هذه المدونة تخضع لقانون حماية الملكية الفكرية الذي ينص عليه القانون الإتحادي رقم 7 لدولة الإمارات
"لذلك يمنع نقل وتداول أي من محتويات هذه المدونة دون إذن من مالكها "
.?. هاجس اللحظة .?. هنا تجد الكثير مني

 

الخميس، 12 أغسطس 2010

.,؛×~سوالف

السلام عليكم ورحمة الله وبركاته جميعا

شخباركم .علومكم شو مسوين ..عساكم طيبين حلوين وبنحبكووم

احم احم ..طبعا مايبيله كلام مبين إن مزاجي تعدل

ما تشوفون الإبتسامة خخخ

اممم شو أقول ..حابه أسولف ..حبيبي رمضان والله

أحس مزاجي تعدل من أجواء رمضان ..أحب رمضان أحس فيه روحانية موطبيعية ..وأحب لمة الأهل كلهم على سفرة وحدة وبوقت واحد بعكس الأيام العادية محد يجتمع لأن كل واحد وقت إنتهاء دوامه يخلص غير عن الثاني ..والحلو فيه إنه نمشي على الأذان..الأذان هو الرموت كنترول حقنا..نتسحر ولما نسمع أذان الفجر نصوم ..نصوم ولما نسمع أذان المغرب نفطر..ليت كل أيامنا ننطر وقت الأذان ..

أول يوم رمضان ما تسحرت بس قمت شربت ماي ..فلما نشيت الصبح أول شي كنت بسويه أمسك غرشة الماي وأشربها وبعدين تذكرت"أم حروبي اليوم أول يوم رمضان." خخخخخخخخ وطول اليوم أردد هالعبارة في قلبي أخاف أنسى وأفطر..وأنا أكتب هالسطر بطني كان يصيح ههه ..وكلما أقرا تعليقاتكم المزاج يرد عالطبيعي شوي شوي ..لكن الصداع كان مستمر ..فشربت 3 قلاصات جاي كرك(جاي حليب)..>>لا حد يخبر أبوي

بس عشان الصداع يروح عني ..والحمدلله المزاج اليوم عال العال ^^

--------------------

عجبني شي في بلوغير ..

الظاهر بلوغير مسوين تحديث حق طريقة عرض التعليقات ..

الشي الأول اللي حبيته

إنهم كلما يكون في تعليق يديد ..يكتب لكم هالتعليق يخص أي موضوع

والشي الثاني الحمدلله إنهم غيروه لأنه وايد كان ينرفزني واللي هو بخصوص التعليقات

قبل ..لما تسوي نشر للتعليقات كان ينكتب (ليس هناك تعليقات لايتم الإشراف عليها )

لو لاحظتوا الغلطة كاتبين (لايتم)..والمفروض يكون (ليتم)

أما الحين غيروها وصارت(ليس هناك أي تعليقات في انتظار الإشراف)

استانست إنهم صلحوه

---------------

الله يسلمكم ..عندي أخوي أصغر عني بسنتين لكنه مو غاوي قراية ودايما أقوله إقرا ..هاي عبارتي(إقرا عشان تتعلم وتستفيد ترى القراية تحسن طريقة تفكيرك وحتى أسلوبك في الكلام ..حتى لو كانت رواية لكن بعد تقوي لغتك)..وهو يطنشني وأحيان يقولي إنه ما يحب يقرا إلا إذا شي فيه صور ..ماحب الكلام وايد فعطيته كتاب (موسوعة خلف أسوار العلم) استانس عليها وايد ..أخوي ذكي وعقله نظيف لكن مشكلته مايعرف يستغل هالشي ولو إنه أحيان يصدمني يوم يقولي معلومات ويحب يطالع قناة ناشيونال جرافيك وايد..يحب العلوم التطبيقية على النظرية ..وصار يقرا بوستاتي ويعطيني رايه فيهم وأحب أعرف رايه لإنه ما يجامل..المهم نفس الشي صار الإسبوع اللي طاف ..كنت أقوله يقرا وكنت وقتها بادية أقرا قصة بس ما كملتها وحطيتها ..هو شاف الكتاب والفضول خلاه يقراه ..مرت ساعة وأشوف اندمج في الكتاب ..واايد استانست وما حاولت أزعجه وعلى مدى ثلاثة أيام أشوف يمسك الكتاب ويقراه ..والشي استانست عليه أكثر اإنه في برنامج في التلفزيون نتابعه الأسبوع اللي قبله كنت أحاول اأخليه يقرا شي قالي بعدين وسار يطالع تلفزيون بس هالمرة كنا نحن نطالع وهو مندمج في القصة ..وشوي يخلي القصة في الصالة وأخوي الثاني اللي أكبر عني بخمس سنين بعد نفس الشي ما يحب يقرا وايد أشوف قضب الكتاب وقعد يقرا واندمج وماشالله خلصه بنفس اليوم ..وبعدها يلست ويا أخوي ويلسنا نتناقش حول الكتاب اللي قراه وتم يقولي شو اللي عجبه ..وبعدين قلتله إذا تبي بعطيك شي ثاني تقراه ..قالي يبا يقرا القصة اللي أنا كاتبنها ..كلهم قروها إلا هو ..فطبعتها عشان يقراها ..

--------------

اليوم مادري شو صارلي عالسحور..قمت مستانسة ..واأضحك ..واأنا أتسحر ..يمكن من دعواتكم لي تسلمون لي والله ..اأذكر أبوي كان يزف أخوي وأنا أطالع أخوي أسويله حركات وأضحك عشان أقهره وهو يضحك ..صح مزاجي تعدل لكن للأسف الأرق للحين مستمر ..حاولت أنام بعد صلاة الفير لكن ماشي فايدة يمين يسار ...تميت وايد آخر شي استسلمت قلت دامني جذي يلست أتذكر متى صمت أول مرة ...

***

ماذكر بالضبط لكن أظن يوم كنت برابع أو خامس إبتدائي ههههه وذكرت سالفة صارت لي ..كنت صايمة وأنا بالمدرسة طبعا مو الكل يصوم تونا صغار عالصيام فقلة اللي يصومون وأذكر في وحدة معاي بالصف كانت من الفاطرين وقتها كانت علينا أبلة سميرة مالت الجغرافيا ..المهم هذي البنت مطلعة ككاو باونتي ويالسة تقهرني "يم يم باونتي ما تبين ..وي وي ماتقدرين إنت صايمة "وأنا أطالعها خاطري ألف ويهها بكف خخخخخخ إلا وتدخل أبلة سميرة الله يذكرها بالخير وتشوفها وتزفها ذيج الزفة المحترمة خخخ قالت لها عالأقل تصوم مو مثلج ههه

ضحكت عليها ..

***

وأذكر لما كنت بأول مادري ثاني إبتدائي..ماكنت أصوم كنا وايد صغار ..لكن في بنت معاي بالصف اسمها (دعاء)ماشالله اسم على مسمى وقتها كانت تصوم ..وكل البنات مصدومين منها محد صايم غيرها ..تميت أسألها كيف تقدر تصوم جان تقولي إنها من كانت بالروضة تصوم ..بس مو يوم كامل ..يعني بداية تصوم لين الظهر ولما كبرت لين العصر لين قدرت تصوم صيام كامل ..أذكر إني وايد كنت مبهورة بها ..ماشالله عليها

***

متى بديت أصوم صح ..لما كنت بسادس ابتدائي .. أذكر إني قررت أصوم رمضان كامل..في أول يوم رمضان أمي حطت الريوق حقي وحق أخواني اللي اأصغر عني ..قلت أنا صايمة ..إلا شوي ما قدرت أقاوم وفطرت خخخخخخ..بس أول يوم فطرت وبعدها كملت صيام رمضان كامل إلا يوم

---------------

اليوم عندي مشوارين لازم أقضيهم بس مالي خلق..

هههههههه بلاها هالقطوة ..شكلها مخترعة ..ضحكتني..شكلها حد معطنها كف عفس ويهها خخخخخخخخخخخخخ
--------------
شوفوا هاليياهل شو يقول ..حبيته هههههه ويا هالضرسين ..
حابة أشكر كل اللي علقوا على موضوع (لا أدري)..الحمدلله الحين صرت أدري
خخخخخخخخ

تعليق كل واحد فيكم حسن من مزاجي وونسني
sharm\رورو الشخبوطة\سمو الأميرة\رندا الجنوبية\الجودي\البطة\مهندستنا أبرار\AM.SA.CHANNEL\Bookmark\محمد القويري\pen seldom
اسمحولي إذا ضيقت خلقكم ..
سانقيوووو فري فري مش هههه هذي باللغة العنجريزية الصعيدية هههه
~دمتم سالمين~

هناك 21 تعليقًا:

  1. حلاتهم صور اليهال يهبلون والله. ضحكت عدل لما قلتي إن أبوج يزف اخوج وانتي تسوين حركات تقهرينه خخخخخخخخخخخ قاعد أتخيل الموقف، موفقة في مشاويرج وسويهم وافتكي. وديري بالج تفطرين احنا برمضان. وألف الحمدلله إن مزاجج تعدل وان شالله دوم، أما عن سالفة الأرق وعدم النوم، ف هذي فعلاً مشكلة رمضان الوحيدة لأن مافي وقت وايد للنوم. بس ان شالله تتعدل ولا يهمج.. حبيت سوالف الصيام والدراسة. اما عني انا بديت أصوم رمضان كامل من أولى متوسط يعني الصف الخامس. وآسف إني ماشفت بوست " لا أدري " توني أشوفه..

    ردحذف
  2. وعليكم السلام
    الحمدلله ان المود تغير وصرتي احسن وهذي ام حروبي الله يغير عليج للاحسن ياااارب وتكونين دائما بخير :D
    صح كلامج اجواء الرمضان تغير النفسية و وجود الاهل مع بعض حزت الفطور تعطي طعم للرمضان ومتعة..
    وشي حلو ان اخوانج بدوا يقرون وحاولي دائما تعطيهم الكتب المفيدة اللي تفيدهم..امممم انا اتذكر اني صمت من كنت 3 ابتدائي تقريبا بس كنت اكل من تحت لتحت بس من اولي متوسط "خامس" لا تاتبت:P
    لوووول ضحكتني صورة القطوة اما صورة اليهااال حبيبي حبيته فدددديييته :D

    تستاهلين كل خير يا ام حروبي والله يونسج دوووم
    يعطيج العافية

    ردحذف
  3. حبيبتي أم حرووبي ...
    استااااانست لج وايدات كثيرات
    ---------
    أولا : تعليقي ع موضوع الأرق
    يا ختي ودري عنج الشاي ...و بيتعدل مزاجج إن شاء الله
    بدليه بـ ( فيمتو) أو أي مشروب 2 ..
    :d <<< من أعداء الشاي لووولز
    -------------
    ثانيا : أخوج والقراءة
    اممم عندي أخوي فنفس عمر أخوج
    أحيانا يمر غرفتي وياخذ الكتب اللي فمكتبتي
    أحسه يحب اللغة وايد
    بس مول ما يقرا كتاب كامل
    يقرا جزء يسير من الكتاب بس
    --------------
    ثالثا : الصوم ..

    أحيد أول مره صمت فيها رمضان كله كنت صف 3 وكان عمري سبع سنين وقتها ...
    بس قبل يوم كنت صف أول كنت اتحرى الصوم بس عن الأأكل
    اتخيلي أشرب ماي .. واقول للكل انا صايمة لووولز
    ---------

    رابعاُ : سفرة رمضان
    :( العام كنا أكثر نتيمع ع السفرة
    بس هالسنه أغلب العائلة مسافرين برع
    الله يعينهم
    بس كفاية حشرة اليهال ع الفطور أحس مسوين لنا جو -------

    وووو ترى واايد علقت وطولت فالرمسة
    لووولز


    مديم عليج الوناسة يارب :)


     

    ردحذف
  4. الحمدلله اللي تعدل مزاجج ورديتي لنا بالسوالف الحلوة :)

    وعلى سالفة الصيام انا كنت اصوم من ثانية ابتدائي رمضان كامل ..

    ويوم صرت برابع اعتقد كانت سنة الغزو صديقتي إماراتية ماكانت تصوم وكانت تفطرني معاها فكنت أفطر في المدرسة وارد أكمل صيامي عادي في البيت :))))

    صج ذكريات

    ردحذف
  5. والله كلنا عانيينا في اول يوم رمضان
    انا احسن عنج بديت اصوم يوم كنت ثالث و فطرت كل الايام اللي صمتهن خخخخخخخخخخخخخ

    و على سالفة القرايه ماحب اقرأ شي بس الكتب المصوره في احيانا كتب تجذبني افتح الكتاب و على اي صفحه ينفتح عاد اقرأ و عقب اغير
    ماحب
    افضل اني اشوف برامج علميه احسن

    ردحذف
  6. اشوه تعدل مزاجج الحمدالله..

    ياحلات رمضان :)

    مثلنا نتيمع ع السفره برمضان بس :(

    وبالنسبه للقراه متشوقه لها حدي بس معاقبه نفسي احس في شغلات اه اقراها برمضان ..

    اما الصيام بلشت اصوم من 2 ابتدائي بس صيام بوطقه :\

    والله يسهل مشاويرج يارب..

    وسلم قلبها البنوته..

    ومشكوره..

    ردحذف
  7. عسىىىى دوووووووم هالمزااااج والضحكه .. الموقف ضحكني لووول زين تسوي زفتها والقطوه هيهيهيهيهي لا تعليق عليها

    ردحذف
  8. السلام عليكم..
    ماشاء الله تبارك الله
    أن شاء الله دوم يا أم حروبي إتمين بهالمزاج..وطلعتي شراتي من عشاق الكرك
    ...
    بنسبه لأخوج الله يحفظه يارب
    وتصدقين هذا الشي ألاحظه بعد على الصغاريه عندي
    الله يهديهم ويصلحهم يارب
    ...
    سوالفج ماشاء الله حلوه
    الله يسعدج دوم يارب
    ...
    ومبارك عليج الشهر
    ..
    في حفظ الله

    ردحذف
  9. يـماااااا اسم الله ع الياهل بأخر الصورة ..

    اينن ^_^

    اول شي عسى دوم ياااارب المـزاج رايـق يارب ..

    مممممم ما ادري والله اول مرة ادري عن الشي هذا مال التعليقات ..

    قواج الله ^_^

    ردحذف
  10. هلا قلم ومساحة
    ههههه اشوى ابوي ماشفني وانا اسوي جي جان انزفيت ويااه خخ
    لا لا ان شالله مابفطر ^^
    ماله داعي تتاسف ..احسن ماقريته بيضيق خلقك بعدين ^^
    اما عالرقاد يباله يعتدل ..
    مشكوور وماتقصر ^^
    حياك الله~

    ردحذف
  11. هلا والله حبيبتي البطه
    اي الحمدلله ..مابغى ..تبهدلت اسبوع بهالمزاج
    هيه ان شالله ..افكر احين شو اعطيه مادري ..
    اونه تصومين من تحت لين تحت هاا! خخخخخخ كلنا عندنا عمايل سودا خخخخ
    هيه القطوه غامضتني هههههههه
    والياهل اسم الله عليه
    اميييييييين يارب مشكوره والله ماتقصرين
    ربي يعافيج ^^

    ردحذف
  12. هههههه هلا شيختنا اووه اقصد اميرتنا ^^
    تضحكيني يوم تقولين وااايدات كثيرات تعجبني ^^
    1-لا لا إلا الكرك دا بيمشي بدمي ياختي ..
    2-حتى اخوي غصب طيب يقرا بس الحين فجينا العقده خخخخ
    3-ههههههههه حلوه تصومين وتشربين ماي ..خلاص انا بعتمد هالصيام لوووول ..لا لا امزح
    4-هيه والله اليهال يكفون ويوفون
    5-حلاته معطيه عنوان حق كل فقره وترى عادي خذي راحتج ..حلاته السوالف ^^
    مديم علينا وعليج يارب ^^
    مشكوره وحياج الله دووم وكل يوم ^^

    ردحذف
  13. هلا والله مهندستنا ^^
    اي الحمدلله..قلت اعوضكم عن الكدر اللي بالبوست اللي طاف ^^
    ماشالله ..عيل خربت عليج خخخ اكيد مو انا الي خلتج تفطرين !!
    حلاته تذكرين ايام اول ^^
    مشكوره وحياج الله ~ 

    ردحذف
  14. دلوعوه ههههه اونج احسن عني وفطرتيهم كلهم خخخخخخ
    عيل انتي صايره شرات اخوي يا الكتب تكون فيها صور ولا ما يقرا ويحب يطالع البرامج العلمية ^^
    مشكووره وحياج الله ^^

    ردحذف
  15. هلا رورو
    اي الحمدلله ^^
    الله يديم الجمعه ان شالله بعد رمضان ^^
    هههههه عجبتني صيام بوطقه خخ
    سلم قلبج يارب
    مشكوره وحياج الله ^^

    ردحذف
  16. هلا والله كوكو^^
    هيه تستاهل ههههه محد قالها تي صوبي ^^
    ههههههه وناسه القطوه
    مشكوره وحياج الله :)

    ردحذف
  17. وعليكم السلام ورحمة الله وبركاته
    هلا نهار ^^
    امييين يارب ^^
    هيه الكرك ولاشيء غير الكرك خخخ
    هيه يبالهم متابعه ..وحنه عشان يقرون ^^
    امين ويسعدج يارب
    علينا وعليج يارب ...
    ويحفظج حبيبتي ^^

    ردحذف
  18. هلااا بفدك ^^
    ايه شفتي حلاتها :)
    يديمه علينا وعليج يارب ^^
    الله يقويج ^^
    مشكوره وحياج الله ~

    ردحذف
  19. صح أحلى شي برمضان لمة الأهل واليمعة على السحور والفطور
    ليت كل أيامنا رمضان ;)
    **
    وناسة عيل سويتي نادي قراءة فبيتكم p;
    **
    اذكر واحنا صغار كنا نصوم نص يوم
    ابوي كان يقولي اكلي الصبح بالمدرسة وصومي من الظهر لي المغرب
    وانا مصدقة يعني صايمة لووول p;

    وياحلاة سوالفج ;*

    ردحذف
  20. bookmarkهلا

    ايي..وناسه الحين يقولون يبون كتب غيرها ^^
    ههههههه يعني تسحرين متاخر ^^

    انت احلى ^^
    حياج الله~

    ردحذف
  21. القطوه تضحك هههههههههههه

    ردحذف

قال تعالى: (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء*تؤتي أكلها كل حين بإذن ربها ويضرب الله الأمثال للناس لعلهم يتذكرون ))إبراهيم 24-25