
    تريح اللي باعماقنا, لان تدرين ليش ساعات نطوف الشي
    نحاول ننسى نحاول نخلي داخلنا بدون ما نعبر وبشكل
    لا ارادي فجاة نحسن نفسني بحالة صمت غير طبيعي
    ومو بالعادة, ويمكن يزيد لما نكون فاضين مافي شي
    يلهينا, ام حروبي حدي مو متعوده عليج بهالحالة
    لما اقرى ردودج كلامج احسج احط عليج فتاة الامل
    فتاة الحياة التفاؤل الشقاوة الطفولية, وكل ما ادش مدونتج
    وبدون مبالغة لما اقرى "بابتسم .. بضحك .. وبملي العالم
    بجنوني " ابتسم ولما اشوف صورة البنوته ارتاح احس
    الضحكه حقيقية مو مصطنعة, من جذي اتخيلج مثل
    هالشخصية :)
    ام حروبي تدلعي ع نفسج وشوفي شاللي بخاطرج
    شاللي يزعجج شاللي يريحج وحابه تسوينه عشان
    ترجعين روحج فيها حماس وحيوية !!

    يلا طمنينا عليج وقولي وفضفضي حتي لو بكلمات
    مبعثرة راح نسمعج :)
    يعطيج العافية

    ردحذف
  12. Sharm
    وانت بخير وصحة وسلامة ان شالله ^^

    ردحذف
  13. حياتييييييييي pen seldom
    أنا بعد اشتقت لج وااايد واااايد أهم شي كنت حلوه في الحلم ؟؟ ههههه
    يااارب إن شالله أشوفج في الواقع ^^
    حبيبتي إنت ^^
    تعليقج وااايد ونسني أقول في حد حلم فيني يا بختي والله ^^
    أظن صح تقلبات المزاج في كل بنت بس أظن لما تكون المزاجية من طباعج تقلبات المزاج تصير أقوى ..
    الحمدلله الحين مزاجي تغير 360 درجة مو بس 180
    وإنت بخير وصحة وسلامة غاليتي ^^

    ردحذف
  14. رورو هااااا؟؟! ليش أبيعكم ..لا لا ماسويها أنا

    الحمدلله قريت وارتحت ^^
    صدقج شعور خااايس من الخاطر ..ماحب لما يصير فيني جذي><
    وإنت بخير وصحة وسلامة ^^

    ردحذف
  15. هههههه هلا مهندستنا طلعتي شراتي عيل خخ
    والله أزمة هالمزاج
    الحمدلله الحين أحسن ^^
    وإنت بخير غاليتي..وينعاد علينا وعليج بكل خير ^^

    ردحذف
  16. هلا والله أميرتنا ^^
    ومبارك علينا وعليج ..كل سنة إن شالله
    هيه والله موشي ينقلب مزاجج بسرعة ><
    أمييييييييييين يارب مشكوره
    دمت سعيدة ^^

    ردحذف
  17. أهلا أخوي محمد ^^
    ينعاد علينا وعليك بكل خير إن شالله ^^
    أميييييين يارب ..
    الحمدلله خلاص راحت ..
    تمنياتي لك بالسعادة ^^

    ردحذف
  18. هيه والله bookmarkالمزاااااااااااااااج
    لما تعرفين سبب تقلب المزاج يكون أهون بوايد لما ماتعرفين ..
    الحمدلله صدق أجواء رمضان هدت نفسي ^^
    أمييين يارب وياج ^^
    مبارك علينا وعليج ان شالله ^^

    ردحذف
  19. وعليكم السلام ورحمة وبركاته رندا ^^
    مشكورره الحمدلله اعتدل ^^
    وانت بخير وصحة وسلامة يااارب ^^

    ردحذف
  20. أهلين الجودي نورتي والله ^^
    أميييييين مشكوووره والله عالدعاء ^^
    ينعاد عليج وعلينا بكل خير يارب ^^

    ردحذف
  21. AM.SA.CHANNEL
    هههههه لما قريت تعليقج ضحكت والله حلوه راعية المزاج المتقلب عجبتني ^^
    يمكن من يلسة البيت والله مادري ..صدق ما تحصلين شي تقضين وقتج ..
    إن شالله ..مشكوره ^^
    مبارك علينا وعليج يارب

    ردحذف
  22. مسا الخير البطة
    هيه الحمدلله أحسن ^^
    صح كلامج انا بعد أحس جذي ..واايد قمت أطنش فالظاهر اللي اطنشه بغى ينتقم مني ..
    كح حكح جاااان استحيي (--")كلامج ونسني والله ..وانا أقرا تعليقج ماغير أقول حبيبتي والله البطة حبيبتي ^^
    إن شالله حبيبتي ما تقصرين والله ..كلامج روحه يطيب الخاطر ..ما تشوفيني الحين ابتسم مطلعة ضروسي ههههه
    ربي يعافيج ^^

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25